၁. ဝိဘင်္ဂဝါရော

နဟေတုပစ္စယော

၆၀. ဥပါဒါနဝိပ္ပယုတ္တံ ဓမ္မံ ပစ္စယာ ဥပါဒါနဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဥပါဒါနဝိပ္ပယုတ္တံ ဧကံ ခန္ဓံ ပစ္စယာ။ပေ။ (ယာဝ အသညသတ္တာ ) စက္ခာယတနံ ပစ္စယာ စက္ခုဝိညာဏံ။ပေ။ ကာယာယတနံ ပစ္စယာ ကာယဝိညာဏံ။ပေ။ ဝတ္ထုံ ပစ္စယာ အဟေတုကာ ဥပါဒါနဝိပ္ပယုတ္တာ ခန္ဓာ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (သံခိတ္တံ).