၃. ကတ္တိကာဝိဓဝါဒီဟိ ဏေယျဏေရာ

ကတ္တိကာဒီဟိ ဝိဓဝါဒီဟိ စ ဏေယျဏေရပ္ပစ္စယာ ဟောန္တိ ဝါ ယထာက္ကမံ. ကတ္တိကာယ အပစ္စံ ကတ္တိကေယျော၊ ဂရုဠော ဝိနတာယ=သုပဏ္ဏမာတုယာ အပစ္စံ ဝေနတေယျော. ရောဟိဏိယာ အပစ္စံ ရောဟိဏေယျော၊ ဂင်္ဂါယ အပစ္စံ ဂင်္ဂေယျော. ဧဝံ ဘာဂိနေယျော၊ နာဒေယျော၊ အန္တေယျော၊ အာဟေယျော၊ ကာပေယျော၊ သုစိယာ အပစ္စံ သောစေယျော၊ ဗာလေယျော. ဏေရေ-ဝိဓဝါယ အပစ္စံ ဝေဓဝေရော. ဗန္ဓကိယာ=အဘိသာရိကာယ အပစ္စံ ဗန္ဓ-ကေရော. သမဏဿ ဥပဇ္ဈာယဿာ+ပစ္စံ သာမဏေရော၊ နာဠိကေရော ဣစ္စာဒိ.