၁. ပစ္စယာနုလောမံ

ဟေတုပစ္စယော

၄၇. ဥပါဒိန္နုပါဒါနိယံ ဓမ္မံ သံသဋ္ဌော ဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – ဥပါဒိန္နုပါဒါနိယံ ဧကံ ခန္ဓံ သံသဋ္ဌာ တယော ခန္ဓာ၊ တယော ခန္ဓေ သံသဋ္ဌော ဧကော ခန္ဓော၊ ဒွေ ခန္ဓေ သံသဋ္ဌာ ဒွေ ခန္ဓာ၊ ပဋိသန္ဓိက္ခဏေ ဥပါဒိန္နုပါဒါနိယံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ သံသဋ္ဌာ ဒွေ ခန္ဓာ. (၁)

အနုပါဒိန္နုပါဒါနိယံ ဓမ္မံ သံသဋ္ဌော အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – အနုပါဒိန္နုပါဒါနိယံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ သံသဋ္ဌာ ဒွေ ခန္ဓာ. (၁)

အနုပါဒိန္နအနုပါဒါနိယံ ဓမ္မံ သံသဋ္ဌော အနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – အနုပါဒိန္နအနုပါဒါနိယံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ သံသဋ္ဌာ ဒွေ ခန္ဓာ. (၁) (သံခိတ္တံ.)

သင်္ချာဝါရော

၄၈. ဟေတုယာ တီဏိ။ပေ။ အဓိပတိယာ ဒွေ။ပေ။ အာသေဝနေ ဒွေ။ပေ။ ဝိပါကေ ဒွေ။ပေ။ အဝိဂတေ တီဏိ.

(ယထာ ကုသလတ္တိကေ ဂဏနာ၊ ဧဝံ ဂဏေတဗ္ဗာ.)

အနုလောမံ.