မောဂ္ဂလ္လာန |ဩ၀.၀၀၀၁| ဝုတ္တိဝိဝရဏပဉ္စိကာ.
ဝုတ္တိသမေတာ.
နမော တဿ ဘဂဝတော အရဟတော သမ္မာသမ္ဗုဒ္ဓဿ
သဒ္ဓမိဒ္ဓဂုဏံ သာဓု နမဿိတွာ တထာဂတံ၊
သဓမ္မသံဃံ ဘာသိဿံ မာဂဓံ သဒ္ဒလက္ခဏံ.
အကာရာဒယော |ဩ၀.၀၀၀၅| နိဂ္ဂဟီတန္တာ တေစတ္တာလီသက္ခရာ ဝဏ္ဏာ နာမ ဟောန္တိ၊ အ အာ ဣ ဤ ဥ ဦ ဧ ऐ ဩ औ က ခ ဂ ဃ င စ ဆ ဇ ဈ ဉ ဋ ဌ ဍ ဎ ဏ တ ထ ဒ ဓ န ပ ဖ ဗ ဘ မ ယ ရ လ ဝ သ ဟ ဠ အံ၊ တေန ကွတ္ထော ‘‘ဉောနမ ဝဏ္ဏေ‘‘. တိတာလီသာတိ ဝစနံ ကတ္ထဝိ ဝဏ္ဏလောပံ ဉာပေတိ၊ တေန-ပဋိသင်္ခါယောနိ သောတိ-အာဒိ သိဒ္ဓံ.
ဒသာဒေါ |ဩ၀.၀၀၀၇| သရာ-.
တတ္ထာဒိမှိ ဒသ ဝဏ္ဏာ သရာ နာမ ဟောန္တိ၊ တေန ကွတ္ထော ‘‘သရော လောပေါ သရေ‘‘. စ္စာဒိ.
ဒွေဒွေ သဝဏ္ဏာ-.
တေသု ဒွေဒွေ သရာ သဝဏ္ဏာ နာမ ဟောန္တိ၊ တေန ကွတ္ထော ‘‘ဝဏ္ဏပရေဏ သဝဏ္ဏောပိ‘‘
၁. ၂.
ပုဗ္ဗော |ဩ၀.၀၀၀၈| ရဿော-.
တေသု ဒွီသု ယော ယော ပုဗ္ဗော သော သော ရဿသညော ဟောတိ၊ တေသု ဧ ဩ သံယောဂတော ပုဗ္ဗာဝ ဒိဿန္တိ၊ တေန ကွတ္ထော ‘‘ရဿော ဝေ‘‘.စ္စာဒိ.
ပရော ဒီဃော-.
တေသွေဝ ဒွီသု ယော ယော ပရော သော သော ဒီဃသညော ဟောတိ၊ တေန ကွတ္ထော’ယောလောပနိသု ဒီဃော‘‘.စ္စာဒိ.
ကာဒယော |ဩ၀.၀၀၀၉| ဗျဇနာ-.
ကကာရာဒယော ဝဏ္ဏာ နိဂ္ဂဟီတပရိယန္တာ ဗျဇနသညာ ဟောန္တိ၊ တေန ကွတ္ထော ‘‘ဗျဇနေ ဒီဃရဿာ‘‘.စ္စာဒိ.
ပဉ္စ ပဉ္စကာ ဝဂ္ဂါ-.
ကာဒယော ပဉ္စကာ ပဉ္စ ဝဂ္ဂါ နာမ ဟောန္တီ၊ တေန ကွတ္ထော ‘‘ဝဂ္ဂေ ဝဂ္ဂန္တော‘‘. စ္စာဒိ.
ဗိန္ဒု နိဂ္ဂဟီတံ-.
ယွာယံ ဝဏ္ဏေ ဗိန္ဒုမတ္တော သော နိဂ္ဂဟီတသညော ဟောတိ၊ တေန ကွတ္ထော ‘‘နိဂ္ဂဟီတမိ‘‘. စ္စာဒိ၊ ဂရုသညာ ကရဏံ အနွတ္ထသညတ္ထံ.
ဣယုဝဏ္ဏာ ဇ္ဈလာ နာမဿန္တေ-.
နာမံ ပါဋိပဒိကံ တဿ အန္တေ ဝတ္တမာနာ ဣဝဏ္ဏုဝဏ္ဏာ ဈလသညာ ဟောန္တိ ယထာက္ကမံ၊ တေန ကွတ္ထော‘‘ဈလာ ဝေ‘‘. စ္စာဒိ.
ပိတ္ထိယံ-. |ဩ၀.၀၀၁၀|
ဣတ္ထိယံ ဝတ္တမာနဿ နာမဿန္တေ ဝတ္တမာနာ ဣဝဏ္ဏု ဝဏ္ဏာ ပသညာ ဟောန္တိ၊ တေန ကွတ္ထာ ‘‘ယေ ပဿိဝဏ္ဏဿ‘‘. ဣစ္စာဒိ.
ဃာ-. |ဩ၀.၀၀၁၁|
ဣတ္ထိယံ ဝတ္တမာနဿ နာမဿန္တေ ဝတ္တမာနော အာကာရော ဃသဉေညာ ဟောတိ၊ တေန ကွတ္ထော ‘‘ဃဗြဟ္မာဒိတေ‘‘.စ္စာဒိ.
ဂေါသျာလပနေ-.
