ပဒမဉ္ဇရီ |ဩ၀.၀၀၀၁|
နမော တဿ ဘဂဝတော အရဟတော သမ္မာသမ္ဗုဒ္ဓဿ
နိရုတ္တိကာယောဒဓိပါရဂံ ဇိနံ၊
ဝိသုဒ္ဓဓမ္မဉ္စ ဂဏံ အနုတ္တရံ၊
တိဓာ နမိတွာ ပဒမဉ္ဇရီ မယာ၊
ကရီယတော ဗာလကဗုဒ္ဓိဝုဒ္ဓိယာတိ.
အထ အကာရန္တပုလ္လိင်္ဂေါ ဗုဒ္ဓသဒ္ဒေါ ဝုစ္စတေ.
ဗုဒ္ဓေါ ဒေဝမနုဿာနံ ဓမ္မံ ဒေသေသိ
ဗုဒ္ဓါ ဒေဝမနုဿာနံ ဓမ္မံ အဒေသိံသု
ဘော ဗုဒ္ဓ တွမ္ပိခေါ မံ ပါလယ
ဘော ဗုဒ္ဓါ တုမှေပိ ခေါ မံ ပါလေထ.
ဗုဒ္ဓံ ဘဂဝန္တံ သက္ကစ္စံ ဝန္ဒာမဟံ
ဗုဒ္ဓေ ဘဂဝန္တေ သက္ကစ္စံ ဝန္ဒာမ မယံ
ဗုဒ္ဓေန ဘဂဝတာ ဓမ္မော ဒေသီယတေ
ဗုဒ္ဓေဟိ ဘဂဝန္တေဟိ ဓမ္မော ဒေသိတော
ဗုဒ္ဓေန ဘဂဝတာ မဟာဇနော သုစရတိ
ဗုဒ္ဓေဟိ ဘဂဝန္တေဟိ သိဝပဒံ ယန္တိ
ဗုဒ္ဓဿ ဘဂဝတော ပုပ္ဖံ ယဇတိ
ဗုဒ္ဓါနံ ဘဂဝတံ ပုပ္ဖါနိ ယဇတိ
ဗုဒ္ဓါ ဘဂဝတာ သိဝပဒံ လဘေယျ
ဗုဒ္ဓေဟိ ဘဂဝန္တေဟိ ပဘာ နိစ္ဆရတိ
ဗုဒ္ဓဿ ဘဂဝတော ဣဒ္ဓိ ကိံ န ကရေ
ဗုဒ္ဓါနံ ဘဂဝန္တာနံ ဣဒ္ဓိပါဋိဟာရိယာနိ
ဗုဒ္ဓေ ဘဂဝန္တေ မဟာဇနော ပသီဒတိ.
ဗုဒ္ဓေသု ဘဂဝန္တေသု မနံ ပတိဋ္ဌိတံ.
ဣတိ ပဌမော ပါဌော.
အကာရန္တပုလ္လိင်္ဂေါ အတ္တသဒ္ဒေါ ဝုစ္စတေ.
အတ္တာ သံသာရဒုက္ခံ ပါပုဏာတိ
အတ္တာနော သုခဒုက္ခံ ပါပုဏန္တိ
ဘော အတ္တ သုခဒုက္ခံ အနုဘောသိ
ဘော အတ္တနော သုခဒုက္ခံ အနုဘောထ
အတ္တာနံ ပဿတိ ဗုဒ္ဓေါ ဘဂဝါ
အတ္တာနော |ဩ၀.၀၀၀၂| ပဿတိ သမ္မာ သမ္ဗုဒ္ဓေါ
အတ္တနာ သုခဒုက္ခံ အနုဘုတ္တံ
အတ္တနေဟိ ကမ္မဖလံ အနုဘုတ္တံ
အတ္တနာ သံသာရသုခံ နာမ နတ္ထိ
အတ္တနေဟိ ဘဝသုခံ နာမ နတ္ထိ
အတ္တနော အတ္တာဝ ပတိဋ္ဌာ သိယာ
အတ္တာနံ ကမ္မမေဝ ပတိဋ္ဌာ သိယာ
အတ္တနာပိ မဟဗ္ဘယံ ဥပ္ပဇ္ဇတိ
အတ္တနေဟိ မဟဗ္ဘယာနိ ဇာယန္တိ
အတ္တနော မာတာပိတရော ဟောန္တိ
အတ္တာနံ ပဉ္စဂတိယော ဟောန္တိ
အတ္တနိ သဗ္ဗံ ဗလံ ဟရတိ ရောဂေါ
အတ္တနေသု သဗ္ဗံ ဗလံ ဟရန္တိ ရောဂါ.
ဣတိ ဒုတိယော ပါဌော.
အကာရန္တ ပုလ္လိင်္ဂေါ ရာဇသဒ္ဒေါ ဝုစ္စတေ.
