နမော တဿ ဘဂဝတော အရဟတော သမ္မာသမ္ဗုဒ္ဓဿ
ဗုဒ္ဓဂုဏဂါထာဝလီ
ယထေဝ ပုပ္ဖရာသိမှာ၊ ဂန္ထေယျ မာလာ သောဘနာ၊
ဧဝံ ဗုဒ္ဓဂုဏဂါထာ၊ ဝိရစိံ သဟဿာဓိကာ.
သောပိ ဘဂဝါ အရဟံ၊ သမ္မာသမ္ဗုဒ္ဓေါ သယမ္ဘူ၊
ဝိဇ္ဇာစရဏသမ္ပန္နော၊ ဗုဒ္ဓံ တံ ပဏမာမျဟံ.၁.
ပုရိသဒမ္မသာရထီ၊ လောကဝိဒူ အနုတ္တရော၊
သတ္ထာဒေဝမနုဿာနံ၊ ဗုဒ္ဓံ တံ ပဏမာမျဟံ.၂.
သုဂတော သုဂဒေါ သာမီ၊ သုခဒေါ သန္တိပဒါယကော၊
သဗ္ဗလောကာနုကမ္ပကော၊ ဗုဒ္ဓံ တံ ပဏမာမျဟံ.၃.
ဝရော ဝရညူ ဝရဒေါ၊ ဝရုတ္တမော ဝရာဟရော၊
ဝရဓမ္မံ အဒေသယိ၊ ဗုဒ္ဓံ တံ ပဏမာမျဟံ.၄.
မဟာမင်္ဂလမင်္ဂလျော၊ မင်္ဂလော မင်္ဂလာလယော၊
မင်္ဂလာယတနော နာထော၊ ဗုဒ္ဓံ တံ ပဏမာမျဟံ.၅.
မင်္ဂလိန္ဒော မင်္ဂလိကော၊ မဟာမင်္ဂလနာယကော၊
မင်္ဂလဓမ္မံ ဒေသေသိ၊ ဗုဒ္ဓံ တံ ပဏမာမျဟံ.၆.
မင်္ဂလဂ္ဂေါ မင်္ဂလညူ၊ မင်္ဂလတ္ထပဒါယကော၊
မင်္ဂလပန္ထဒဿာဝီ၊ ဗုဒ္ဓံ တံ ပဏမာမျဟံ.၇.
မင်္ဂလိစ္ဆော မင်္ဂလိဒ္ဓေါ၊ မင်္ဂလမဘိဝဒ္ဓနော၊
မင်္ဂလေဟိ ပရိပုဏ္ဏော၊ ဗုဒ္ဓံ တံ ပဏမာမျဟံ.၈.
မင်္ဂလာဘာ ဥဇ္ဇောတေသိ၊ မင်္ဂလတ္ထပဘာကရော၊
မင်္ဂလာလောကမဏ္ဍိတော၊ ဗုဒ္ဓံ တံ ပဏမာမျဟံ.၉.
မင်္ဂလတ္ထမနုပ္ပတ္တော၊ မင်္ဂလတ္ထပရာယဏော၊
သဗ္ဗဒါ မင်္ဂလကရော၊ ဗုဒ္ဓံ တံ ပဏမာမျဟံ.၁၀.
မင်္ဂလမဂ္ဂမနွေသိ၊ ပတ္တော မင်္ဂလမုတ္တမံ၊
မင်္ဂလာယနံ ဒဿေတာ၊ ဗုဒ္ဓံ တံ ပဏမာမျဟံ.၁၁.
မင်္ဂလမဟိမာဓာရီ၊ မင်္ဂလကာရီ နာယကော၊
သဗ္ဗဓိ မင်္ဂလဒါတာ၊ ဗုဒ္ဓံ တံ ပဏမာမျဟံ.၁၂.
မင်္ဂလဿ ကောဝိဒေါ စ၊ အမင်္ဂလဿ ကောဝိဒေါ၊
ပရမံ မင်္ဂလံ လဒ္ဓေါ၊ ဗုဒ္ဓံ တံ ပဏမာမျဟံ.၁၃.
သဗ္ဗမင်္ဂလသမ္ပန္နော၊ မင်္ဂလဃောသဃောသကော၊
မင်္ဂလုတ္တမံ ဒေသေသိ၊ ဗုဒ္ဓံ တံ ပဏမာမျဟံ.၁၄.
