ကစ္စာယန |ဩ၀.၀၀၀၁| ဓာတု မဉ္ဇူသာ
နမော တဿ ဘဂဝတော အရဟတော သမ္မာသမ္ဗုဒ္ဓဿ
နိရုတ္တိ နိကရာ’ပါရ-ပါရဝါရ’န္တဂံ မုနိံ၊
ဝန္ဒိတွာ ဓာတုမဉ္ဇူသံ-ဗြူမိ ပါဝစနဉ္ဇသံ.
သောဂတာဂမ မာ’ဂမ္မ-တံ တံဝျာကရဏာနိ စ၊
ပါဌေ စာ’ပဌိတာပေ’တ္ထ ဓာတွတ္ထာ စ ပဝုစ္စရေ.
ဆန္ဒ’ဟာနိတ္ထမော’ကာရံ-ဓာတွန္တာနံ |ဩ၀.၀၀၀၂| သိယာကွ စိ၊ ယူနံ ဒီဃော စ ဓာတုမှာ-ပုဗ္ဗမ’တ္ထပဒံ အပိ.
၁. ဘူ သတ္တာယံ ပစ ပါကေ ဂမုသပ္ပ ဂတိမှိ (စ)၊
သိလောက (ဓာတု) သင်္ဃာတေ သကိ သင်္ကာယ (ဝတ္တတေ၊).
၂. (အထော) ကုက-ဝကာ’ဒါနေ ကေ သဒ္ဒေ အကိ လက္ခဏေ၊
ကု သဒ္ဒေ ကုစ္ဆိတေ ဋင်္က ဓာရဏေ မကိ မဏ္ဍနေ.
၃. ဝကိ ကောဋိလ္လယာတြာသု သက္က-ဋီကဒွယံ ဂတေ၊
ကကိ လောလတ္တနေ ယာတေ တကီ (ဣဓ) ဂတာဒိသု.
၄. |ဩ၀.၀၀၀၃| ဝဝ၊ လောကနဝိတ္တိသု စက္ခဝုတိမှိ (တု) ရုက္ခ (စ) ခေ ထိရဟိံသခဏေ နိယ၊ မော’ပနယိဋ္ဌိ ဝတာဒိသ မုဏ္ဍိသု ဒိက္ခ (’ထ) ကက္ခ-ကခါ ဟသနေ တုရ၊ ဟိံသနဝုဒ္ဓိဂတီသု (ဟိ) ဒက္ခ’ဒနမှိ (တု) ဇက္ခ (စ) ဘက္ခ (မတာ) အန၊ ဇာလဒုခေသု (တု) ဒိက္ခ (စ) ဒုက္ခ (စ) ဣက္ခ ဒိသ’င်္က န ကော’ခ သုသေ.
၅. [အ] နိက္ခ စုမ္ဗနေ’(ပိ) သိက္ခ ဝိဇ္ဇု’ပါဒု’ ပါသာနမှိ ရက္ခ ဂုတ္တိဝါရဏေ (ပိ) ဥဉ္ဆနေ (သိယာ’ပိ) ဘိက္ခ ယာဝလဒ္ဓျ’လဒ္ဓိသူ (ပိ) ဝက္ခ ရောသသံဟတေသု မောက္ခ မုတ္တိယံ စဇေ (ပိ) စိက္ခ ဝါစဗောဓနေသု.
[ဗ] |ဩ၀.၀၀၀၄| နခ မခ ရခ နင်္ခါမင်္ခရက္ခီ’ခီလင်္ခါ လခ ဝခ ဣခ ဣင်္ခါ ဥင်္ခ ဝင်္ခူ’ခ ဂတျံ ဝခိ မခိ ကခိ ကင်္ခေ ခီ ခယေ ဥက္ခ သေကေ ခု ခုတဓနိသု (ဝုတ္တော) ခေ(’ထ) ခါဒေ သုပေ (စ.)
၆. အဂ္ဂေါ (တု) ဂတိကောဋိလ္လေ လဂ သင်္ဂေ မဂေ’သနေ၊
အဂီ ဣဂီ ရိဂီ လိဂီ ဝဂီ ဂတျ’တ္ထဓာတဝေါ.
၇. သိလာဃ ကတ္ထနေ ဇဂ္ဃ ဟသနေ အဂ္ဃ အဂ္ဃနေ၊
သိဃီ အာဃာယနေ (ဟောတိ) လဃိ သောသဂတီသု (စ၊).