အာလပနေ သိ ဂသညော ဟောတိ၊ တေန ကွတ္ထော ‘‘ဂေ ဝေ‘‘.စ္စာဒိ.
သညာဓိကာရော.
ဝိဓိဗ္ဗိသေသနန္တဿ-.
ယံ ဝိသေသနံ တဒန္တဿ ဝိဓိ ဉာတဗ္ဗော၊ ‘‘အတော ယောနံ ဋာဋေ‘‘. နရာ နရေ.
သတ္တမိယံ |ဩ၀.၀၀၁၂| ပုဗ္ဗဿ-.
သတ္တမီနိဒ္ဒေသေ ပုဗ္ဗဿေဝ ကာရိယံ ဉတဗ္ဗံ၊ ‘‘သရော လောပေါ သရေ‘‘. ဝေဠဂ္ဂံ၊ တမဟန္တီဓ ကသ္မာ န ဟောတိ၊ သရေတောပသိလေသိကာဓာရော တတ္ထေတာဝ ဝုစ္စတေ ပုဗ္ဗဿေဝ ဟောတိ န ပရဿာတိ.
ပဉ္စမိယံ |ဩ၀.၀၀၁၃| ပရဿ-.
ပဉ္စမီနိဒ္ဒေသေ ပရဿ ကာရိယံ ဉတဗ္ဗံ၊ ‘‘အတော ယောနံ ဋာဋေ‘‘. နရာ နရေ၊ ဣဓ န ဟောတိ ဇန္တုယော အနန္တာ၊ ဣဓ ကသ္မာ န ဟောတိ၊ ဩသဓျော အနန္တရေ ကတတ္ထတာယ န ဝျဝ ဟိတဿ ကာရိယံ.
အာဒိဿ-. |ဩ၀.၀၀၁၄|
ပရဿ သိဿမာနံ ကာရိယမာဒိဝဏ္ဏဿ ဉာတဗ္ဗံ၊ ‘‘ရ သင်္ချာတော ဝါ‘‘. ရာဇိနာ.
ဆဋ္ဌိယန္တဿ-.
ဆဋ္ဌိနိဒ္ဒိဋ္ဌဿ ယံ ကာရိယံ တဒန္တဿ ဝဏ္ဏဿ ဝိညေယျံ ‘‘ရာဇဿိ နာမှိ‘‘. ရာဇိနာ.
ငနုဗန္ဓော-.
ငကာရော’နုဗန္ဓော ယဿ သော’န္တဿ ဟောတိ၊ ‘‘ဂေါဿာဝငိ‘‘. ဂဝါဿံ.
ဋနုဗန္ဓာနေကဝဏ္ဏာ သဗ္ဗဿ-.
ဋကာရော’နုဗန္ဓော ယဿ သော’နေကက္ခရော စာဒေသော သဗ္ဗဿ ဟောတိ၊ ‘‘ဣမဿာနိတ္ထိယံ ဋေ‘‘. ဧသု ‘‘နာမှနိမိ‘‘. အနေန.
ဉကာနုဗန္ဓာဒျန္တာ-. |ဩ၀.၀၀၁၅|
ဆဋ္ဌိနိဒ္ဒိဋ္ဌဿ ဉာနုဗန္ဓကာနုဗန္ဓာ အာဒျန္တာ ဟောန္တိ၊ ‘‘ဗြုတော တိဿီဉ‘‘. ဗြဝီတိ၊ ‘‘ဘုဿ ဝုက‘‘. ဗဘုဝ.
မနုဗန္ဓော သရာနမန္တာ ပရော-.
မကာရော’နုဗန္ဓော ယဿ သော သရာနမန္တာ သရာ ပရော ဟောတီ၊ ‘‘မဉ္စ ရုဓာဒီနံ‘‘. ရုန္ဓတိ.
ဝိပ္ပဋိသေဓေ-. |ဩ၀.၀၀၁၆|
ဒွိန္နံ တိဏ္ဏံ ဝါ ပုရိသာနံ သဟပ္ပတ္တိယံ ပရော၊ သော စ ဂစ္ဆတိ တွဉ္စ ဂစ္ဆသိ၊ တုမှေ ဂစ္ဆထ၊ သော စ ဂစ္ဆတိ တွဉ္စ ဂစ္ဆသိ အဟဉ္စ ဂစ္ဆာမိ၊ မယံ ဂစ္ဆာမ.
သင်္ကေတော’နဝယဝေါ’နုဗန္ဓော-. |ဩ၀.၀၀၁၇|
ယော’နဝယဝဘုတော သင်္ကေတော သော’နုဗန္ဓောတိ ဉတဗ္ဗော၊လတုပိတာဒီနမာသိမှိ. ကတ္တာ၊ သင်္ကေတဂ္ဂဟဏံ ကိံ? ပကတီယာဒိသမုဒါယဿာနုဗန္ဓတာ မာ ဟောတုတိ၊ အနဝယဝေါ ဟိ သမုဒါယော သမုဒါယရူပတ္တာယေဝ၊ အနဝယဝဂ္ဂဟဏံ ကိံ?’အတေန’. ဇနေန၊ ဣမိနာဝ လောပဿာဝဂတတ္တာ နာနုဗန္ဓလောပါယ ဝစနမာရဒ္ဓံ.
ဝဏ္ဏပရေန |ဩ၀.၀၀၁၈| သဝဏ္ဏော’ပိ-.
