သူရဿတီနီတိ

၁. ကတညုတာ စ သစ္စဉ္စ၊

လောကသာရာ ဟိ တေ ဒုဝေ၊

လောကာပိ တေဟိ တိဋ္ဌန္တိ၊

ရဋ္ဌံ အကံသု ဣဿရံ.

၂. ကာကာစ ဒုဇ္ဇနာ လောကေ၊

မလီဘူတာဝ သဗ္ဗဒါ၊

ဣဋ္ဌံ ဂုဏံ နာသယန္တိ၊

တေ ဝေ လောကဿ ဝေရိနော.

မိဂါနံ သိင်္ဂါလော အန္တော၊

ပက္ခီနံ ပန ဝါယသော.

အကာရဏဝေရီ ဟောန္တိ၊

မစ္ဆာနံ ဓီဝရာ ယထာ၊

ဂုဏီနံ သဇ္ဇနာနဉ္စ၊

ဒုဇ္ဇနာ နိစ္စဝေရိနော.

၃. သိရိံ ဘောန္တော သုပေါသေထ၊

သိရိ မူလာ ဟိ သမ္ပဒါ၊

သိရိယ ဣဓ ဇောတန္တိ၊

သိရီ သာ သဗ္ဗသိဒ္ဓိကာ.

၄. မုသာ တမောကရာ လောကေ၊

သစ္စံ မီဒိတိကာရကံ၊

မုသာတမေန ဒုက္ခန္တိ၊

သစ္စာဘာယ သုခန္တိဝေ.

သုဝိဇာနံ သိင်္ဂါလာနံ၊

သကုဏာနဉ္စ ဝဿိတံ၊

မနုဿဝဿိတံ ရာဇ၊

ဒုဗ္ဗိဇာနတရံ တတော.

၅. ကပ္ပဂ္ဂိသဒိသာ ဣဿာ၊

ဈာပေတိ သဗ္ဗသမ္ပဒံ၊

မုဒိတာ ကပ္ပမေဃောဝ၊

ရောပေတိ သဗ္ဗသမ္ပဒံ.

၆. ယထာ အသန္ထိရာ ထမ္ဘာ၊

ထုသရာသိမှိ ဥဿိတာ၊

တထေဝ ကပိစိတ္တာနံ၊

ကမ္မန္တာ စဉ္စလင်္ဂတာ.

ဟလိဒ္ဒိရာဂံ ကပိစိတ္တံ၊

ပုရိသံ ရာဂဝိရာဂိနံ၊

ဧဒိသံ တာတ မာသေဝိ၊

နိမ္မနုဿမ္ပိ စေ သိယာ.

၇. [က]

ပုပ္ဖစုမ္ဗိ စိတ္တပတ္တီ၊

သကဝဏ္ဏေန မဇ္ဇိတော၊

ဝိက္ကမီ ပုပ္ဖတော ပုပ္ဖံ၊

နဿာဂါရံ န သင်္ဂမော.

[ခ]

ကိပ္ပိလိကာ ဒုဗ္ဗဏ္ဏာပိ၊

သမဂ္ဂါစ ပရက္ကမာ၊

မာ ဟောထ ပုပ္ဖစုမ္ဗီဝ၊

ဟောထ ဝေါ ပစိကာ ယထာ.

၁. ယေ မရန္တိ ကီဠန္တာ တေ၊

သွာနာ အညောညမောဒိတာ၊

ဒိသွာန ဆဋ္ဋိတံ ဘတ္တံ၊

သီဃဝေရီ ဝိဟိံသရေ.

၂. တထေကေပိ ဇနာ ဒါနိ၊

သမဂ္ဂါ ညောညမောဒိတာ၊

ဓနဟေတု ဝိဟိံသန္တိ၊

ဓီရတ္ထု သီဃဝေရိကာ.

၉. ဝသန္တေ ဟေမန္တေ ဂိမှေ၊

နေဝ တာလာ ဝိသေသိနော၊

ထိရစိတ္တာ ဇနာ သန္တာ၊

သုခဒုက္ခေသု နိစ္စလာ.

၁၀. ယထာ ပဝဋ္ဋမာနမှိ၊

သုဋ္ဌု တိဋ္ဌတိ ဂေဏ္ဌုကေ၊

အပ္ပဝဋ္ဋေ ဘူမျံ သေတိ၊

တထေဝ ဂေဏ္ဌုကော ဇနော.

၁၁. အဂ္ဃါပေတုံ နသက္ကောန္တိ၊

ကာလဉှိ ကာလိကာ ဇနာ၊

ဝဇိရာဒိဉ္စ သက္ကောန္တိ၊

တေန ကာလော အနဂ္ဃိကော.

၁၂. [က]

အသနော ဟိ ဒီဃဒ္ဓါနော၊

သာရသာရော သုဂန္ဓိကော၊

နိဂ္ဂန္ဓော တွေဝ နိဿာရော၊

ဒီဃဒ္ဓါနောပိ သိမ္ဗလီ.

