၁၅. ပန္နရသမဝဂ္ဂေါ

(၁၅၂) ၈. ဒုတိယသညာဝေဒယိတကထာ

၇၃၀. သညာဝေဒယိတနိရောဓသမာပတ္တိ လောကိယာတိ? အာမန္တာ. ရူပန္တိ? န ဟေဝံ ဝတ္တဗ္ဗေ။ပေ။ ဝေဒနာ။ သညာ။ သင်္ခါရာ။ ဝိညာဏန္တိ? န ဟေဝံ ဝတ္တဗ္ဗေ။ပေ။ ကာမာဝစရာတိ? န ဟေဝံ ဝတ္တဗ္ဗေ။ပေ။ ရူပါဝစရာတိ? န ဟေဝံ ဝတ္တဗ္ဗေ။ပေ။ အရူပါဝစရာတိ? န ဟေဝံ ဝတ္တဗ္ဗေ။ပေ။.

၇၃၁. န ဝတ္တဗ္ဗံ – ‘‘သညာဝေဒယိတနိရောဓသမာပတ္တိ လောကိယာတိ? အာမန္တာ. လောကုတ္တရာတိ? န ဟေဝံ ဝတ္တဗ္ဗေ. တေန ဟိ လောကိယာတိ.

ဒုတိယသညာဝေဒယိတကထာ နိဋ္ဌိတာ.