၁. ပစ္စယာနုလောမံ

၁. ဝိဘင်္ဂဝါရော

ဟေတုပစ္စယော

၃၃၈. ကုသလံ ဓမ္မံ သံသဋ္ဌော ကုသလော ဓမ္မော ဥပ္ပဇ္ဇတိ ဟေတုပစ္စယာ – ကုသလံ ဧကံ ခန္ဓံ သံသဋ္ဌာ တယော ခန္ဓာ၊ တယော ခန္ဓေ သံသဋ္ဌော ဧကော ခန္ဓော၊ ဒွေ ခန္ဓေ သံသဋ္ဌာ ဒွေ ခန္ဓာ. (၁)

အကုသလံ ဓမ္မံ သံသဋ္ဌော အကုသလော ဓမ္မော ဥပ္ပဇ္ဇတိ ဟေတုပစ္စယာ – အကုသလံ ဧကံ ခန္ဓံ သံသဋ္ဌာ တယော ခန္ဓာ၊ တယော ခန္ဓေ သံသဋ္ဌော ဧကော ခန္ဓော၊ ဒွေ ခန္ဓေ သံသဋ္ဌာ ဒွေ ခန္ဓာ. (၁)

အဗျာကတံ ဓမ္မံ သံသဋ္ဌော အဗျာကတော ဓမ္မော ဥပ္ပဇ္ဇတိ ဟေတုပစ္စယာ – ဝိပါကာဗျာကတံ ကိရိယာဗျာကတံ ဧကံ ခန္ဓံ သံသဋ္ဌာ တယော ခန္ဓာ၊ တယော ခန္ဓေ သံသဋ္ဌော ဧကော ခန္ဓော၊ ဒွေ ခန္ဓေ သံသဋ္ဌာ ဒွေ ခန္ဓာ၊ ပဋိသန္ဓိက္ခဏေ ဝိပါကာဗျာကတံ ဧကံ ခန္ဓံ သံသဋ္ဌာ တယော ခန္ဓာ၊ တယော ခန္ဓေ သံသဋ္ဌော ဧကော ခန္ဓော၊ ဒွေ ခန္ဓေ သံသဋ္ဌာ ဒွေ ခန္ဓာ. (၁)

အာရမ္မဏာဒိပစ္စယာ

၃၃၉. ကုသလံ ဓမ္မံ သံသဋ္ဌော ကုသလော ဓမ္မော ဥပ္ပဇ္ဇတိ အာရမ္မဏပစ္စယာ။ အဓိပတိပစ္စယာ။ (အဓိပတိ ပဋိသန္ဓိက္ခဏေ နတ္ထိ.) အနန္တရပစ္စယာ။ သမနန္တရပစ္စယာ။ သဟဇာတပစ္စယာ။ အညမညပစ္စယာ။ နိဿယပစ္စယာ။ ဥပနိဿယပစ္စယာ. (သဗ္ဗာနိ ပဒါနိ ဟေတုမူလကသဒိသာနိ).

ပုရေဇာတပစ္စယော

၃၄၀. ကုသလံ ဓမ္မံ သံသဋ္ဌော ကုသလော ဓမ္မော ဥပ္ပဇ္ဇတိ ပုရေဇာတပစ္စယာ – ကုသလံ ဧကံ ခန္ဓံ သံသဋ္ဌာ တယော ခန္ဓာ၊ တယော ခန္ဓေ သံသဋ္ဌော ဧကော ခန္ဓော၊ ဒွေ ခန္ဓေ သံသဋ္ဌာ ဒွေ ခန္ဓာ၊ ဝတ္ထုံ ပုရေဇာတပစ္စယာ. (၁)