ဝဏ္ဏသဒ္ဒေါ ပရော ယသ္မာ တေန သဝဏ္ဏော’ပိ ဂယှတိ သံဝ ရူပံ၊ ယုဝဏ္ဏာနမ္ဉော လုတ္တာ‘‘. ဝါတေရိတံ၊ သမောနာ.
န္တု |ဩ၀.၀၀၁၉| ဝန္တုမနတွာဝန္တုတဝန္တုသမ္ဗန္ဓိ-.
ဝန္တွာဒိသမ္ဗန္ဓိယေဝ န္တု ဂယှတိ၊ ‘‘န္တန္တုနံ န္တော ယောမှိ ပဌမေ‘‘. ဂုဏဝန္တော၊ ဝန္တွာဒိသမ္ဗန္ဓီတိ ကိံ၊ ဇန္တု တန္တု.
ပရိဘာသာယော.
သရော လောပေါ သရေ-.
သရေ သရော လောပနီယော ဟောတိ၊ တတြိမေ၊ သဒ္ဓိန္ဒြိယံ၊ နော ဟေတံ၊ ဘိက္ခုနောဝါဒေါ၊ သမေတာယသ္မာ၊ အဘိဘာယတနံ၊ ပုတ္တာ မတ္ထိ၊ အသန္တေတ္ထ.
ပရော |ဩ၀.၀၀၂၀| ကွစိ လောပနီယော ဟောတိ၊ သော’ပိ၊ သာဝ၊ ယတောဒကံ၊ တတောဝ၊ ကွဝီတိ ကိံ? သဒ္ဓိန္ဒုယံ အယမဓိကာရော အာပရိစ္ဆေဒါဝသာနာ တေန နာတိပ္ပသင်္ဂေါ.
နဒွေဝါ-. |ဩ၀.၀၀၂၁|
ပုဗ္ဗပရသရာ ဒွေ’ပိ ဝါ ကွစိ န လုပျန္တေ၊ လတာ ဣဝ လတေဝ လတာဝ.
ယုဝဏ္ဏနမ္ဉော လုတ္တာ-.
လုတ္တာ သရာ ပရေသံ ဣဝဏ္ဏုဝဏ္ဏာနံ ဉော ဟောန္တိ ဝါ ယထာက္ကမံ၊ တဿေဒံ၊ ဝါတေရိတံ၊ နောပေတိ၊ ဝါမောရု၊ အတေဝ’ညေ၊ ဝေါဒကံ၊ ကထံ ပစ္စောရသ္မန္တိ၊ ယောဂဝိဘဂါ၊ ဝါတွေဝ တဿိဒံ၊ လုတ္တေတိ ကိံ? လတာ ဣဝ.
ယဝါ |ဩ၀.၀၀၂၂| သရေ-.
သရေ ပရေ ဣဝဏ္ဏုဝဏ္ဏာနံ ယကာရဝကာရာ ဟောန္တိဝ ယထာက္ကမံ၊ ဝျာကတော၊ ဣစ္စဿ၊ အဇ္ဈိဏမုတ္တော၊ သွာဂတံ၊ ဘဝါပနလာနီလံ၊ ဝါတ္ထေဝ-ဣတိဿ၊ ကွစီတွေဝ-ယာနီဓ၊ သူပဋ္ဌိတံ.
ဉောနံ-.
ဉောနံ ယဝါ ဟောန္တိ ဝါ သရေ ယထာက္ကမံ၊ တျဇ္ဇ တေ’ဇ္ဇ သွာဟံ သော’ဟံ၊ကွစိတွေဝ-ပုတ္တာမတ္ထိ အသန္တေတ္ထ.
ဂေါဿာဝငိ-.
သရေ ဂေါဿ အဝငိ ဟောတိ၊ ဂဝါဿံ၊ ယထရိဝ တထရိဝေတိနိပါတာဝ၊ ဘုသာမိဝေတိ ဣဝသဒ္ဒေါ ဧဝတ္ထော.
ဗျဉ္ဇနေ |ဩ၀.၀၀၂၃| ဒီဃရဿာ-.
ရဿဒီဃာနံ ကွစိ ဒီဃရဿာ ဟောန္တိ ဗျဉ္ဇနေ၊ တတြာယံ၊ မုနီဝရေ၊ သမ္မဒေဝ၊ မာလဟာရီ.
သရမှာ ဒွေ-
သရမှာ ပရဿ ဗျဉ္ဇနဿ ကွစိ ဒွေ ရူပါ ဟောန္တိ၊ ပဂ္ဂဟော၊ သရမှာတိ-ကိံ? တံခဏံ.
စတုတ္ထဒုတိယေသွေယံ တတိယပဌာမာ-.
စတုတ္ထဒုတိယေသု ပရေသွေသံ စတုတ္ထဒုတိယာနံ တဗ္ဗဂ္ဂေ တတိယပဌမာ ဟောန္တိ ပစ္စာသတ္တျ၊ မဟဒ္ဓနော၊ ယသ တ္ထေရော၊ အပ္ဖုဋံ၊ အဗ္ဘုဂ္ဂတော၊ ဧသွိတိ-ကိံ? ထေရော၊ ဧသန္တိကိံ?ပတ္ထော.
ဝိတိဿေဝေ |ဩ၀.၀၀၂၄| ဝါ-.
ဧဝသဒ္ဒေ ပရေ ဣတိဿ ဝေါ ဟောတိ ဝါ၊ ဣတ္ထေဝ ဣစ္စေဝ၊ ဧဝေတိ-ကိံ၊ဣစ္စာဟ.