မဟာမင်္ဂလတ္ထံ မဂ္ဂီ၊ လဒ္ဓေါ ဓမ္မသုမင်္ဂလော၊
မင်္ဂလ’ဒ္ဓါနံ ဉာပေသိ၊ ဗုဒ္ဓံ တံ ပဏမာမျဟံ.၁၅.
အဂါရိကတ္ထံ ဉာပေသိ၊ မဟာမင်္ဂလမုတ္တမံ၊
ဂိဟီ သဟာယကော သာမီ၊ ဗုဒ္ဓံ တံ ပဏမာမျဟံ.၁၆.
မဟာမင်္ဂလ’လင်္ကိတော၊ မဟာမင်္ဂလဘူသနော၊
မဟာမင်္ဂလသေခရော၊ ဗုဒ္ဓံ တံ ပဏမာမျဟံ.၁၇.
မဟာမင်္ဂလံသုမာလီ၊ မင်္ဂလာဘော သမုဇ္ဇလော၊
မင်္ဂလံသုံ ဥဇ္ဇောတေသိ၊ ဗုဒ္ဓံ တံ ပဏမာမျဟံ.၁၈.
မဟဂ္ဃ မင်္ဂလောဒဓိ၊ မဟန္တမင်္ဂလဏ္ဏဝေါ၊
မဟာမင်္ဂလသာဂရော၊ ဗုဒ္ဓံ တံ ပဏမာမျဟံ.၁၉.
အမင်္ဂလနိသာဟန္တာ၊ မင်္ဂလဘာနုဘဿရော၊
မင်္ဂလာလောကဝိကိဏ္ဏော၊ ဗုဒ္ဓံ တံ ပဏမာမျဟံ.၂၀.
ဗာဟုသစ္စော ဗုဇ္ဈနကော၊ ဓမ္မစက္ခုဥပ္ပါဒကော၊
တိဘဝမင်္ဂလင်္ကာရီ၊ ဗုဒ္ဓံ တံ ပဏမာမျဟံ.၂၁.
မဟာဝတ္တာ ပဝတ္တာ စ၊ အတ္ထဿ နိန္နေတာ ပဘူ၊
အမတဿ ဒါတာ ဝိညူ၊ ဗုဒ္ဓံ တံ ပဏမာမျဟံ.၂၂.
ဒိဝါ တပတိ အာဒိစ္စော၊ ရတ္တိံ ဒိပ္ပတိ စန္ဒိမာ၊
ရတ္တိံဒိဝံ တပိ နာထော၊ ဗုဒ္ဓံ တံ ပဏမာမျဟံ.၂၃.
သန္နဒ္ဓေါ ခတ္တိယော တပတိ၊ ဈာယီ တပတိ ဗြာဟ္မဏော၊
နိရန္တရံ တပိ နာထော၊ ဗုဒ္ဓံ တံ ပဏမာမျဟံ.၂၄.
ဒုက္ခဒေါမနဿနာသီ၊ သောကပရိဒေဝက္ခယော၊
ဇာတိမစ္စုဇရာတိဂေါ၊ ဗုဒ္ဓံ တံ ပဏမာမျဟံ.၂၅.
ယထာဝါဒီ တထာကာရီ၊ တထဝါဒီ တထာဂတော၊
ယထာကာရီ တထာဝါဒီ၊ ဗုဒ္ဓံ တံ ပဏမာမျဟံ.၂၆.
ဘဂ္ဂရာဂေါ ဘဂ္ဂဒေါသော၊ ဘဂ္ဂမောဟော သော ဘဂဝါ၊
ဘဂ္ဂမာနော ဘဂ္ဂမာယော၊ ဗုဒ္ဓံ တံ ပဏမာမျဟံ.၂၇.
ဘဂ္ဂကာမော ဘဂ္ဂကောဓော၊ ဘဂ္ဂကောပေါ ဘဂ္ဂကုဟော၊
ဘဂ္ဂကသာဝေါ ဘဂ္ဂိန္ဓော၊ ဗုဒ္ဓံ တံ ပဏမာမျဟံ.၂၈.
ဘဂ္ဂဇာတိ ဘဂ္ဂမစ္စူ၊ ဘဂ္ဂလောကော ဘဂ္ဂဘဝေါ၊
ဘဂ္ဂသံသာရော ဘဂ္ဂေါဃော၊ ဗုဒ္ဓံ တံ ပဏမာမျဟံ.၂၉.
ဘောဂဘဂ္ဂေါ သောကဘဂ္ဂေါ၊ ရောဂဘဂ္ဂေါ ဘဂ္ဂရဇော၊
သူလဘဂ္ဂေါ သလ္လဘဂ္ဂေါ၊ ဗုဒ္ဓံ တံ ပဏမာမျဟံ.၃၀.
