၃. ဖဿာဒိသတ္တကံ

၄၇၂. ဖဿေန ယေ ဓမ္မာ။ ဝေဒနာယ ယေ ဓမ္မာ။ သညာယ ယေ ဓမ္မာ။ စေတနာယ ယေ ဓမ္မာ။ စိတ္တေန ယေ ဓမ္မာ။ မနသိကာရေန ယေ ဓမ္မာ ဝိပ္ပယုတ္တာ။ တေ ဓမ္မာ အသင်္ခတံ ခန္ဓတော ဌပေတွာ ဧကေန ခန္ဓေန ဧကာဒသဟာယတနေဟိ ဧကာဒသဟိ ဓာတူဟိ သင်္ဂဟိတာ. ကတိဟိ အသင်္ဂဟိတာ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ အသင်္ဂဟိတာ.

၄၇၃. အဓိမောက္ခေန ယေ ဓမ္မာ ဝိပ္ပယုတ္တာ။ တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ သတ္တရသဟိ ဓာတူဟိ သင်္ဂဟိတာ. ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ ဧကာယ ဓာတုယာ အသင်္ဂဟိတာ.