ရာဇာပိ မဟာဇနံ တောသေတိ
ရာဇာနော မဟာဇနံ တောသေန္တိ
ဘော ရာဇာ မဟာဇနံ ပါလယ
ဘော ရာဇာနော မဟာဇနံ ပါလေထ
ရာဇာနံ ပဿတိ မဟာဇနော
ရာဇာနော ပဿန္တိ မဟာဇနာ
ရညာ ကာရီယတေ မဟာပါသာဒေါ
ရာဇူဟိ ကာရာပိတာ မဟာဝိဟာရာ
ရညာ မဟာဇနော သုခံ စရတိ
ရာဇူဟီ မဟာဇနာ သုခံ စရန္တိ
ရညော ပဏ္ဏာကာရံ ဒေတိ မဟာဇနော
ရာဇူနံ ပဏ္ဏာကာရံ ဒေန္တိ မဟာဇနာ
ရညာ မဟဗ္ဘယံ ဥပ္ပဇ္ဇတိ
ရာဇူဟိ မဟဗ္ဘယာနိ ဥပ္ပဇ္ဇန္တိ
ရညော ဝပ္ပမင်္ဂလံ ဟောတိ
ရာဇူနံ သဗ္ဗာဘရဏာနိ ဟောန္တိ
ရညေ မဟာဇနော ပန ပသီဒတိ
ရာဇုသု မဟာဇနာ ပန ပသီဒန္တိ.
ဣတိ တတိယော ပါဌော.
အကာရန္တပုလ္လိင်္ဂေါ ဂုဏဝတ္တုသဒ္ဒေါ ဝုစ္စတေ.
ဂုဏဝါ ပုရိသော သုန္ဒရံ နိဗ္ဗာဏံ ဂတော
ဂုဏဝန္တော |ဩ၀.၀၀၀၃| ပုရိသာ သုန္ဒရံ နိဗ္ဗာဏံ ဂတာ
ဘော ဂုဏဝံ ပုရိသ တွမ္ပိ ဒါနံ ဒေဟိ
ဘော ဂုဏဝန္တော ပုရိသာ တုမှေ ဒါနံ ဒေထ
ဂုဏဝန္တံ ပုရိသံ ဓမ္မံ ဗောဓေတိ အာစရိယော
ဂုဏဝန္တေ ပုရိသေ ဓမ္မံ ပါဌယတိ အာစရိယော
ဂုဏဝန္တေန ပုရိသေန ကာရိတော ဝိဟာရော
ဂုဏဝန္တေဟိ ပုရိသေဟိ ကာရိတာ ဝိဟာရာ
ဂုဏဝန္တေန ပုရိသေန လောကော သုစရတိ
ဂုဏဝန္တေဟိ ပုရိသေဟိ လောကာ သုစရန္တိ
ဂုဏဝတော ပုရိသဿ သက္ကာရံ ကရောတိ
ဂုဏဝတံ ပုရိသာနံ သက္ကာရံ ကရောန္တိ
ဂုဏဝတာ ပုရိသသ္မာ ဘယံ နူပ္ပဇ္ဇတိ
ဂုဏဝန္တေဟိ ပုရိသေဟိ ဘယာနိ နူပ္ပဇ္ဇန္တိ
ဂုဏဝတော ပုရိသဿ ကိတ္တိသဒ္ဒေါ အင်္ဂုဂ္ဂစ္ဆတိ
ဂုဏဝတံ ပုရိသာနံ ဂုဏဃောသော ဟောတိ
ဂုဏဝန္တေ ပုရိသေ မေ ရမတိ မတော
ဂုဏဝန္တေသု ပုရိသေသု သပ္ပုရိသော ပသီဒတိ.
ဣတိ စတုတ္ထော ပါဌော.
အကာရန္တပုလ္လိင်္ဂေါ ဂစ္ဆန္တသဒ္ဒေါ ဝုစ္စတေ.
ဂစ္ဆံ ယညဒတ္တော ပုရိသံ ဘာရံ ဟာရယတိ
ဂစ္ဆန္တာ ယညဒတ္တာ ပုရိသံ ကမ္မံ ကာရယန္တိ
ဘော ဂစ္ဆံ ယညဒတ္တ တွံ မံ ပါလယ
ဘော ဂစ္ဆန္တာ ယညဒတ္တာ မံ ပါလေထ
ဂစ္ဆန္တံ ယညဒတ္တံ ကမ္ဗလံယာစယတိ ဒွိဇော
ဂစ္ဆန္တေ ယညဒတ္တေ ကမ္ဗလံ ယာစယတိ ဒွိဇော
ဂစ္ဆတာ ယညဒတ္တေန ရုက္ခော ပုပ္ဖါနိ အဝစီယတေ
ဂစ္ဆန္တေဟိ ယညဒတ္တေဟိ ရုက္ခော ပုပ္ဖါနိ အဝစိတော
ဂစ္ဆတာ ယညဒတ္တေန ကောစိ မဂ္ဂံ ဇာနာတိ
ဂစ္ဆန္တေဟိ ယညဒတ္တေဟိ ကေစိမဂ္ဂံ ဇာနန္တိ
ဂစ္ဆတော ယညဒတ္တဿ ဆတ္တံ ဓာရယတေ
ဂစ္ဆတံ ယညဒတ္တာနံ ဆတ္တာနိ ဓာရယန္တေ
ဂစ္ဆတာ ယညဒတ္တသ္မာ ဘယံ နူပ္ပဇ္ဇတိ
ဂစ္ဆန္တေဟိ ယညဒတ္တေဟိ ဘယာနိ နူပ္ပဇ္ဇန္တိ
ဂစ္ဆတော ယညဒတ္တဿ ဆတ္တော ဟောတိ
ဂစ္ဆတံ ယညဒတ္တာနံ အာဘရဏာနိ ဟောန္တိ
ဂစ္ဆန္တေ ယညဒတ္တေ ကောစိ ပသီဒတိ
ဂစ္ဆန္တေသု ယညဒတ္တေသု ကေစိ ပသီဒန္တိ.