၈. ဝစ ဗျတ္တဝစေ ယာစ ယာစနေ ရုစ ဒိတ္တိယံ၊
သုစ သောကေ ကုစ သဒ္ဒေ (အထော) ဝိစ ဝိဝေစနေ.
၉. |ဩ၀.၀၀၀၅|
အဉ္စ ပူဇာဂတေ ဝဉ္စ ဂမနေ ကိဉ္စာ’ဝမဒ္ဒနေ၊
လုဉ္စာ’ပနယနေ နစ္စ နစ္စနေ မစ ရောစနေ.
၁၀. အစ္စာ’စ္စနေ စု ဝစနေ သစော (တု) သမဝါယနေ၊
ပစ ယာတေ ကစိ-ဝစ္စ ဒိတ္တိယံ မစိ ဓာရဏေ.
၁၁. ပုစ္ဆ သမ္ပုစ္ဆနေ မုစ္ဆ မောဟသ္မိံ လဉ္ဆ လက္ခဏေ၊
အဉ္ဆာ’ယာမေ (ဘဝေ) ပုဉ္ဆ ပုဉ္ဆနေ ဥဉ္ဆ ဥဉ္ဆနေ.
၁၂. တစ္ဆော တနုကိရယေ ပိဉ္ဆ ပိဉ္ဆနေ ရာဇ ဒိတ္တိယံ၊
ဝဇာ’ဇဂမနေ ရဉ္ဇ ရာဂေ ဘဉ္ဇာ’ဝမဒ္ဒနေ.
၁၃. အဉ္ဇု ဗျတ္တိဂတီကန္တိ မက္ခဏေသွေ’ဇ ကမ္ပနေ၊
ဘဇ သံသေဝနေ သဉ္ဇ သင်္ဂေ (တု) ဣဉ္ဇ ကမ္ပနေ.
၁၄. |ဩ၀.၀၀၀၆|
ယဇ ဒေဝစ္စနေ ဒါနသင်္ဂတီကရဏေသု (စ)၊
တိဇက္ခမနိသာနေသု ဒါနေ(’ပိ) စဇ ဟာနိယံ.
၁၅. သဇာ’လိင်္ဂန ဝိဿဇ္ဇ နိမ္မာဏေ မုဇ္ဇ မုဇ္ဇနေ၊
မဇ္ဇ သံသုဒ္ဓိယံ လဇ္ဇ လဇ္ဇနေ တဇ္ဇ တဇ္ဇနေ.
၁၆. အဇ္ဇ-သဇ္ဇာ’ဇ္ဇနေ သဇ္ဇ နိမ္မာဏေ ဂဇ္ဇ သဒ္ဒနေ၊
ဂုဇ-ကုဇ ဒွယံ သဒ္ဒေ အချတ္တေ ခဇ္ဇ ဘက္ခဏေ.
၁၇. ဘဇ္ဇ ပါကေ ဝိဇိ ဘယစလနေ ဝီဇ ဝီဇနေ၊
ခဇီ ဂမနဝေကလ္လေ ဇီ ဇယေ ဇု ဇဝေ (သိယာ၊).
၁၈. ဈေ စိန္တာယုဇ္ဈ ဥဿဂ္ဂေ ဂမနေ အဋ-ပဋ ဒွယံ၊
နဋ နစ္စေ ရဋ ပရိဘာသနေ ဝဋ ဝေဌနေ.
၁၉. |ဩ၀.၀၀၀၇|
ဝဋ္ဋ အာဝတ္တနေ ဝဏ္ဋ ဝဏ္ဋတ္ထေ ကဋ မဒ္ဒနေ၊
ဖုဋော ဝိသရဏာဒီသု ကဋ သံဝရဏေ ဂတေ.
၂၀. ဃုဋ ဃောသေ ပတိဃာတေ ဝိဋ’က္ကောသေ (စ) ပေသနေ၊
ဘဋ ဘတျံ ကုဋ-ကောဋ္ဋစ္ဆေဒနေ လုဋ လောဋနေ.
၂၁. ဇဋ-ဈဋ-ပိဋ သင်္ဃာတေ စိဋု’တ္တာသေ ဃဋီ’ဟနေ၊
ဃဋိ သင်္ဃဋ္ဋနေ တဋ္ဋ စ္ဆေဒနေ မုဋ မဒ္ဒနေ.
