၁. ဝိဘင်္ဂဝါရော

နဟေတုပစ္စယော

၅၇. သညောဇနသမ္ပယုတ္တံ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ ပစ္စယာ ဝိစိကိစ္ဆာသဟဂတော မောဟော. (၁)

သညောဇနသမ္ပယုတ္တံ ဓမ္မံ ပစ္စယာ သညောဇနဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ ပစ္စယာ ဥဒ္ဓစ္စသဟဂတော မောဟော. (၂)

၅၈. သညောဇနဝိပ္ပယုတ္တံ ဓမ္မံ ပစ္စယာ သညောဇနဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ သညောဇနဝိပ္ပယုတ္တံ ဧကံ ခန္ဓံ။ပေ။ (ယာဝ အသညသတ္တာ)၊ စက္ခာယတနံ ပစ္စယာ စက္ခုဝိညာဏံ။ပေ။ ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ အဟေတုကာ သညောဇနဝိပ္ပယုတ္တာ ခန္ဓာ စ ဥဒ္ဓစ္စသဟဂတော မောဟော စ. (၁)

သညောဇနဝိပ္ပယုတ္တံ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝတ္ထုံ ပစ္စယာ ဝိစိကိစ္ဆာသဟဂတော မောဟော. (၂)

၅၉. သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော မောဟော. (၁)

သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပစ္စယာ သညောဇနဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဥဒ္ဓစ္စသဟဂတော မောဟော (သံခိတ္တံ). (၂)