ဣတိ |ဩ၀.၀၀၀၄| ပဉ္စမော ပါဌော.
ဣကာရန္တပုလ္လိင်္ဂေါ အဂ္ဂိသဒ္ဒေါ ဝုစ္စတေ.
အဂ္ဂိ ပန ကဋ္ဌမင်္ဂါရံ ကရောတိ
အဂ္ဂယော ကဋ္ဌမင်္ဂါရံ ကရောန္တိ
ဘော အဂ္ဂိ တွံ သီတံ ဝိနောဒေဟိ
ဘော အဂ္ဂီ တုမှေ သီတံ ဝိနောဒေထ
အဂ္ဂိံ နိဗ္ဗာပေတိ ယော ကောစိ
အဂ္ဂယော နိဗ္ဗာပေန္တိ ယေ ကေစိ
အဂ္ဂိနာ ကောစိ အကာရော ဒဍ္ဎော
အဂ္ဂီဟိ ကေစိ အဂါရာ ဒဍ္ဎာ
အဂ္ဂိနာ ကိဉ္စိ အာဂါရံ ဈာပေတိ
အဂ္ဂီဟိ ကေစိ အဂါရေ ဈာပေတိ
အဂ္ဂိနော ဥပါဒါနံ ဒဒါတိ ဗြာဟ္မဏော
အဂ္ဂီနံ ဥပါဒါနံ ဒဒန္တိ ဗြာဟ္မဏာ
အဂ္ဂိနာ ဓူမော အပေတိ နိစ္စံ
အဂ္ဂီဟိ’ဓူမာပိ အပေန္တိ နိစ္စံ
အဂ္ဂိနော အာလောကော စ ဟောတိ
အဂ္ဂီနံ အာလောကာပိ ဟောန္တိ
အဂ္ဂိမှိ ယော ကောစိ ပသီဒတိ
အဂ္ဂီသု ယေ ကေစိ ပသီဒန္တိ.
ဣတိ ဆဋ္ဌော ပါဌော.
ဣကာရန္တပုလ္လိင်္ဂေါ အာဒိသဒ္ဒေါ ဝုစ္စတေ.
အာဒိ ဗန္ဓီယတေ သမဂ္ဂေန သံဃေန
အာဒယော ဗန္ဓီယန္တေ သမဂ္ဂေဟိ ဘိက္ခုဟိ
ဘော အာဒိ တွံ ဒီဃကာလံ ပဝတ္တေဟိ
ဘော အာဒီ တုမှေ ဒီဃကာလံ ပဝတ္တေထ
အာဒိံ ပဿတိ သမဂ္ဂေါ သံဃော စ
အာဒယော ပဿတိ ဘိက္ခု သံဃော စ
အာဒိနာ ပရိသုဒ္ဓေန ပန ဘူယတေ
အာဒီဟိ ပရိသုဒ္ဓေဟိ ပန ဘူယတေ
အာဒိနာ သမဂ္ဂေါ သံဃော သုစရတိ
အာဒီဟိ ဘိက္ခု သံဃော သုစရတိ
အာဒိနော ကောစိ ဥပကရဏံ ဒေတိ
အာဒီနံ ကေစိ ဥပကရဏံ ဒေန္တိ
အာဒိနာ သမဂ္ဂေါ သံဃော အပေတိ
အာဒီဟိ ဘိက္ခု’သံဃော အပေတိ
အာဒိဿ |ဩ၀.၀၀၀၅| ဥပကာရိကာ ခေါ ပန ဟောတိ
အာဒီနံ ဥပကာရိကာယောပိ ဟောန္တိ
အာဒိမှိ သမဂ္ဂေါ သံဃော နိသီဒတိ
အာဒီသူ ဘိက္ခု သံဃောပိ နိသီဒတိ.
ဣတိ သတ္တမော ပါဌော.
ဤကာရန္တပုလ္လိင်္ဂေါ ဒဏ္ဍီသဒ္ဒေါ ဝုစ္စတေ.
ဒဏ္ဍီ ပုရိသောပိ ဒဏ္ဍံ ဆဍ္ဍေတု
ဒဏ္ဍိနော ပုရိသာ ဒဏ္ဍံ ဆဍ္ဍေန္တု
ဘော ဒဏ္ဍီ ပုရိသ ဒဏ္ဍံ ဆဍ္ဍေဟိ