ဉောနမ ဝဏ္ဏေ-.
ဉောနံ ဝဏ္ဏေ ကွစိ အ ဟောတိ ဝါ၊ ဒိသွာ ယာစကမာဂတေ၊ အကရမ္ဘသတေ၊ဧသအတ္ထော၊ ဧသဓမ္မော၊ မဂ္ဂေါ အဂ္ဂမက္ခာယတိ၊ သွာယတနံ၊ ဟိယျတ္တနံ၊ ကရဿု၊ ဝါတွေဝ-ယာစကေ အာဂတေ၊ ဧသော ဓမ္မော၊ ဝဏ္ဏေတိ ကိံ?သော.
နိဂ္ဂဟီတံ-. |ဩ၀.၀၀၂၅|
နိဂ္ဂဘီတမာဂမော ဟောတိ ဝါ ကွစိ၊ စက္ခုံ ဥဒပါဒိ စက္ခု ဥဒပါဒိ၊ ပုရိမံဇာတိ ပုရိမဇာတိ၊ ကတ္တဗ္ဗံ ကုသလံ ဗဟုံ. အဝံ သိရောတိ-အာဒိသု နိစ္စံ ဝဝတ္ထီတဝိဘာသတ္တာ ဝါဓိကာရဿ၊ သာမတ္ထီ ယေနာဂမောဝ သ စ ရဿသရဿေဝ ဟောတိ တဿ ရဿာနုဂတတ္တာ.
လောပေါ-.
နိဂ္ဂဟီတဿ လောပေါ ဟောတိ ဝါ ကွစိ၊ ကျာဟံ ကီမဟံ၊ သာ ရတ္တော သံရတ္တော၊ သလ္လေခေါ-ဂတ္တုကာမော-ဂန္တုမနောတိအာဒိသု နိစ္စံ.
ပရသရဿ-
နိဂ္ဂဟီတမှာ ပရဿ သရဿ လောပေါ ဟောတိ ဝါ ကွစိ၊ တွံသိ တွမသိ.
ဝဂ္ဂေ |ဩ၀.၀၀၂၆| ဝဂ္ဂန္တော-
နိဂ္ဂဟီတဿ ခေါ ဝဂ္ဂေ ဝဂ္ဂန္တော ဝါ ဟောတိ ပစ္စာ သတျာ၊ တင်္ကရောတိ တံ ကရောတိ၊ တဉ္စရတိ တံ စရတိ၊ တဏ္ဌာနံ တံ ဌာနံ၊ တန္ဓနံ တံ ဓနံ၊ တမ္ပာတိ တံ ပါတိ၊ နိစ္စံ ပဒ မဇ္ဈေ၊ ဂန္တွာ၊ ကွစညတြာပိ၊ သန္တိဋ္ဌတိ.
ယေဝဟိသုညော-.
ယဧဝဟိသဒ္ဒေသု နိဂ္ဂဟီတဿ ဝါ ဉော ဟောတိ၊ ယယညဒေဝ၊ တညေဝ၊ တဉ္ဘိ၊ ဝါတွေဝ-ယံယဒေဝ.
ယေ သံဿ-
သံသဒ္ဒဿ ယံ နိဂ္ဂဟီတံ တဿ ဝါ ဉော ဟောတိ ယကာရေ၊ သညမော သံယမော.
မယဒါ သရေ-.
နိဂ္ဂဟီတဿ မယဒါ ဟောန္တိ ဝါ သရေ ကွစိ၊ တမဟံ၊ တယိဒံ၊ တဒလံ၊ ဝါတွေဝ-တံ အဟံ.
ဝနတရဂါ |ဩ၀.၀၀၂၇| စာဂမာ-.
ဧတေ မယဒါ စာဂမာ ဟောန္တိ သရေ ဝါ ကွစိ၊ တိဝင်္ဂီကံ၊ ဣတော နာယတိ၊ စိနိတွာ၊ တသ္မာတိဟ၊ နိရောဇံ၊ ပုထဂေဝ၊ ဣဓမာဟု၊ ယထယိဒံ၊ အတ္တဒတ္ထံ၊ ဝါတွေဝ-အတ္တတ္ထံ၊ အတိပ္ပဂေါ ခေါ တာဝါတိ-ပဌမန္တော ပဂသဒ္ဒေါဝ.
ဆာ ဠော-.
ဆသဒ္ဒါ ပရဿ သရဿ ဠကာရော အာဂမော ဟောတိ ဝါ၊ ဆဠဟံ၊ ဆဠာယတနံ၊ ဝါတွေဝ-ဆ အဘိညာ.
တဒမိနာဒီနိ- |ဩ၀.၀၀၂၈|
တဒမိနာဒီနိ သာဓူနိ ဘဝန္တိ? တံ ဣမိနာ တဒမိနာ၊ သကိံ အာဂါမီ သကဒါဂါမီ၊ ဧကံ ဣဓ အဟံ ဧကမိဒါဟံ၊ သံဝိဓာယ အဝဟာရော သံဝိဒါဝဟာရော၊ ဝါရိနော ဝါဟကော ဝလာဟကော၊ ဇီဝနဿ မူတော ဇီမူတော၊ ဆဝဿ သယနံ သုသာနံ၊ ဥဒ္ဓံ ခမဿ ဥဒုက္ခလံ၊ ပိသိ တာသော ပိသာစော၊ မဟိယံ ရဝတီတိ မယူရော၊ ဧဝမညေပိ ပယောဂ တော’နုဂန္တဗ္ဗာ၊ ပရေသံ ပိသောဒရာဒိဝေဒံ ဒဋ္ဌဗ္ဗံ.
