၁. ဝိဘင်္ဂဝါရော

နဟေတုပစ္စယော

၃၅၁. အကုသလံ ဓမ္မံ သံသဋ္ဌော အကုသလော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော ဥဒ္ဓစ္စသဟဂတော မောဟော. (၁)

အဗျာကတံ ဓမ္မံ သံသဋ္ဌော အဗျာကတော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဝိပါကာဗျာကတံ ကိရိယာဗျာကတံ ဧကံ ခန္ဓံ သံသဋ္ဌာ တယော ခန္ဓာ၊ တယော ခန္ဓေ သံသဋ္ဌော ဧကော ခန္ဓော၊ ဒွေ ခန္ဓေ သံသဋ္ဌာ ဒွေ ခန္ဓာ၊ အဟေတုကပဋိသန္ဓိက္ခဏေ ဝိပါကာဗျာကတံ ဧကံ ခန္ဓံ သံသဋ္ဌာ တယော ခန္ဓာ၊ တယော ခန္ဓေ သံသဋ္ဌော ဧကော ခန္ဓော၊ ဒွေ ခန္ဓေ သံသဋ္ဌာ ဒွေ ခန္ဓာ. (၁)

နအဓိပတိအာဒိပစ္စယာ

၃၅၂. ကုသလံ ဓမ္မံ သံသဋ္ဌော ကုသလော ဓမ္မော ဥပ္ပဇ္ဇတိ နအဓိပတိပစ္စယာ။ နပုရေဇာတပစ္စယာ – အရူပေ [အာရုပ္ပေ (သဗ္ဗတ္ထ)] ကုသလံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ သံသဋ္ဌာ ဒွေ ခန္ဓာ. အကုသလံ ဓမ္မံ။ပေ။ အဗျာကတံ ဓမ္မံ။ပေ။.

နပစ္ဆာဇာတ-နအာသေဝနပစ္စယာ

၃၅၃. ကုသလံ ဓမ္မံ သံသဋ္ဌော ကုသလော ဓမ္မော ဥပ္ပဇ္ဇတိ နပစ္ဆာဇာတပစ္စယာ။ တီဏိ. နအာသေဝနပစ္စယာ။ တီဏိ.

နကမ္မပစ္စယော

၃၅၄. ကုသလံ ဓမ္မံ သံသဋ္ဌော ကုသလော ဓမ္မော ဥပ္ပဇ္ဇတိ နကမ္မပစ္စယာ. ကုသလေ ခန္ဓေ သံသဋ္ဌာ ကုသလာ စေတနာ. (၁)

အကုသလံ ဓမ္မံ သံသဋ္ဌော အကုသလော ဓမ္မော ဥပ္ပဇ္ဇတိ နကမ္မပစ္စယာ. အကုသလေ ခန္ဓေ သံသဋ္ဌာ အကုသလာ စေတနာ. (၁)

အဗျာကတံ ဓမ္မံ သံသဋ္ဌော အဗျာကတော ဓမ္မော ဥပ္ပဇ္ဇတိ နကမ္မပစ္စယာ. ကိရိယာဗျာကတေ ခန္ဓေ သံသဋ္ဌာ ကိရိယာဗျာကတာ စေတနာ. (၁)

နဝိပါကပစ္စယော

၃၅၅. ကုသလံ ဓမ္မံ သံသဋ္ဌော။ပေ။ အကုသလံ ဓမ္မံ။ပေ။ အဗျာကတံ ဓမ္မံ သံသဋ္ဌော အဗျာကတော ဓမ္မော ဥပ္ပဇ္ဇတိ နဝိပါကပစ္စယာ – ကိရိယာဗျာကတံ ဧကံ ခန္ဓံ.

(သံသဋ္ဌဝါရေ ပစ္စနီယဝိဘင်္ဂေ နကမ္မေ စ နဝိပါကေ စ ပဋိသန္ဓိ နတ္ထိ၊ အဝသေသေသု သဗ္ဗတ္ထ အတ္ထိ.)

နဈာနပစ္စယော

၃၅၆. အဗျာကတံ ဓမ္မံ သံသဋ္ဌော အဗျာကတော ဓမ္မော ဥပ္ပဇ္ဇတိ နဈာနပစ္စယာ – ပဉ္စဝိညာဏသဟဂတံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ သံသဋ္ဌာ ဒွေ ခန္ဓာ. (၁)

နမဂ္ဂပစ္စယော

၃၅၇. အဗျာကတံ ဓမ္မံ သံသဋ္ဌော အဗျာကတော ဓမ္မော ဥပ္ပဇ္ဇတိ နမဂ္ဂပစ္စယာ – အဟေတုကံ ဝိပါကာဗျာကတံ ကိရိယာဗျာကတံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ သံသဋ္ဌာ ဒွေ ခန္ဓာ၊ အဟေတုကပဋိသန္ဓိက္ခဏေ။ပေ။. (၁)

နဝိပ္ပယုတ္တပစ္စယော

၃၅၈. ကုသလံ ဓမ္မံ သံသဋ္ဌော ကုသလော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ကုသလံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ သံသဋ္ဌာ ဒွေ ခန္ဓာ. (၁)

အကုသလံ ဓမ္မံ သံသဋ္ဌော အကုသလော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ အကုသလံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ သံသဋ္ဌာ ဒွေ ခန္ဓာ. (၁)

အဗျာကတံ ဓမ္မံ သံသဋ္ဌော အဗျာကတော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဝိပါကာဗျာကတံ ကိရိယာဗျာကတံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ သံသဋ္ဌာ ဒွေ ခန္ဓာ. (နဝိပ္ပယုတ္တေ ပဋိသန္ဓိ နတ္ထိ.) (၁)