၁. ပဋိစ္စဝါရော

ဟေတုပစ္စယော

၁၂၆. ဟေတုသမ္ပယုတ္တံ ဓမ္မံ ပဋိစ္စ ဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဟေတုသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. (၁)

ဟေတုသမ္ပယုတ္တံ ဓမ္မံ ပဋိစ္စ ဟေတုဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဟေတုသမ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ။ပေ။. (၂)

(ဣမိနာ ကာရဏေန ဝိတ္ထာရေတဗ္ဗံ ယထာ သဟေတုကဒုကံ နိန္နာနာကရဏံ.)

ဟေတုသမ္ပယုတ္တဒုကံ နိဋ္ဌိတံ.