၁၃၄. အာယုဿာ+ယသ မန္တုမှိ

မန္တုမှိ အာယုဿ အာယသာဒေသော ဟောတိ. အာယု အဿ အတ္ထီတိ အာယသ္မာ. ဂေါ အဿောတိ ဇာတိသဒ္ဒါနံ ဒဗ္ဗာဘိဓာန- သာမတ္ထိယာ မန္တွာဒယော န ဟောန္တိ၊ တထာ ဂုဏသဒ္ဒါနံ သေတော ပဋောတိ. ယေသံ တု ဂုဏသဒ္ဒါနံ ဒဗ္ဗာဘိဓာနသာမတ္ထိယံ နတ္ထိ၊ တေဟိ ဟောန္တေဝ၊ ဗုဒ္ဓိ အဿ အတ္ထီတိ ဗုဒ္ဓိမာ. ‘‘ဝန္တွ+ဝဏ္ဏာ’’တိ ဝန္တုမှိ ရူပဝါ ရသဝါ ဂန္ဓဝါ သဒ္ဒဝါ. ‘‘ဒဏ္ဍာဒိတွိ+ကဤ ဝါ’’တိ ဣက+ဤ၊ ရသီ ရသိကော၊ ရူပီ ရူပိကော၊ ဂန္ဓီ ဂန္ဓိကောတိ.