၁. ဝိဘင်္ဂဝါရော

နဟေတုပစ္စယော

၉၇. ရူပိံ ဓမ္မံ ပဋိစ္စ ရူပီ ဓမ္မော ဥပ္ပဇ္ဇတိ နဟေတုပစ္စယာ။ တီဏိ.

အရူပိံ ဓမ္မံ ပဋိစ္စ အရူပီ ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အရူပိံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ အဟေတုကပဋိသန္ဓိက္ခဏေ။ပေ။ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (နဟေတုပစ္စယာ နဝ ပဉှာ၊ အဟေတုကန္တိ နိယာမေတဗ္ဗံ).