(၂၁၂-၄) ၅-၇. တိဿောပိကထာ

၈၉၈. အတ္ထိ ဂဗ္ဘသေယျာယ အရဟတ္တပ္ပတ္တီတိ? အာမန္တာ. သုတ္တဿ ပမတ္တဿ မုဋ္ဌဿတိဿ အသမ္ပဇာနဿ အရဟတ္တပ္ပတ္တီတိ? န ဟေဝံ ဝတ္တဗ္ဗေ။ပေ။.

၈၉၉. အတ္ထိ သုပိနဂတဿ ဓမ္မာဘိသမယောတိ? အာမန္တာ. သုတ္တဿ ပမတ္တဿ မုဋ္ဌဿတိဿ အသမ္ပဇာနဿ ဓမ္မာဘိသမယောတိ? န ဟေဝံ ဝတ္တဗ္ဗေ။ပေ။.

၉၀၀. အတ္ထိ သုပိနဂတဿ အရဟတ္တပ္ပတ္တီတိ? အာမန္တာ. သုတ္တဿ ပမတ္တဿ မုဋ္ဌဿတိဿ အသမ္ပဇာနဿ အရဟတ္တပ္ပတ္တီတိ? န ဟေဝံ ဝတ္တဗ္ဗေ။ပေ။.

တိဿောပိကထာ နိဋ္ဌိတာ.