၂၇. ပရော ကွစိ

သရမှာ ပရော သရော ကွစိ လောပနီယော ဟောတိ. ယဿ ဒါနိ၊ သညာတိ၊ ဆာယာဝ၊ ဣတိပိ၊ အဿမဏီသိ၊ စက္ခုန္ဒြိယံ၊ အကတညူသိ၊ အာကာသေဝ၊ တေပိ၊ ဝန္ဒေဟံ၊ သောဟံ၊ စတ္တာရောမေ၊ ဝသ- လောဘိ၊ မောဂ္ဂလ္လာနောသိ ဗီဇကော၊ ကထာဝ ကာ၊ ပါတောဝ. ကွစီတိ ကိံ၊ ပညိန္ဒြိယံ၊ ပဉ္စိန္ဒြိယာနိ၊ သတ္တုတ္တမော၊ ဧကူနဝီသတိ၊ ယဿေတေ၊ သုဂတောဝါဒေါ၊ ဒိဋ္ဌာသဝေါ၊ ဒိဋ္ဌောဃော၊ စက္ခာယတနံ၊ တံ ကုတေတ္ထ လဗ္ဘာ. ‘‘ဝိဝက္ခာတော သန္ဓယော ဘဝန္တီ’’တိ ဉာယာ ဝတ္တိစ္ဆာပိ ဣဓ သိဇ္ဈတိ. ကွစီတျ+ဓိကာရော သဗ္ဗသန္ဓီသု၊ တေန နာတိပ္ပသင်္ဂေါ. (လောပသန္ဓိ).

သရော ပရော ဝေတိ စ ဝတ္တတေ.

တဿ ဣဒံ၊ ဝါတ ဤရိတံ၊ န ဥပေတိ၊ ဝါမ ဦရု၊ အတိ ဣဝ အညေဟိ၊ ဝိ ဥဒကံ ဣတီဓ ပုဗ္ဗဿရလောပေ –