၂၂. ပဌ ဗျတ္တဝစေ ဟေဌ ဗာဓာယံ ဝေဌ ဝေဌနေ၊
သုဌီ-ကုဌီ ဒွယံ သောသေ ပီဌ ဟိံသနဓာရဏေ.
၂၃. ကဌ သောသနပါကေသု ဝဌ ထုလတ္တနေ (ဘဝေ)၊
ကဌိ သောသေ ရုဌ-လုဌော’ပဃာတေ သဌ ကေတဝေ.
၂၄. |ဩ၀.၀၀၀၈|
(သိယာ ဟဌ ဗလက္ကာရေ ကဍိဘေဒေ ကဍိစ္ဆိဒေ၊
မဏ္ဍ ဝိဘူသနေ စဏ္ဍ စဏ္ဍိက္ကေ ဘဍိ ဘင်္ဍနေ.
၂၅. ပဍိ ဥပ္ပဏ္ဍနေ လိင်္ဂဝေကလ္လေ မုဍိ ခဏ္ဍနေ၊
ဂဍိ ဝတ္တေ’ကဒေသမှိ ဂဍိ သန္နိဝယေ(’ပိစ၊)၊
၂၆. ရဍိ-ဧရဍိ ဟိံသာယံ ပိဍိ သင်္ဃာတအာဒိသု၊
ကုဍိ ဒါဟေ ပဍိ ဂတေ ဟိဍိ အာဟိဏ္ဍနေ (သိယာ၊)၊
၂၇. ကရဏ္ဍ ဘာဇန’တ္ထမှိ (အထော) လဍိ ဇိဂုစ္ဆနေ၊
(ဝတ္တတေ) မေဍိကောဋိလ္လေ သဍိ ဂုမ္ဗတ္ထမီရဏေ၊
၂၈. (အထော’ပိ) အဍိ အဏ္ဍတ္ထေ (ဒိဿတေ) တုဍိ တောဍနေ၊
ဝဍ္ဎ သံဝဍ္ဎနေ ကဍ္ဎ ကဍ္ဎဏေ ဘဏ ဘာသနေ၊
၂၉. |ဩ၀.၀၀၀၉|
သောဏ ဝဏ္ဏေ ဂုဏ’ဘျာသေ ဣဏ-ဖေဏ ဒွယံ ဂတေ၊
ပဏ ဝေါဟာရထောမေသု (ဝတ္တတေ) ကဏ မိလနေ၊
၃၀. အဏ-ရဏ-ကဏ-မုဏ-ကွဏ-ကုဏ သဒ္ဒေ၊
ယတ ပတိယတနေ ဇုတ ဒိတ္တိမှိ၊
အတ-ပတ ဂမနေ စိတ သညာဏေ၊
ကိတ ဝါသာ’ဒေါ ဝတု ဝတ္တုမှိ.
၃၁. (ဘဝေ) ကတ္ထ သိလာဃာယံ မထ-မတ္ထ ဝိလောဠနေ၊
နာထ ယာစနသန္တာပ ဣဿေရာ’သိံသနေသု (စ၊)
၃၂. ပုထ (စေ) ပုထု ဝိတ္ထာရေ ဗျထ ဘီတိစလေသု (စ)၊
ဂေါတ္ထု ဝံသေ ပထ-ပန္ထ ဂတေ နန္ဒ သမိဒ္ဓိယံ၊
၃၃. ဝန္ဒာ’ဘိဝါဒထောမေသု ဂဒ ဗျတ္တဝစေ’(ပိစ)၊
(အထော) နိန္ဒ ဂရဟာယံ ခဒိ ပက္ခန္ဒနာဒိသု၊
၃၄. |ဩ၀.၀၀၁၀|
ဧဒီ (တု) ကိဉ္စိစလေန စဒိ ကန္တိဟိဠာဒနေ၊
ကိလိဒီ ပရိဒေဝါဒေါ ဥဒိဿဝကိလေဒနေ၊
၃၅. ဣဒီ (တု) ပရမိဿရိယေ အဒိအန္ဒု (စ) ဗန္ဓနေ၊
ဘဂန္ဒ သေဝနေ (ဟောတိ) ဘဒ္ဒ ကလျာဏကမ္မနိ၊
၃၆. သိဒ သိင်္ဂါရပါကေသု သဒ္ဒုဟရိတသောသနေ၊
