၁. ဝိဘင်္ဂဝါရော

နဟေတုပစ္စယော

၇၀. ဒဿနေန ပဟာတဗ္ဗဟေတုကံ ဓမ္မံ သံသဋ္ဌော နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော မောဟော.(၁)

ဘာဝနာယ ပဟာတဗ္ဗဟေတုကံ ဓမ္မံ သံသဋ္ဌော နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ သံသဋ္ဌော ဥဒ္ဓစ္စသဟဂတော မောဟော. (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ သံသဋ္ဌော နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ သံသဋ္ဌာ ဒွေ ခန္ဓာ. အဟေတုကပဋိသန္ဓိက္ခဏေ။ပေ။. (၁)

နအဓိပတိပစ္စယာဒိ

၇၁. ဒဿနေန ပဟာတဗ္ဗဟေတုကံ ဓမ္မံ သံသဋ္ဌော။ပေ။ နအဓိပတိပစ္စယာ (သဟဇာတသဒိသံ)။ နပုရေဇာတပစ္စယာ။ နပစ္ဆာဇာတပစ္စယာ၊ နအာသေဝနပစ္စယာ။ နကမ္မပစ္စယာ။ သတ္တ၊ နဝိပါကပစ္စယာ။ နဈာနပစ္စယာ။ နမဂ္ဂပစ္စယာ။ နဝိပ္ပယုတ္တပစ္စယာ။.