ပုတ္တကဏ္ဍ

၂၈၁. အဘိဇာတံ အနုဇာတံ၊ ပုတ္တမိစ္ဆန္တိ ပဏ္ဍိတာ၊

အဝဇာတံ န ဣစ္ဆန္တိ၊ ယော ဟောတိ ကုလဂန္ဓနော.

၂၈၂. ပဉ္စဋ္ဌာနာနိ သမ္ပဿံ၊ ပုတ္တမိစ္ဆန္တိ ပဏ္ဍိတာ၊

ဘတော ဝါ နော ဘရိဿတိ၊ ကိစ္စံ ဝါ နော ကရိဿတိ.

၂၈၃. ကုလဝံသော စိရံ တိဋ္ဌေ၊ ဒါယဇ္ဇံ ပဋိပဇ္ဇတိ၊

အထ ဝါ ပန ပေတာနံ၊ ဒက္ခိနံ အနုပဒဿတိ.

၂၈၄. ဗဟုပုတ္တေ ပိတာ ဧကော၊ အဝဿံ ပေါသေတိ သဒါ၊

ဗဟုပုတ္တာ န သက္ကောန္တိ၊ ပေါသေတုံ ပိတရေကကံ.

၂၈၅. ပုတ္တံ ဝါ ဘာတရံ ဒုဋ္ဌု၊ အနုသာသေယျ နော ဇဟေ၊

ကိန္နု ဆေဇ္ဇံ ကရံ ပါဒံ၊ လိတ္တံ အသုစိနာ သိယာ.