၇. ကထိနက္ခန္ဓက
ပုစ္ဆာ – ဝဿံဝုဋ္ဌာနံ အာဝုသော ဘိက္ခူနံ ကထိနံ အတ္ထရိတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ.
ဝိဿဇ္ဇနာ – သာဝတ္ထိယံ ဘန္တေ တိံသမတ္တေ ပါဝေယျကေ ဘိက္ခူ အာရဗ္ဘ အနုညာတံ၊ တိံသမတ္တာ ဘန္တေ ပါဝေယျကာ ဘိက္ခူ သာဝတ္ထိံ အာဂစ္ဆန္တာ ဘဂဝန္တံ ဒဿနာယ ဥပကဋ္ဌာယ ဝဿူပနာယိကာယ နာသက္ခိံသု သာဝတ္ထိယံ ဝဿူပနာယိကံ သမ္ဘာဝေတုံ၊ တသ္မိံ ဘန္တေ ဝတ္ထုသ္မိံ အနုညာတံ.
ပုစ္ဆာ – ကထိနကံ ပုစ္ဆိဿံ၊ သနိဒါနံ သနိဒ္ဒေသံ. သမုက္ကဋ္ဌပဒါနံ အာဝုသော ကတိ အာပတ္တိယော.
ဝိဿဇ္ဇနာ – ကထိနကံ ဝိဿဇ္ဇိဿံ၊ သနိဒါနံ သနိဒ္ဒေသံ. သမုက္ကဋ္ဌပဒါနံ ဘန္တေ န ကတမာ အာပတ္တိ.