တဝဂ္ဂဝရဏာနံ |ဩ၀.၀၀၂၉| ယေ စဝဂ္ဂဗယဉာ-.
တဝဂ္ဂဝရဏာနံ စဝဂ္ဂဗယဉာ ဟောန္တိ ယထာက္ကမံ ယကာရေ၊ အပူစ္စဏ္ဍကာယံ၊ တစ္ဆံ၊ ယဇ္ဇေဝံ၊ အဇ္ဈတ္တံ၊ ထဉညံ၊ ဒိဗ္ဗံ၊ ပယျေသနာ၊ ပေါက္ခရညော၊ ကွစီတွေဝ-ရတျာ.
ဝဂ္ဂလသေဟိ |ဩ၀.၀၀၃၀| တေ-
ဝဂ္ဂလသေဟိ ပရဿ ယကာရဿ ကွစိ တေ ဝဂ္ဂလသာ ဟောန္တိ၊ သက္ကတေ၊ ပစ္စတေ၊ အဋ္ဋတေ၊ ကုပ္ပတေ၊ ဖလ္လတေ၊ အဿတေ၊ ကွစီ တွေစ-ကျာဟံ.
ဟဿ ဝိပလ္လာသော-
ဟဿ ဝိပလ္လာသော ဟောတိ ယကာရေ၊ ဂုယှံ.
ဝေ ဝါ-.
ဟဿ ဝိပလ္လာသော ဟောတိ ဝါ ဝကာရေ၊ ဗဝှါဗာဓော ဗဟွာ ဗာဓော.
တထနရာနံ |ဩ၀.၀၀၃၁| ဋဌဏလာ-.
တထနရာနံ ဋဌဏလာ ဟောန္တီ ဝါ၊ ဒုက္ကဋံ၊ အဋ္ဌကထာ၊ ဂဟဏံ၊ ပလိဃော၊ ပလာယတိ၊ ဝါတွေစ-ဒုက္ကတံ၊ ကွစီတွေဝ-သုဂတော.
သံယောဂါဒိလောပေါ-
သံယောဂဿ ယော အာဒိဘုတော’ဝယဝေါ တဿ ဝါ ကွစီ လောပေါ ဟောတိ၊ ပုပ္ဖံသာ၊ ဇာယတေ’ဂိနိ.
ဝိစ္ဆာဘိက္ခညေသု ဒွေ-
ဝီစ္ဆာယမာဘိက္ခညေ စ ယံ ဝတ္တတေ တဿ ဒွေ ရူပါနိ ဟောန္တိ၊ ကြိယာယ ဂုဏေန ဒဗ္ဗေန ဝါ ဘိန္နေ အတ္ထေ ဝျာပိတု မိစ္ဆာ ဝီစ္ဆာ၊ ရုက္ခံရုက္ခံ သိဉ္စတိ၊ ဂါမောဂါမော ရမဏီယော၊ ဂါမေ ဂါမေ ပါနီယံ၊ ဂေဟေ ဂေဟေ ဣဿရော၊ ရသံ ရသံ ဘက္ခယတီ၊ ကိရိယံ ကိရိယမာရဟတေ.
အတ္ထိယေဝါနုပုဗ္ဗိယေ’ပိ |ဩ၀.၀၀၃၂| ဝီစ္ဆာ၊ မူလေ ထူလာ၊ အဂ္ဂေ အဂ္ဂေ သုခုမာ၊ ယဒိ ဟိ ဧတ္ထ မူလဂ္ဂဘေဒေါ န သိယာ အာနုပုဗ္ဗိယမ္ပိ န ဘဝေယျ၊ (ဇေဋ္ဌံ ဇေဋ္ဌမနုပ္ပဝေသယ) မာသကံ မာသကံ ဣမမှာ ကဟာပဏာ ဘဝန္တာနံ ဒွိန္နံ ဒေဟီတိ- မာသကံ မာသကမိစ္စေတသ္မာ ဝီစ္ဆာဝဂမျတေ သဒ္ဒန္တရတော ပန ဣမမှာ ကဟာပဏာတိ အဝဓာရဏံ၊ ပုဗ္ဗံ ပုဗ္ဗံ ပုပ္ဖန္တိ၊ ပဌမံ ပဌမံ ပစ္စန္တီတိ ဝီစ္ဆာဝ၊ ဣမေ ဥဘော အဍ္ဎာ ကတရာ ကတရာ ဧသံ ဒွိန္နမဍ္ဎတာ၊ သဗ္ဗေ ဣမေ အဍ္ဎာ ကတမာ ကတမာ ဣမေသံ အဍ္ဎတာ၊ ဣဟာပိ ဝီစ္ဆာဝ၊ အာဘိက္ခညံ-ပေါနောပုညံ၊ ပစတိ ပစတိ ပပစတိ ပပစတိ၊ လုနာဟိ လုနာဟိတွေဝါယံ လုနာတိ၊ ဘုတွာ ဘုတွာ ဂစ္ဆတိ၊ ပဋပဋာ ကရောတိ၊ ပဋပဋာယတိ.
သျာဒိလောပေါ |ဩ၀.၀၀၃၅| ပုဗ္ဗဿေကဿ-.