[ခ]

တထေဝေကေ ဇနာ လောကေ၊

ဒီဃဒ္ဓါနာ သုသာရကာ၊

နိဿာရာ ကေစိ ဖေဂ္ဂူဝ၊

ဒီဃဒ္ဓါနာပိ ဂေါယထာ.

၁၃. ဥပကာရော စာပကာရော၊

ယသ္မိံ ဂစ္ဆတိ နဋ္ဌတံ၊

ပါသာဏဟဒယဿဿ၊

ဇီဝတီတျာ ဘိဓာမုဓာ.

ပသာဒေါ နိပ္ဖလော ယဿ၊

ကောပေါစာပိ နိရတ္ထကော၊

န တံ သင်္ဂန္တု မိစ္ဆေယျ၊

ထီပုမာဝ နပုံသကံ.

၁၄. ဥပစာရော ဟိ ကာတဗ္ဗော၊

န ယာဝ သောဟဒံ ဘဝေ၊

ဥပစာရော သုမိတ္တမှိ၊

မာယာ စ ဟောတိ ကောဋိလံ.

၁၅. ကမေန အဂ္ဂတော ဥစ္ဆု၊

ရသော သာဒုတရော ယထာ၊

တထေဝ သုမိတ္တော လောကေ၊

ဒုမ္မိတ္တော ပန နေဒိသော.

၁၆. သောကာရာတိ ပရိတ္တာဏံ၊

ဝိဿာသပီတိဘာဇနံ၊

ရတနာဘိရတနံ ဣစ္ဆေ၊

သုမိတ္တံ အက္ခရတ္တယံ.

၁၇. ဒမ္ပတီနံ သုမိတ္တာနံ၊

မုခံ အညောညဒပ္ပဏံ၊

သုခေ သုခံ ဒုက္ခေ ဒုက္ခံ၊

ပဋိစ္ဆာယေဝ ဒပ္ပဏေ.

ကထံ နု တာသံ ဟဒယံ၊

သုခရာဝတ ဣတ္ထိယော၊

ယာသာမိကေ ဒုက္ခိတမှိ၊

သုခမိစ္ဆန္တိ အတ္တနော.

၁၈. နိဝါတဉ္စ ပုရေ ကတွာ၊

မာနံ ကတွာန ပစ္ဆတော၊

သကတ္ထံ ဓာရယေ ဓီရော၊

အတ္ထဘဉ္ဇော ဟိ မုဠှတာ.

၁၉. ပုရေစာရံ သတိံ ကတွာ၊

သဒ္ဓံ ကရေယျ ပစ္ဆတော၊

တုရံ န သဒ္ဒဟေ ဓီရော၊

သီဃသဒ္ဓေါ ဟိ မန္ဒကော.

၂၀. ဝနေ ၀.၀၀၉၉ ဗဟူနိ ကဋ္ဌာနိ၊

ဒုလ္လဘံ ရတ္တစန္ဒနံ၊

တထာ ဇနာ ဗဟူ လောကေ၊

ပုမာ ဇညော သုဒုလ္လဘော.

၂၁. တိဏကဋ္ဌပလာသေဟိ၊

သုက္ခေဟိ ဒယှတေ ဝနံ၊

ဧတာဒီဟိ အသာရေဟိ၊

လောကော ဇနေဟိ ဒယှတေ.

၂၂. အန္တောဝဿေ တိမာသမှိ၊

ပုညကမ္မေန မောဒိတာ၊

သုခံ ဝသိံသု ပေါရာဏာ၊

ဗုဒ္ဓသာသနမာမကာ.

၂၃. မိဂမဒေန ဧကေန၊

တံ ဝနံ သုရဘိဂန္ဓိကံ၊

တထာ ဇနေန တံ ရဋ္ဌံ၊

ဂုဏိနာ ဟိ သိရီမတာ.

သရီရံ ခဏဝိဒ္ဓံသီ၊

ကပ္ပန္တဋ္ဌာယိနော ဂုဏာ.

၂၄. ခရာနံ သီဟဗျဂ္ဃါနံ၊

သင်္ဂမော နော ဟိသဗ္ဗဒါ၊

တထေဝ ဗျဂ္ဃစိတ္တာနံ၊

သဇာတိကာ ခယောနတာ.

၂၅. သက သာဓုပိ နော သာဓူ၊

ယော စေည ဒုဋ္ဌကာရကော၊

ဗဟူနံ သာဓူ ပါယေန၊

သ ဝေ သာဓူတိ ဝုစ္စတေ.

၂၆. ဗဟူဒကေ သမုဒ္ဒေပိ၊

ဇလံ နတ္ထေဝ ပါတဝေ၊

ခုဒ္ဒကေ ခတကူပမှိ၊

သာဒုံ အတ္ထိ ဗဟုံ ဒကံ.

၂၇. မာ သီဃံ ဝိဝရေယျာထ၊

နိန္ဒိတုဉ္စ ပသံသိတုံ၊

မုခဉှိ ဝေါ ကထာဒွါရံ၊

နိရုန္ဓေယျာထ သဗ္ဗဒါ.

၂၈. မာ သီဃံ ဝိဝရေယျာထ၊