၅. အစေလကဝဂ္ဂ ၈-၉-၁၀. ဥယျုတ္တသေနာ စသော သိက္ခာပုစ္ဆာ
ပုစ္ဆာ – ဥယျုတ္တံ အာဝုသော သေနံ ဒဿနာယ ဂစ္ဆန္တဿ စ အတိရေကတိရတ္တံ သေနာယ ဝသန္တဿ စ ဥယျောဓိကံ ဂစ္ဆန္တဿ စ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ.
ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဥယျုတ္တံ သေနံ ဒဿနာယ အဂမံသု၊ တေယေဝ ဘန္တေ ဆဗ္ဗဂ္ဂိယာ ဘိက္ခူ အတိရေကတိရတ္တံ သေနာယ ဝသိံသု၊ တေယေဝ ဘန္တေ ဆဗ္ဗဂ္ဂိယာ ဘိက္ခူ ဥယျောဓိကံ အဂမံသု၊ တသ္မိံ ဘန္တေ ဝတ္ထုသ္မိံ ပညတ္တံ.