ဝီစ္ဆာမေကဿ ဒွိတ္တေ ပုဗ္ဗဿ သျာဒိလောပေါ ဟောတိ၊ ဧကေကဿ၊ ကထံ မတ္ထကမတ္ထကေနာတိ? သျာဒိလောပေါ ပုဗ္ဗဿာတိ ယောဂဝိဘာဂါ၊ န စာတိပ္ပင်္ဂေါ ယောဂဝိဘာဂါ ဣဋ္ဌပ္ပသိဒ္ဓီတိ.
သဗ္ဗာဒီနံ ဝီတိဟာရေ-.
သဗ္ဗာဒီနံ ဝီတိဟာရေ ဒွေ ဘဝန္တိ ပုဗ္ဗဿ သျာဒိလောပေါ စ၊ အညမညဿ ဘောဇကာ၊ ဣတရီတရဿ ဘောဇကာ.
ယာဝ ဗောဓံ သမ္ဘမေ-.
တုရိတေနာပါယဟေတုပဒဿနံ သမ္ဘမော၊ တသ္မိံ သတိ ဝတ္တု ယာဝန္တေဟ သဒ္ဒေဟိ သော’တ္ထော ဝိညာယတေ တာဝန္တော သဒ္ဒါ ပယုဇ္ဇန္တေ၊ သပ္ပေါ သပ္ပေါ သပ္ပေါ၊ ဗုဇ္ဈဿု ဗုဇ္ဈဿု ဗုဇ္ဈဿု၊ ဘိန္နော ဘိက္ခုသံဃော ဘိန္နော ဘိက္ခုသံဃော.
ဗဟုလံ-.
အယမဓိကာရော အာသတ္ထပရိသမတ္တိယာ တေန နာတိပ္ပသင်္ဂေါ ဣဋ္ဌသိဒ္ဓိ စ.
ဣတိ မောဂ္ဂလ္လာနဝျာကရဏေ ဝုတ္တီယံ ပဌမော ကဏ္ဍော.
ဒွေဒွေကာနေကေသု |ဩ၀.၀၀၃၆| နာမသ္မာ သိယောအံယောနာဘိသနံ သ္မာဟိသနံသ္မိံသု-.
ဧတေသံ ဒွေ ဒွေ ဟောန္တိ ဧကာနေကတ္ထေသု ဝတ္တမာနတော နာမသ္မာ၊ မုနိ မုနယော၊ မုနိံ မုနယော၊ မုနိနာ မုနီဟိ၊ မုနိဿ မုနီနံ၊ မုနိသ္မာ မုနီဟိ၊ မုနိဿ မုနီနံ၊ မုနိသ္မိံ မုနီသု၊ ဧဝံ ကုမာရီ ကုမာရိယော၊ ကညာ ကညာယောတိ၊ ဧတာနိ သတ္တ ဒုကာနိ သတ္တဝိဘတ္တိယော၊ ဝိဘာဂေါ ဝိဘတ္တီတိ ကတွာ-ဧတ္ထ သိအမိတီကာရာ ကာရာ ‘‘ကိမံသိသူ‘‘တိ. သံကေတတ္ထာ.
ကမ္မေ |ဩ၀.၀၀၃၇| ဒုတိယာ-.
ကရီယတိ ကတ္တုကြိယာယာဘီသမ္ဗန္ဓီယတီတိ ကမ္မံ၊ တသ္မိံ ဒုတိယာ ဝိဘတ္တိ ဟောတိ၊ ကဋံ ကရောတိ၊ ဩဒနံ ပဝတိ၊ အာဒိစ္စံ ပဿတိ၊ ဩဒနော ပစ္စတီတိ-ဩဒနသဒ္ဒတော ကမ္မတာ နပ္ပတီယတေ၊ ကိံ စရဟိ? အာချာတတော၊ ကဋံ ကရောတိ ဝိပုလံ ဒဿနီယန္တိ- အတ္ထေဝ ဂုဏ ယုတ္တဿ ကမ္မတာ၊ ဣစ္ဆိတေ’ပိ ကမ္မတ္တာဝ ဒုတိယာ သိဒ္ဓ၊ ဂါဝုံ ပယော ဒေါဟတိ၊ ဂေါမန္တံ ဂါဝံ ယာဝတိ၊ ဂဝမဝရုန္ဓတိ ဝဇံ၊ မာဏဝကံ မဂ္ဂံ ပုစ္ဆတိ၊ ဂေါမန္တံ ဂါဝံ ဘိက္ခတေ၊ ရုက္ခမဝ စိနာတိ ဖလာနိ၊ သိဿံ ဓမ္မံ ဗြူတေ၊ သိဿံ ဓမ္မမနုသာသတိ.
ဧဝမနိစဆိတေ’ပိ၊ |ဩ၀.၀၀၃၈| အဟိံ လင်္ဃယတိ၊ ဝီသံ ဘက္ခေတိ၊ ယန္နေ ဝိစ္ဆိတံ နာပိ အနိစ္ဆိတံ တတ္ထာပိ ဒုတီယာ သိဒ္ဓါ၊ ဂါမံ ဂစ္ဆန္တော ရုက္ခမူလမုပသပ္ပတိ၊ ပထဝိံ အဓိသေဿတိ၊ ဂါမမဓိတိဋ္ဌတိ၊ ရုက္ခ မဇ္ဈာသတေတိ-အဓိသီဌာသာနံ ပယောဂေ’ဓိကရဏေ ကမ္မဝစနိစ္ဆာ.
