၁. စီဝရဝဂ္ဂ ၂. ဥဒေါသိတ သိက္ခာပုစ္ဆာ
ပုစ္ဆာ – ဧကရတ္တံ အာဝုသော တိစိဝရေန ဝိပ္ပဝသန္တဿ နိဿဂ္ဂိယံ ပါစိတ္တိယံ ဘဂဝတာ ကတ္ထ ပညတ္တံ.
ဝိဿဇ္ဇနာ – သာဝတ္ထိယံ ဘန္တေ ပညတ္တံ.
ပုစ္ဆာ – ကံ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ.
ဝိဿဇ္ဇနာ – သမ္ဗဟုလေ ဘန္တေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ ဘိက္ခူနံ ဟတ္ထေ စီဝရံ နိက္ခိပိတွာ သန္တရုတ္တရေန ဇနပဒစာရိကံ ပက္ကမိံသု၊ တသ္မိံ ဘန္တေ ဝတ္ထုသ္မိံ ပညတ္တံ.