အကုသလံ ဓမ္မံ သံသဋ္ဌော အကုသလော ဓမ္မော ဥပ္ပဇ္ဇတိ ပုရေဇာတပစ္စယာ – အကုသလံ ဧကံ ခန္ဓံ သံသဋ္ဌာ တယော ခန္ဓာ၊ တယော ခန္ဓေ သံသဋ္ဌော ဧကော ခန္ဓော၊ ဒွေ ခန္ဓေ သံသဋ္ဌာ ဒွေ ခန္ဓာ၊ ဝတ္ထုံ ပုရေဇာတပစ္စယာ. (၁)

အဗျာကတံ ဓမ္မံ သံသဋ္ဌော အဗျာကတော ဓမ္မော ဥပ္ပဇ္ဇတိ ပုရေဇာတပစ္စယာ – ဝိပါကာဗျာကတံ ကိရိယာဗျာကတံ ဧကံ ခန္ဓံ သံသဋ္ဌာ တယော ခန္ဓာ၊ တယော ခန္ဓေ သံသဋ္ဌော ဧကော ခန္ဓော၊ ဒွေ ခန္ဓေ သံသဋ္ဌာ ဒွေ ခန္ဓာ၊ ဝတ္ထုံ ပုရေဇာတပစ္စယာ. (၁)

အာသေဝနပစ္စယော

၃၄၁. ကုသလံ ဓမ္မံ သံသဋ္ဌော။ပေ။ အကုသလံ ဓမ္မံ။ပေ။ အဗျာကတံ ဓမ္မံ သံသဋ္ဌော အဗျာကတော ဓမ္မော ဥပ္ပဇ္ဇတိ အာသေဝနပစ္စယာ – ကိရိယာဗျာကတံ ဧကံ ခန္ဓံ သံသဋ္ဌာ။ပေ။.

ကမ္မပစ္စယော

၃၄၂. ကုသလံ ဓမ္မံ သံသဋ္ဌော ကုသလော ဓမ္မော ဥပ္ပဇ္ဇတိ ကမ္မပစ္စယာ။ပေ။ အကုသလံ ဓမ္မံ သံသဋ္ဌော။ပေ။ အဗျာကတံ ဓမ္မံ သံသဋ္ဌော။ပေ။.

ဝိပါကပစ္စယော

၃၄၃. အဗျာကတံ ဓမ္မံ သံသဋ္ဌော အဗျာကတော ဓမ္မော ဥပ္ပဇ္ဇတိ ဝိပါကပစ္စယာ – ဝိပါကာဗျာကတံ။ပေ။.

အာဟာရာဒိပစ္စယာ

၃၄၄. ကုသလံ ဓမ္မံ သံသဋ္ဌော ကုသလော ဓမ္မော ဥပ္ပဇ္ဇတိ အာဟာရပစ္စယာ။ ဣန္ဒြိယပစ္စယာ ။ ဈာနပစ္စယာ။ မဂ္ဂပစ္စယာ။ သမ္ပယုတ္တပစ္စယာ. (ဣမာနိ ပဒါနိ ဟေတုပစ္စယသဒိသာနိ.)

ဝိပ္ပယုတ္တပစ္စယော

၃၄၅. ကုသလံ ဓမ္မံ သံသဋ္ဌော ကုသလော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – ကုသလံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ သံသဋ္ဌာ ဒွေ ခန္ဓာ၊ ဝတ္ထုံ ဝိပ္ပယုတ္တပစ္စယာ.

အကုသလံ ဓမ္မံ။ပေ။ ဝတ္ထုံ ဝိပ္ပယုတ္တပစ္စယာ.

အဗျာကတံ ဓမ္မံ။ပေ။ ဝတ္ထုံ ဝိပ္ပယုတ္တပစ္စယာ.

အတ္ထိအာဒိပစ္စယာ

၃၄၆. ကုသလံ ဓမ္မံ သံသဋ္ဌော ကုသလော ဓမ္မော ဥပ္ပဇ္ဇတိ အတ္ထိပစ္စယာ။ နတ္ထိပစ္စယာ။ ဝိဂတပစ္စယာ။ အဝိဂတပစ္စယာ (ဟေတုပစ္စယသဒိသံ).