မာရသံယုတ္တ

တပေါကမ္မသုတ္တ

ပုစ္ဆာ – တပေါကမ္မသုတ္တံ ပနာဝုသော ဘဂဝတာ ဇိနေန ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ.

ဝိဿဇ္ဇနာ – ဥရုဝေလာယံ ဘန္တေ မာရံ ပါပိမန္တံ အာရဗ္ဘ ဘာသိတံ. မာရော ဘန္တေ ပါပိမာ ဘဂဝန္တံ ဥပသင်္ကမိတွာ ဂါထာယ အဇ္ဈဘာသိ.

‘‘တပေါကမ္မာ အပက္ကမ္မ၊ ယေန သုဇ္ဈန္တိ မာဏဝါ၊

အသုဒ္ဓေါ မညသိ သုဒ္ဓေါ၊ သုဒ္ဓိမဂ္ဂါ အပရဒ္ဓေါ’’တိ.

တသ္မိံ ဘန္တေ ဝတ္ထုသ္မိံ–

‘‘အနတ္တသံဟိတံ ဉတွာ၊ ယံ ကိဉ္စိ အမရံ တပံ၊

သဗ္ဗံ နတ္ထာဝဟံ ဟောတိ၊ ဖိယာရိတ္တံဝ ဓမ္မနိ၊

သီလံ သမာဓိ ပညဉ္စ၊ မဂ္ဂံ ဗောဓာယ ဘာဝယံ၊

ပတ္တောသ္မိ ပရမံ သုဒ္ဓိံ၊ နိဟတော တွမသိ အန္တကာ’’တိ.

ဧဝံ ခေါ ဘန္တေ ဘဂဝတာ ဇိနေန ဘာသိတံ.

တပေါကမ္မာ အပက္ကမ္မ၊ ယေ န သုဇ္ဈန္တိ မာဏဝါ၊

အသုဒ္ဓေါ မညသိ သုဒ္ဓေါ၊ သုဒ္ဓိမဂ္ဂါ အပရဒ္ဓေါ–

အနတ္ထသံဟိတံ ဥတွာ၊ ယံကိဉ္စိ အမရံ တပံ၊

သဗ္ဗံ နတ္ထာဝဟံ ဟောတိ၊ ဖိယာရိတ္တံဝ ဓမ္မနိ၊

ဟတ္ထိရာဇဝဏ္ဏသုတ္တ

ပုစ္ဆာ – ဟတ္ထိရာဇဝဏ္ဏသုတ္တံ ပနာဝုသော ဘဝဂတာ ဇိနေန ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ.

ဝိဿဇ္ဇနာ – ဥရုဝေလာယံ ဘန္တေ မာရကံယေဝ ပါပိမန္တံ အာရဗ္ဘ ဘာသိတံ. မာရော ဘန္တေ ပါပိမာ ဘဂဝတော ဘယံ ဆမ္ဘိတတ္တံ လောမဟံသံ ဥပ္ပါဒေတုကာမော မဟန္တံ ဟတ္ထိရာဇဝဏ္ဏံ အဘိနိမ္မိနိတွာ ယေန ဘဂဝါ တေနုပသင်္ကမိ.

တသ္မိံ ဘန္တေ ဝတ္ထုသ္မိံ–

‘‘သံသရံ ဒီဃမဒ္ဓါနံ၊ ဝဏ္ဏံ ကတွာ သုဘာသုဘံ၊

အလံ တေ တေန ပါပိမ၊ နိဟတော တွမသိ အန္တကာ’’တိ.

ဧဝံ ခေါ ဘန္တေ ဘဂဝတာ ဇိနေန ဘာသိတံ.

သံသရံ ဒီဃမဒ္ဓါနံ၊ ဝဏ္ဏံ ကတွာ သုဘာသုဘံ၊

အလံ တေ တေန ပါပိမ၊ နိဟတော တွမသိ အန္တက –