မဒိ ဗလျေ မုဒ-မဒါ သန္တောသေ မဒ္ဒ မဒ္ဒနေ၊
၃၇. သန္ဒု ပဿဝနာဒီသု ကန္ဒ’ဝှါနေ (စ’) ရောဒနေ၊
ဝိဒ လာဘေ ဒဒ ဒါနေ ရုဒိ အဿုဝိမောစနေ၊
၃၈. သဒေါ ဝိသရဏာ’ဒါနဂမနေ (စာ’)ဝသာဒနေ၊
ဟိဠာဒ (တု) သုခေ သူဒက္ခရဏေ ရဒ ဝိလေခဏေ၊
၃၉. သာဒ အဿာဒနာဒီသု ဂဒ ဗျတ္တဝစေ’(ပိစ)၊
နဒ အဗျတ္တသဒ္ဒေ (တု) ရဒါ’ဒါ-ခါဒ-ဘက္ခဏေ၊
၄၀. |ဩ၀.၀၀၁၁|
အဒ္ဒ ယာစနယာတြာဒိသွ (ထော) မိဒ သိနေဟနေ၊
(သိယာ) ခုဒ ဇိဂစ္ဆာယံ ဒဠိဒ္ဒ ဒုဂ္ဂစ္စံ (ဟိ တု၊)
၄၁. ဒါ ဒဝေ ဒု ဂတီဝုဒ္ဓယံ ဒါ ဒါနေ ဝိဒ ဇာနနေ၊
တဒိ အာလသိယေ ဗာဓ ဗာဓာယံ ဂုဓ ကီဠနေ၊
၄၂. (အထော) ဂါဓ ပတိဋ္ဌာယံ ဝုဌု-ဧဓ (စ) ဝုဒ္ဓိယံ၊
ဓာ (ဟောတိ) ဓာရဏေ (စေဝ) စိန္တာယံ ဗုဓ ဗောဓနေ၊
၄၃. သိဓု ဂတိမှိ ယုဓ သမ္ပဟာရေ ဝိဓ ဝေဓနေ၊
ရာဓ ဟိံသာယသံရာဓေ ဗဓ-ဗန္ဓ (စ) ဗန္ဓနေ၊
၄၄. သိဓ-သာဓ (စ) သိဒ္ဓိမှိ ဓေ ပါနေ ဣန္ဓ ဒိတ္တိယံ၊
မာန ပူဇာယ ဝန-သန သမ္ဘဝေ အန ပါဏနေ၊
ကန ဒိတ္တိဂတီကန္တျံ ခန-ခနွ’ဝဒါရဏေ.
၄၅. |ဩ၀.၀၀၁၂|
ဂုပ ဂေါပနကေ ဂုပ သံဝရဏေ တပ သန္တာပေ တပ ဣဿရိယေ၊
စုပ မန္ဒဂတေ တပုဥဗ္ဗေဂေ ရပ-လပ ဝါကျေ သပ အက္ကောသေ၊
၄၆. ဇပ-ဇပ္ပ ဝစေ’ဗျတ္တေ တပ္ပ သန္တပ္ပနေ (သိယာ)၊
ကပိ ကိဉ္စိစလေ ကပ္ပ သာမတ္ထေ ဝေပု ကမ္ပနေ၊
၄၇. တပ္ပ သန္တဂတေစ္ဆေဒေ တက္ကေ ဟိံသာဒိသု’(စ္စတေ)၊
ဝပ ဗီဇဝိနိက္ခေပေ ဓူပ သန္တပနေ’(ပိ စ)၊
၄၈. စပ သာန္တွေ ပု ပဝနေ ဈပ ဒါဟေ သုပေါ သယေ၊
ပုပ္ဖ ဝိကသနေ (ဟောတိ) ရမ္ဗ’လမ္ဗဝသံသနေ၊
၄၉. စုမ္ဗ ဝဒနသံယောဂေ ကမ္ဗ သံဝရဏေ (မတော)၊
အမ္ဗ သဒ္ဒေ (စ) အဿာဒေ တာယနေ သဗိ မဏ္ဍနေ၊
၅၀. |ဩ၀.၀၀၁၃|
ဂဗ္ဗ ဒပ္ပေ’ဗ္ဗ-သဗ္ဗာ’(ပိ) ဂမနေ ပုဗ္ဗ ပူရဏေ၊
ဂုမ္ဗ’ဗ္ဗဂုမ္ဗနေ စဗ္ဗ အဒနေ ဥဗ္ဗ ဓာရဏေ၊
