၄၁. ဝဂ္ဂေ ဝဂ္ဂန္တော

နိဂ္ဂဟီတဿ ခေါ ဝဂ္ဂေ ဝဂ္ဂန္တော ဝါ ဟောတီတိ နိမိတ္တာနုဿရာနံ ပစ္စာသတျာ တဗ္ဗဂ္ဂပဉ္စမော ဟောတိ. ပစ္စာသတ္တိ နာမ ဌာနတော အာသန္နတာ ဂုဏတော ဝါ၊ ဂုဏတောတိ ဝဏ္ဏသညာဒိဂုဏတော. နိဂ္ဂဟီတဿ အနုသရီယတီတိ ပစ္ဆာ ကတွာ သရီယတီတိ အနုဿရောတိပိ ဝုစ္စတိ. တင်္ကရောတိ=တံ ကရောတိ၊ ဧဝံ တင်္ခဏံ၊ သင်္ဂတော၊ တင်္ဃတံ. ဓမ္မဉ္စရေ၊ တဉ္ဆန္နံ၊ တဉ္ဇာတံ၊ တဉ္ဈာနံ၊ တညာဏံ. တဏ္ဌာနံ၊ တဏ္ဍဟတိ. တန္တနောတိ၊ တန္ထိရံ၊ တန္ဒာနံ၊ တန္ဓနံ၊ တန္နိစ္စုတံ၊ တမ္ပတ္တော၊ တမ္ဖလံ၊ တေသမ္မောဓော၊ သမ္ဘူတော၊ တမ္မိတ္တံ. ကိင်္ကတော၊ ဒါတုင်္ဂတော၊ တဏှင်္ကရော၊ ရဏဉ္ဇဟော၊ သဏ္ဌိတော၊ ဇုတိန္ဓရော၊ သမ္မတောတိအာဒီသု နိစ္စံ.

အာနန္တရိကံ ယ+မာဟု၊ ယံ ယဒေဝ၊ ပစ္စတ္တံ ဧဝ၊ တံ ဟိဣတီ+ဓ –