၄. ပစ္စယပစ္စနီယာနုလောမံ
နဟေတုဒုကံ
၈၁. နဟေတုပစ္စယာ အာရမ္မဏေ သတ္တ၊ အနန္တရေ သတ္တ၊ သမနန္တရေ သတ္တ၊ သဟဇာတေ ဒွါဒသ၊ အညမညေ နဝ၊ နိဿယေ ဒွါဒသ၊ ဥပနိဿယေ သတ္တ၊ ပုရေဇာတေ သတ္တ၊ အာသေဝနေ စတ္တာရိ၊ ကမ္မေ ဒွါဒသ၊ ဝိပါကေ နဝ၊ အာဟာရေ ဒွါဒသ၊ ဣန္ဒြိယေ ဒွါဒသ၊ ဈာနေ ဒွါဒသ၊ မဂ္ဂေ တီဏိ၊ သမ္ပယုတ္တေ သတ္တ၊ ဝိပ္ပယုတ္တေ ဒွါဒသ၊ အတ္ထိယာ ဒွါဒသ၊ နတ္ထိယာ သတ္တ၊ ဝိဂတေ သတ္တ၊ အဝိဂတေ ဒွါဒသ.
တိကံ
နဟေတုပစ္စယာ နအာရမ္မဏပစ္စယာ သဟဇာတေ တီဏိ၊ အညမညေ ဒွေ။ပေ။ အဝိဂတေ တီဏိ.
(ယထာ ကုသလတ္တိကေ ပစ္စနီယာနုလောမဂဏနာ၊ ဧဝံ ဂဏေတဗ္ဗံ.)
ပစ္စနီယာနုလောမံ.
ပစ္စယဝါရော.