၅၁. လဘ လာဘေ ဇမ္ဘ ဂတ္တဝိနာမေ သုဘ သောဘနေ၊
ဘီ ဘယေ ရဘ ရာဘဿေ (စာ)’ရမ္ဘေ ခုဘ သဉ္စလေ၊
၅၂. ထမ္ဘ-ခမ္ဘ ပတိဗန္ဓေ ဂဗ္ဘ ပါဂဗ္ဘိယေ ဝဓေ၊
သုမ္ဘ သံသုမ္ဘနေ သမ္ဘ ဝိဿာသေ ယဘ မေထုနေ၊
၅၃. ဒုဘ ဇီဂိံသနေ ဒဗ္ဘ ဂန္ထနေ ဥဒြဘာ’ဒနေ၊
ကမူ (တု) ပဒဝိက္ခေပေ ခမူ (တု) သဟဏေ (သိယာ၊)
၅၄. ဘမု အနဝဋ္ဌာနေ (စ) ဝမု ဥဂ္ဂိရဏာဒိသု၊
ကိလမု-က္လမူ ဂေလညေ ရမု ကီဠာ’ယ (မီရိတော၊)
၅၅. ဒမော ဒမေ နမ နမေ (အထော) သမ ပရိဿမေ၊
ယမု ဥပရမေ နာသေ အမ ယာတေ မု ဗန္ဓနေ၊
၅၆. |ဩ၀.၀၀၁၄|
ဓမော ပုမော (စ) ဓမနေ တမ သင်္ကာဝိဘူသနေ၊
ဓုမ-ထီမ (စ) သင်္ဃာတေ တမ သာန္တွ’ဝသာဒိယေ၊
၅၇. အယော ဝယော ပယ-မယော နယော ရယဂတိမှိ (စ)
ဒယ ဒါနဂတီရက္ခာ ဟိံသာဒိသု ယု မိဿနေ၊
စာယ သမ္ပူဇနေ တာယ သန္တာနေ ပါယ ဝုဒ္ဓိယံ၊
(အထော) ဥသူယ ဒေါသာ’ဝိကရဏေ သာယ သာယနေ၊
၅၈. တရ တရဏသ္မိံ ထရ သန္ထရဏေ ဘရ ဘရဏသ္မိံ ဖရ သမ္ဖရဏေ၊
သရ ဂတိ စိန္တာ ဟိံသာ သဒ္ဒေ ဖုရ စလနာဒေါ ဟရ ဟရဏသ္မိံ၊
၅၉. ရိ သန္တတိသ္မိံ ရိ ဂတေ ရု သဒ္ဒေ ခုရစ္ဆိဒသ္မိံ ဓရ ဓာရဏမှိ၊
ဇရ ဇီရဏတ္ထေ မရပါဏစာဂေ ခရ သေကနာသေ ဃရ သေဝနမှိ၊
၆၀. |ဩ၀.၀၀၁၅|
ဂရော နိဂရေဏ သေကေ ဒရ ဍာဟေ ဝိဒါရဏေ၊
စရ ဂတိဘက္ခဏေသု ဝရ သံဝရဏာဒိသု၊
၆၁. စရစ္ဆေဒေ အရနာသေ ဂတေ (စ) ပူရ ပူရဏေ၊
ကုရ က္ကောသေ နရ နယေ ဇာဂရ သုပိနက္ခယေ၊
၆၂. ပီလု-ပလူ-သလ-ဟုလာ ဂတျ’တ္ထာ စလ ကမ္ပနေ၊
ခလ သဉ္စလနေ ဖုလ္လ ဝိကာသေ ဇလ ဒိတ္တိယံ၊
၆၃. ဖလ နိပ္ဖတ္တိယံ (ဟောတိ) ဒလ ဒိတ္တိဝိဒါရဏေ၊
ဒလ ဒုဂ္ဂတိယံ နီလ ဝဏ္ဏေ မီလ နိမီလနေ၊
၆၄. သိလ သမာဓိမှိ ကီလ ဗန္ဓေ ဂလ-ဂိလာ’ဒနေ၊
ကူလ အာဝရဏေ သူလ ရုဇာယံ ဗလပါဏနေ၊