၂၇. တ+မဿ သိပ္ပံ သီလံ ပဏျံ ပဟရဏံ ပယောဇနံ

ပဌမန္တာ သိပ္ပါဒိဝါစကာ အဿေတိ ဆဋ္ဌျတ္ထေ ဏိကော ဟောတိ. ဝီဏာဝါဒနံ သိပ္ပ+မဿ ဝေဏိကော၊ ဝီဏာဝါဒနံ အဘေဒေါပစာရေန ဝီဏာ နာမ. မောဒိင်္ဂိကော၊ ဝံသိကော. ပံသုကူလဓာရဏံ သီလ+မဿ ပံသုကူလိကော၊ တေစီဝရိကော. ဂန္ဓော ပဏျ+မဿ ဂန္ဓိကော၊ တေလိကော၊ ဂေါဠိကော၊ ပူဝိကော၊ ပဏ္ဏိကော၊ တမ္ဗုလိကော၊ လောဏိကော. စာပေါပဟရဏ+မဿ စာပိကော၊ တောမရိကော၊ မုဂ္ဂရိကော၊ မောသလိကော. ဥပဓိ=က္ခန္ဓာဒိ ပယောဇန+မဿ ဩပဓိကံ၊ သာတိကံ၊ သာဟဿိကံ.