၄. ဘောဇနဝဂ္ဂ၊ ၄. ကာဏမာတု သိက္ခာပုစ္ဆာ

ပုစ္ဆာ – ဒွတ္တိပတ္တပူရံ ပူဝံ ပဋိဂ္ဂဟေတွာ တတုတ္တရိ ပဋိဂ္ဂဏှန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ.

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ န မတ္တံ ဇာနိတွာ ပူဝံ ပဋိဂ္ဂဟေသုံ၊ တသ္မိံ ဘန္တေ ဝတ္ထုသ္မိံ ပညတ္တံ.

ပုစ္ဆာ – ကဿ အာဝုသော ဝစနံ.

ဝိဿဇ္ဇနာ – ဘဂဝတော ဘန္တေ ဝစနံ အရဟတော သမ္မာသမ္ဗုဒ္ဓဿ.

ပုစ္ဆာ – ကေနာဝုသော အာဘတံ.

ဝိဿဇ္ဇနာ – ပရမ္ပရာယ ဘန္တေ အာဘတံ.

ပုစ္ဆာ – အတ္ထိ နုခေါ အာဝုသော ဧတ္ထ ကောစိပိ ဝိရဒ္ဓဒေါသော.

ဝိဿဇ္ဇနာ – နတ္ထိ ဘန္တေ.