၁. ဝိဘင်္ဂဝါရော

ဟေတုပစ္စယော

၁၀၁. ဥပါဒါနဉ္စေဝ ဥပါဒါနသမ္ပယုတ္တဉ္စ ဓမ္မံ ပဋိစ္စ ဥပါဒါနော စေဝ ဥပါဒါနသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – ဒိဋ္ဌုပါဒါနံ ပဋိစ္စ ကာမုပါဒါနံ (စက္ကံ ကာတဗ္ဗံ). (၁)

ဥပါဒါနဉ္စေဝ ဥပါဒါနသမ္ပယုတ္တဉ္စ ဓမ္မံ ပဋိစ္စ ဥပါဒါနသမ္ပယုတ္တော စေဝ နော စ ဥပါဒါနော ဓမ္မော ဥပ္ပဇ္ဇတိ ဟေတုပစ္စယာ – ဥပါဒါနေ ပဋိစ္စ သမ္ပယုတ္တကာ ခန္ဓာ. (၂)

ဥပါဒါနဉ္စေဝ ဥပါဒါနသမ္ပယုတ္တဉ္စ ဓမ္မံ ပဋိစ္စ ဥပါဒါနော စေဝ ဥပါဒါနသမ္ပယုတ္တော စ ဥပါဒါနသမ္ပယုတ္တော စေဝ နော စ ဥပါဒါနော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒိဋ္ဌုပါဒါနံ ပဋိစ္စ ကာမုပါဒါနံ သမ္ပယုတ္တကာ စ ခန္ဓာ (စက္ကံ). (၃)