အာသာဘဂ္ဂေါ ဣဿာဘဂ္ဂေါ၊ ဧဇာဘဂ္ဂေါ ဘဂ္ဂဇဋာ၊
ဆန္ဒဘဂ္ဂေါ ဗန္ဓဘဂ္ဂေါ၊ ဗုဒ္ဓံ တံ ပဏမာမျဟံ.၃၁.
ဝီတရာဂေါ ဝီတဒေါသော၊ ဝီတမောဟော ဝီတာသဝေါ၊
ဝီတကာမော ဝီတကောဓော၊ ဗုဒ္ဓံ တံ ပဏမာမျဟံ.၃၂.
ဝီတပါပေါ ဝီတပုညော၊ ဝီတဘာရော ဝီတမလော၊
ဝီတဝိကာရော ဝီတိန္ဓော၊ ဗုဒ္ဓံ တံ ပဏမာမျဟံ.၃၃.
ဝန္တရာဂေါ ဝန္တဒေါသော၊ ဝန္တမောဟော ဝန္တမလော၊
ဝန္တကသာဝေါ ဝန္တီဃော၊ ဗုဒ္ဓံ တံ ပဏမာမျဟံ.၃၄.
ဝန္တရာဂေါ ဝန္တဒေါသော၊ ဝန္တမောဟော ဝန္တမလော၊
ဝန္တကသာဝေါ ဝန္တီဃော၊ ဗုဒ္ဓံ တံ ပဏမာမျဟံ.၃၅.
သဂ္ဂုရု တိလောကဂုရု၊ သဗ္ဗသတ္တာနမဂ္ဂဂုရူ၊
နေတာရေသု မဟာနေတာ၊ ဗုဒ္ဓံ တံ ပဏမာမျဟံ.၃၆.
မဟာဂုရု နရဂုရု၊ ဒေဝဂုရု ဂုရုတ္တမော!
ဇေဋ္ဌဂုရု သေဋ္ဌဂုရု၊ ဗုဒ္ဓံ တံ ပဏမာမျဟံ.၃၇.
ဝိဿဂုရု လောကဂုရု၊ ဓမ္မဂုရု ဂုရူတ္တမော၊
နတ္ထိ ဧတာဒိသော ဂုရု၊ ဗုဒ္ဓံ တံ ပဏမာမျဟံ.၃၈.
မဟာသတ္ထာ မဟာသောတ္ထိ၊ မဟာမိတ္တော မဟာသခါ၊
မဟာကလျာဏမိတ္တော ယော၊ ဗုဒ္ဓံ တံ ပဏမာမျဟံ.၃၉.
မဟာပညော မဟာဝိညူ၊ မဟာဝိဒွါ မဟာဝိဒူ၊
မဟာမေဓာဝီ သုမေဓော၊ ဗုဒ္ဓံ တံ ပဏမာမျဟံ.၄၀.
မဟာသုဒ္ဓေါ မဟာဘဒ္ဒေါ၊ မဟာဒယော မဟာသယော၊
မဟာဒိဗ္ဗော မဟာဘဗ္ဗော၊ ဗုဒ္ဓံ တံ ပဏမာမျဟံ.၄၁.
မဟာဝီရော မဟာဓီရော၊ မဟာသူရော မဟဗ္ဗလော၊
မဟာမာရစမူ မဒ္ဒိ၊ ဗုဒ္ဓံ တံ ပဏမာမျဟံ.၄၂.
မဟာဇေဋ္ဌော မဟာသေဋ္ဌော၊ မဟဂ္ဂေါ မဟာနာယကော၊
မဟာဆေကော မဟာဒက္ခော၊ ဗုဒ္ဓံ တံ ပဏမာမျဟံ.၄၃.
မဟာဗျတ္တော မဟာဉာတော၊ မဟာချာတော မဟာယသီ၊
မဟိဒ္ဓေါ မဟာဝိချာတော၊ ဗုဒ္ဓံ တံ ပဏမာမျဟံ.၄၄.
မဟာတုဋ္ဌော မဟာဟဋ္ဌော၊ မဟာဇဝေါ မဟာဇယော၊
မဟာသန္တုဋ္ဌော ဝိသိဋ္ဌော၊ ဗုဒ္ဓံ တံ ပဏမာမျဟံ.၄၅.
