၁. ဝိဘင်္ဂဝါရော

နအဓိပတိပစ္စယာဒိ

၁၃၁. ဟေတုဉ္စေဝ သဟေတုကဉ္စ ဓမ္မံ ပဋိစ္စ ဟေတု စေဝ သဟေတုကော စ ဓမ္မော ဥပ္ပဇ္ဇတိ နအဓိပတိပစ္စယာ – အလောဘံ ပဋိစ္စ အဒေါသော အမောဟော (စက္ကံ)၊ ပဋိသန္ဓိက္ခဏေ။ပေ။ (ပရိပုဏ္ဏံ နဝ)၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ.

နကမ္မပစ္စယာဒိ

၁၃၂. ဟေတုဉ္စေဝ သဟေတုကဉ္စ ဓမ္မံ ပဋိစ္စ သဟေတုကော စေဝ န စ ဟေတု ဓမ္မော ဥပ္ပဇ္ဇတိ နကမ္မပစ္စယာ – ဟေတုံ ပဋိစ္စ သမ္ပယုတ္တကာ စေတနာ. (၁)

သဟေတုကဉ္စေဝ န စ ဟေတုံ ဓမ္မံ ပဋိစ္စ သဟေတုကော စေဝ န စ ဟေတု ဓမ္မော ဥပ္ပဇ္ဇတိ နကမ္မပစ္စယာ – သဟေတုကေ စေဝ န စ ဟေတူ ခန္ဓေ ပဋိစ္စ သမ္ပယုတ္တကာ စေတနာ၊ ပဋိသန္ဓိက္ခဏေ။ပေ။.

ဟေတုဉ္စေဝ သဟေတုကဉ္စ သဟေတုကဉ္စေဝ န စ ဟေတုဉ္စ ဓမ္မံ ပဋိစ္စ သဟေတုကော စေဝ န စ ဟေတု ဓမ္မော ဥပ္ပဇ္ဇတိ နကမ္မပစ္စယာ – ဟေတုဉ္စ သမ္ပယုတ္တကေ စ ခန္ဓေ ပဋိစ္စ သမ္ပယုတ္တကာ စေတနာ။ နဝိပါကပစ္စယာ။ နဝိပ္ပယုတ္တပစ္စယာ.