၉၅. တော ပဉ္စမျာ

ပဉ္စမျန္တာ ဗဟုလံ တော ဟောတိ ဝါ. တောအာဒိပစ္စယန္တာ နိပ္ဖန္နနိပါတာ၊ တေဟိ ပရာသံ ဝိဘတ္တီနံ ‘‘အသံချေဟိ သဗ္ဗာသံ’’တိ လောပေါဝ. ဂါမတော အာဂစ္ဆတီတိ ဂါမသ္မာ အာဂစ္ဆတိ၊ စောရတော ဘာယတီတိ စောရေဟိ ဘာယတိ၊ သတ္ထတော ပရိဟီနော သတ္ထာ ပရိဟီနော. ဧဝံ ပုရိသတော၊ ရာဇတော၊ အဂ္ဂိတော၊ ဟတ္ထိတော၊ ဟေတုတော၊ ယုတ္တိတော၊ ဣတ္ထိတော၊ ဘိက္ခုနိတော၊ ယာဂုတော၊ ဇမ္ဗုတော၊ စိတ္တတော၊ အာယုတော. သဗ္ဗာဒိတော-သဗ္ဗတော၊ ယတော၊ တတော ဣစ္စာဒိ.