ဘိက္ခုသံယုတ္တ

နဝသုတ္တ

ပုစ္ဆာ – ဘိက္ခုသံယုတ္တေ အာဝုသော ဘဂဝတာ နဝသုတ္တံ ကတ္ထ ကံ အာရဗ္ဘ ကထဉ္စ ဘာသိတံ.

ဝိဿဇ္ဇနာ – သာဝတ္ထိယံ ဘန္တေ အညတရံ နဝံ ဘိက္ခုံ အာရဗ္ဘ ဘာသိတံ. အညတရော ဘန္တေ နဝေါ ဘိက္ခု ပစ္ဆာဘတ္တံ ပိဏ္ဍပါတပဋိက္ကန္တော ဝိဟာရံ ပဝိသိတွာ အပ္ပေါသုက္ကော တုဏှီဘူတော သင်္ကသာယဘိ၊ န ဘိက္ခူနံ ဝေယျာဝစ္စံ ကရောတိ စီဝရကာရသမယေ တသ္မိံ ဘန္တေ ဝတ္ထုသ္မိံ ‘‘မာ ခေါ တုမှေ ဘိက္ခဝေ ဧတဿ ဘိက္ခုနော ဥဇ္ဈာယိတ္ထာ ဧသော ခေါ ဘိက္ခဝေ ဘိက္ခု စတုန္နံ ဈာနာနံ အာဘိစေတသိကာနံ ဒိဋ္ဌဓမ္မ သုခဝိဟာရာနံ နိကာမလာဘီ အကိစ္ဆလာဘီ အကသိရလာဘီ’’တိ ဧဝမာဒိနာ ဘဂဝတာ ဘာသိတံ.

အဟမ္ပိ ခေါ ဘန္တေ သကံ ကိစ္စံ ကရောမိ၊

ဧသော ခေါ ဘိက္ခဝေ ဘိက္ခု စတုန္နံ ဈာနာနံ အာဘိစေတသိကာနံ ဒိဋ္ဌဓမ္မသုခဝိဟာရာနံ နိကာမလာဘီ အကိစ္ဆလာဘီ အကသိရလာဘီ –

နယိဒံ သိထိလမာရဗ္ဘ၊ နယိဒံ အပ္ပေန ထာမသာ၊

နိဗ္ဗာနံ အဓိဂန္တဗ္ဗံ၊ သဗ္ဗဒုက္ခပ္ပမောစနံ၊

အယဉ္စ ဒဟရော ဘိက္ခု၊ အယမုတ္တမပုရိသော၊

ဓာရေတိ အန္တိမံ ဒေဟံ၊ ဇေတွာ မာရံ သဝါဟိနိံ–