ဝတ္တိစ္ဆာတော |ဩ၀.၀၀၃၉| ဟိ ကာရကာနိ ဟောန္တိ၊ တံ ယထာ- ဝလာဟကာ ဝိဇ္ဇောတတေ၊ ဝလာဟကဿ ဝိဇ္ဇောတတေ၊ ဝလာဟကော ဝိဇ္ဇောတတေ၊ ဝလာဟကေ ဝိဇ္ဇောတတေ၊ ဝလာဟကေန ဝိဇ္ဇောတတေတိ.
ဧဝမဘိနဝိသဿ ဝါ၊ ဓမ္မမဘိနိဝိသတေ ဓမ္မေ ဝါ၊ တထာ ဥပနွဇ္ဈာဝသဿာဘောဇနနဝုတ္တိစနဿ၊ ဂါမမုပဝသတိ၊ ဂါမ မနုဝသတိ၊ ပဗ္ဗတမဓိဝသတိ၊ ဃရမာဝသတိ၊ အဘောဇနနိဝုတ္တိဝစ နဿာတိ-ကိံ? ဂါမေ ဥပဝသတိ-ဘောဇနနိဝုတ္တိံ ကရောတီတိ အတ္ထော. တပ္ပါနာစာရေ’ပိ |ဩ၀.၀၀၄၀| ကမ္မတ္တာဝ ဒုတိယာ သိဒ္ဓါ၊ နဒိမ္ပိဝတိ၊ ဂါမံ စရတိ၊ ဧဝံ သစေ မံ နာလပိဿတီတိ-အာဒိသုပိ.
ဝိဟိတာဝ ပဋိယောဂေ ဒုတိယာ၊ ပဋိဘန္တု တံ စုန္ဒ ဗောဇ္ဈင်္ဂါတိ-တံ ပဋိ ဗောဇ္ဈင်္ဂါ ဘာသန္တူတိ အတ္ထော၊ ယဒါ တု ဓာတုနာ ယုတ္တော ပတိ တဒါ တေနာယောဂါ သမ္ဗန္ဓေ ဆဋ္ဌီ စ တဿ နပ္ပဋိ ဘာတီတိ? အက္ခေ ဒိဗ္ဗတိ၊ အက္ခေဟိ ဒိဗ္ဗတိ၊ အက္ခေသု ဒိဗ္ဗတီတိကမ္မကရဏာဓိကရဏဝစနိစ္ဆာ.
ကာလဒ္ဓါနမစ္စန္တသံယောဂေ-. |ဩ၀.၀၀၄၁|
ကြိယာဂုဏဒဗ္ဗေဟိ သာကလ္လေန ကာလဒ္ဓါနံ သမ္ဗန္ဓော အစ္စန္တသံယောဂေ၊ တသ္မိံ ဝိညာယမာနေ ကာလသဒ္ဒေဟိ အဒ္ဓ သဒ္ဒေဟိ |ဩ၀.၀၀၄၂| စ ဒုတိယာ ဟောတိ၊ မာသမဓီတေ၊ မာသံ ကလျာဏိ. မာသံ ဂုဠဓာနာ၊ ကောသမဓီတေ၊ ကောသံ ကုဋိလာ နဒီ၊ ကောသံ ပဗ္ဗတော၊ အစ္စန္တသံယေဂေတိ ကိံ? မာသဿ ဒွီဟမဓီတေ၊ ကောသဿေက ဒေသေ ပဗ္ဗတော၊ ပုဗ္ဗနှသမယံ နိဝါသေတွာ၊ ဧကံ သမယံ ဘဂဝါ၊ ဣမံ ရတ္တိံ စတ္တာရော မဟာရာဇာတိ၊ ဧဝမာဒိသု ကာလဝါစီဟိ အစ္စန္တသံယေဂတ္တာဝ ဒုတိယာ သိဒ္ဓါ၊ ဝိဘတ္တိဝိပလ္လာသေန ဝါ ဗဟုလံ ဝိဓာနာ-
ဖလပ္ပတ္တိယံ ကြိယာပရိသမတ္တျပဝဂ္ဂေါ တသ္မိံ ဝိညာယ မာနေ ကာလဒ္ဓါနံ ကြိယာယာစ္စန္တသံယောဂေ တတိယာဘိမတာ သာပိ ကရဏတ္တာဝ သိဒ္ဓါ၊ မာသေနာနုဝါကော’ဓီတော၊ ကောသေနာနုဝါ ကော’ဓီတောတိ၊ အနပဝဂ္ဂေတု အသာဓကတမတ္တာ ကရဏတ္တာဘဝေ ဒုတိယာဝ မာသမဓီတော’နုဝါကော၊ န စာနေန ဂဟိတောတိ.
ကာရကမဇ္ဈေ ယေ ကာလဒ္ဓါနဝါစိနော တတော သတ္တမီပပဉ္စမိယော အဘိမတာ၊ အဇ္ဇ ဘုတွာ ဒေဝဒတ္တော ဒွီဟေ ဘုဉ္ဇိဿတိ ဒွီဟာ ဘုဉ္ဇိဿတိ၊ အတြဋ္ဌော’ယမိဿာသော ကောသေ လက္ခံ ဝိဇ္ဈတိ၊ ကောသာ လက္ခံ ဝိဇ္ဈတီတိ-တာပီဟ သကသကကာရကဝစနိစ္ဆာယေဝ သိဒ္ဓါ.
