၈. ဗိန္ဒု နိဂ္ဂဟီတံ

အကာရာဒီသွ+ယံ ဝဏ္ဏော ဗိန္ဒုမတ္တော၊ သော နိဂ္ဂဟီတသညော ဟောတိ. ရဿသရံ နိဿာယ ဂဟိတ+မုစ္စာရိတံ နိဂ္ဂဟီတံ၊ ကရဏံ နိဂ္ဂဟေတွာ ဝါ.

ကရဏံ နိဂ္ဂဟေတွာန၊ မုခေနာ+ဝိဝဋေန ယံ၊

ဝုစ္စတေ နိဂ္ဂဟီတန္တိ၊ ဝုတ္တံ ဗိန္ဒု သရာနုဂံ.

ဗဟွက္ခရသညာကရဏံ အနွတ္ထသညတ္ထံ၊ ဈ+လာဒယော တု ရုဠှီသညာ.

ဝဏ္ဏာ သရာ သဝဏ္ဏာ စ၊ ရဿာ ဒီဃာ စ ဗျဉ္ဇနာ၊

ဝဂ္ဂါ စ နိဂ္ဂဟီတန္တိ၊ ဟောတိ သညာဝိဓိက္ကမော.

(သညာဝိဓာနံ.)

သန္ဓိ ဝုစ္စတေ –

လောက အဂ္ဂပုဂ္ဂလော၊ ပညာ ဣန္ဒြိယံ၊ တီဏိ ဣမာနိ၊ နော ဟိ ဧတံ၊ ဘိက္ခုနီ ဩဝါဒေါ၊ မာတု ဥပဋ္ဌာနံ၊ သမေတု အာယသ္မာ၊ အဘိဘူ အာယတနံ၊ ဓနံ မေ အတ္ထိ၊ သဗ္ဗေ ဧဝ၊ တယော အဿု ဓမ္မာ၊ အသန္တော ဧတ္ထ န ဒိဿန္တိ ဣတီ+ဓ သရသညာယံ –