၄၀. နိန္ဒာ+ညာတ+ပ္ပ ပဋိဘာဂ ရဿ ဒယာ သညာသု ကော

နိန္ဒာဒီသွ+တ္ထေသု နာမသ္မာ ကော ဟောတိ. နိန္ဒာယံ-နိန္ဒိတော မုဏ္ဍော မုဏ္ဍကော၊ ဧဝံ သမဏကော၊ ပဏ္ဍိတကော၊ ဗြာဟ္မဏကော၊ ဝေယျာကရဏကော. အညာတေ-ကဿာ+ယံ အဿော အဿကော၊ ပယောဂသာမတ္ထိယာ သမ္ဗန္ဓိဝိသေသာနာဝဂမော+ဝဂမျတေ. အပ္ပတ္ထေ-အပ္ပကံ တေလံ တေလကံ၊ ဃတကံ. ပဋိဘာဂတ္ထေ-ဟတ္ထီ ဝိယ ဟတ္ထိကော၊ အဿကော၊ ဗလီဗဒ္ဓကော. ‘‘ဣမေ နော ဟတ္ထိကာ အဿာ၊ ဗလီဗဒ္ဓါ စ နော ဣမေ’’တျာဒိပါဌေ ‘‘လောပေါ’’တိ ကပစ္စယလောပေန ဝါ အဘေဒေါပစာရေန ဝါ ဒဋ္ဌဗ္ဗံ၊ ဣမေ စ ဒါရုအာဒီဟိ ကတရူပါနိ. ရဿေရဿော မာနုသော မာနုသကော၊ ရုက္ခကော၊ ပိလက္ခကော. ဒယာယံ-ဒယိတော=နုကမ္ပိတော ပုတ္တော ပုတ္တကော၊ ဝစ္ဆကော. သညာယံ-မောရော ဝိယ မောရကော၊ ကတကော၊ ဘတကော.