(၂) ပစ္စနီယုဒ္ဓါရော

၅၂၇. ကုသလော ဓမ္မော ကုသလဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော.

ကုသလော ဓမ္မော အကုသလဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော.

ကုသလော ဓမ္မော အဗျာကတဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော.

ကုသလော ဓမ္မော ကုသလဿ စ အဗျာကတဿ စ ဓမ္မဿ သဟဇာတပစ္စယေန ပစ္စယော. (၄)

၅၂၈. အကုသလော ဓမ္မော အကုသလဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော.

အကုသလော ဓမ္မော ကုသလဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော.

အကုသလော ဓမ္မော အဗျာကတဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော.

အကုသလော ဓမ္မော အကုသလဿ စ အဗျာကတဿ စ ဓမ္မဿ သဟဇာတပစ္စယေန ပစ္စယော. (၄)

၅၂၉. အဗျာကတော ဓမ္မော အဗျာကတဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော.

အဗျာကတော ဓမ္မော ကုသလဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော.

အဗျာကတော ဓမ္မော အကုသလဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော. (၃)

၅၃၀. ကုသလော စ အဗျာကတော စ ဓမ္မာ ကုသလဿ ဓမ္မဿ သဟဇာတံ၊ ပုရေဇာတံ.

ကုသလော စ အဗျာကတော စ ဓမ္မာ အဗျာကတဿ ဓမ္မဿ သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ. (၂)

၅၃၁. အကုသလော စ အဗျာကတော စ ဓမ္မာ အကုသလဿ ဓမ္မဿ သဟဇာတံ၊ ပုရေဇာတံ.

အကုသလော စ အဗျာကတော စ ဓမ္မာ အဗျာကတဿ ဓမ္မဿ သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ. (၂)

ပဉှာဝါရဿ ပစ္စနီယုဒ္ဓါရော.