ဂတိဗောဓာဟာရသဒ္ဒတ္ထကမ္မကဟဇ္ဇာဒီနံ |ဩ၀.၀၀၄၃| ပယောဇ္ဇေ-.
ဂမနတ္ထာနံ ဗောဓတ္ထာနံ အာဟာရတ္ထာနံ သဒ္ဒတ္ထာနမကမ္မကာနံ ဘဇ္ဇာဒီနဉ္စ ပယောဇ္ဇေ ကတ္တရိ ဒုတိယာ ဟောတိ၊ သာမတ္ထိယာ စ ပယောဇကဝျာပါရေန ကမ္မတာဝဿ ဟောတီတိ ပတီယတေ၊ ဂမ ယတိ မာဏဝကံ ဂါမံ၊ ယာပယတိ မာဏဝကံ ဂါမံ၊ ဗောဓယတိ မာဏဝကံ ဓမ္မံ၊ ဝေဒယတိ မာဏဝကံ ဓမ္မံ၊ ဘောဇယတိ မာဏဝကမောဒနံ၊ အာသယတိ မာဏဝကမောဒနံ၊ အဇ္ဈာပယတိ မာဏဝကံ ဝေဒံ ပါဌယတိ |ဩ၀.၀၀၄၄| မာဏဝကံ ဝေဒံ၊ အာသယတိ ဒေဝဒတ္တံ၊ သာယယတိ ဒေဝ ဒတ္တံ၊ အညံ ဘဇ္ဇာပေတိ၊ အညံ ကောဋ္ဋာပေတိ၊ အဉညံ သန္ထရာပေတိ. ဧတေသမေဝါတိ ကိံ?ပါစယတိ ဩဒနံ ဒေဝဒတ္တေန ယဉညဒတ္တော၊ ပယေ ပ္ပေါတိ ကိံ?ဂစ္ဆတိ ဒေဝဒတ္တော၊ ယဒါ စရဟိဂမယတိ ဒေဝဒတ္တံ ယည ဒတ္တော၊ တမပရော ပယောဇယတိ တဒါ ဂမယတိ ဒေဝဒတ္တံ ယညဒတ္တေနေတိ - ဘဝိတဗ္ဗံ ဂမယတိဿာဂမနတ္ထတ္တာ.
ဟရာဒီနံ |ဩ၀.၀၀၄၅| ဝါ-.
ဟရာဒီနံ ပယောဇ္ဇေ ကတ္တရိ ဒုတိယာ ဟောတိ ဝါ၊ ဟာရေတိ ဟာရံ ဒေဝဒတ္တံ ဒေဝဒတ္တေနေတိ ဝါ၊ အဇ္ဈောဟာရေတိ သတ္တုံ ဒေဝဒတ္တံ ဒေဝဒတ္တေနေတိ ဝါ၊ ကာရေတိ ဒေဝဒတ္တံ ဒေဝဒတ္တေနေတိ ဝါ၊ ဒဿယတေ ဇနံ ရာဇာ ဇနေနေတိ ဝါ၊ အဘိဝါဒယတေ ဂုရုံ ဒေဝဒတ္တံ ဒေဝဒတ္တေနေတိ ဝါ.
န |ဩ၀.၀၀၄၆| ခါဒါဒီနံ-.
ခါဒါဒီနံ ပယောဇ္ဇေ ကတ္တရိ ဒုတိယာ န ဟောတိ၊ ခါဒယတိ ဒေဝဒတ္တေန၊ အာဒယတိ ဒေဝဒတ္တေန၊ အဝှါပယတိ ဒေဝဒတ္တေန၊ သဒ္ဒါယတိ ဒေဝဒတ္တေန၊ ကန္ဒယတိ ဒေဝဒတ္တေန၊ နာယယတိ ဒေဝဒတ္တေန.
ဝဟိဿာနိယန္တုကေ-.()
ဝါဟယတိ ဘာရံ ဒေဝဒတ္တေန၊ အနိယန္တုကေတိ-ကိံ?ဝါဟယတိ ဂါရံ ဗလိဝဒ္ဒေ.
ဘက္ခိဿာဟိံသာယံ-.()
ဘက္ခယတိ မောဒကေ ဒေဝဒတ္တေန၊ အဟိံသာယန္တိ ကိံ? ဘက္ခယတိ ဗလိဝဒ္ဒေ သဿံ.
ဓျာဒီဟိ |ဩ၀.၀၀၄၇| ယုတ္တာ-.
ဓိအာဒီဟိ ယုတ္တတော ဒုတိယာ ဟောတိ? ဓိရတ္ထုမံ ပူတိကာယံ၊ အန္တရာ စ ရာဇဂဟံ၊ အန္တရာ စ နာဠန္ဒံ၊ သမာဓာနမန္တရေန၊ မုစလိန္ဒမဘိတော သရမိစ္စာဒိ-ဆဋ္ဌိယာပဝါဒေါ ယံ.
လက္ခဏိတ္ထမ္ဘုတဝီစ္ဆာသွဘိနာ-.
လက္ခဏာဒိသွတ္ထေသွဟိနာ ယုတ္တမှာ ဒုတိယာ ဟောတိ၊ ရုက္ခ မဘိဝိဇ္ဇေတတေ ဝိဇ္ဇု၊ သာဓု ဒေဝဒတ္တော မာတရမဘိ၊ ရုက္ခံ ရုက္ခမဘိတိဋ္ဌတိ.