၂. ကောသိယဝဂ္ဂ၊ ၁. ကောသိယ သိက္ခာပုစ္ဆာ
ပုစ္ဆာ – ကောသိယမိဿကံ အာဝုသော သန္ထကံ ကာရာပေန္တဿ နိဿဂ္ဂိယံ ပါစိတ္တိယံ ဘဂဝတာ ကတ္ထ ပညတ္တံ.
ဝိဿဇ္ဇနာ – အာဠဝိယံ ဘန္တေ ပညတ္တံ.
ပုစ္ဆာ – ကံ ၀ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ.
ဝိဿဇ္ဇနာ – ဆဗ္ဗဂ္ဂိယေ ဘန္တေ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ကောသိယကာရကေ ဥပသင်္ကမိတွာ ဧဝမဟံသု ဗဟူ အာဝုသော ကောသကာရကေ ပစထ အမှာကမ္ပိ ဒဿထ မယမ္ပိ ဣစ္ဆာမ ကောသိယမိဿကံ သန္တကံ ကာတုန္တိ၊ တသ္မိံ ဘန္တေ ဝတ္ထုသ္မိံ ပညတ္တံ.