မဟာနာထော မဟာသာမီ၊ မဟာပဘူ မဟာဝိဘူ၊
မဟိဿရော ဗောဓိဿရော၊ ဗုဒ္ဓံ တံ ပဏမာမျဟံ.၄၆.
မဟာဝဏ္ဏော မဟာကန္တော၊ မနောပိယော မနာပိကော၊
မဟာသောဘနော မနုညော၊ ဗုဒ္ဓံ တံ ပဏမာမျဟံ.၄၇.
မဟာဈာယီ မဟာဉာဏီ၊ မဟာဓီမာ မဟာသုဓီ၊
မဟာဝိဘာဝီ မေဓာဝီ၊ ဗုဒ္ဓံ တံ ပဏမာမျဟံ.၄၈.
မဟာခန္တီ စ တိတိက္ခော၊ မဟာနိက္ကင်္ခေါ ဓမ္မဂူ၊
မဟာသံယတော သံဝုတော၊ ဗုဒ္ဓံ တံ ပဏမာမျဟံ.၄၉.
မဟာထောမိတော ပူဇိတော၊ မဟာမာနိတော ဝန္ဒိတော၊
မဟာဘိဝါဒိတော ဘိယျော၊ ဗုဒ္ဓံ တံ ပဏမာမျဟံ.၅၀.
မဟတတ္ထော မဟတ္ထိကော၊ မဟန္တတ္ထော မဟတ္တရော၊
မဟန္တော မဟတ္တပ္ပတ္တော၊ ဗုဒ္ဓံ တံ ပဏမာမျဟံ.၅၁.
မဟာလာဘီ မဟာကာရီ၊ မဟာဒါယီ မဟာဓနီ၊
မဟာဝိဇ္ဇော မဟာပုဇ္ဇော၊ ဗုဒ္ဓံ တံ ပဏမာမျဟံ.၅၂.
မဟာဗုဒ္ဓိ မဟာဗုဓာ၊ မဟာပဗောဓိပုင်္ဂဝေါ၊
မဟာဘဝဏ္ဏဝံ တိဏ္ဏော၊ ဗုဒ္ဓံ တံ ပဏမာမျဟံ.၅၃.
မဟာနာဂေါ မဟာဘာဂေါ၊ မဟာဗာဟော မဟိဒ္ဓိကော၊
မဟာယောဓော မဟဂ္ဂတော၊ ဗုဒ္ဓံ တံ ပဏမာမျဟံ.၅၄.
မဟာဒန္တော မဟာသန္တော၊ မဟာဂဏီ မဟာဂုဏီ၊
မဟာသန္တိပဒါယကော၊ ဗုဒ္ဓံ တံ ပဏမာမျဟံ.၅၅.
မဟာသီလော မဟာစိတ္တော၊ မဟာဗုဓော မဟေသိနော၊
မဟာမောဟောဒဓိံ တိဏ္ဏော၊ ဗုဒ္ဓံ တံ ပဏမာမျဟံ.၅၆.
မဟာတပဿီ ဓမ္မေသီ၊ မဟာယသဿီ နာယကော၊
မဟာပတာပီ တေဇဿီ၊ ဗုဒ္ဓံ တံ ပဏမာမျဟံ.၅၇.
မဟာအာဘော မဟာပဘော၊ မောဟန္ဓကာရဘိန္ဒကော၊
ဉာဏပဒီပံ ဒီပေသိ၊ ဗုဒ္ဓံ တံ ပဏမာမျဟံ.၅၈.
မဟာပဿဒ္ဓိဒါယကော၊ မုနိရာဇာ မုနိဿရော၊
သန္တိဒဒေါ သုခဒဒေါ၊ ဗုဒ္ဓံ တံ ပဏမာမျဟံ.၅၉.
မဟာနီဝရဏာ’တီတော၊ မဟာမောဟသမူဟတော၊
မဟောဃတိဏ္ဏော မောက္ခကော၊ ဗုဒ္ဓံ တံ ပဏမာမျဟံ.၆၀.
မဟာဘဝေါပဓိစတ္တော၊ လောဘဒေါသဝိနာသကော၊
မဟာရိပုံ နိမဒ္ဒေသိ၊ ဗုဒ္ဓံ တံ ပဏမာမျဟံ.၆၁.
မဟာ’ဘိညာဗလပ္ပတ္တော၊ မဟာမညိတနာသကော၊
မဟာသဒ္ဓမံ နိဒ္ဒိသိ၊ ဗုဒ္ဓံ တံ ပဏမာမျဟံ.၆၂.
အဟောရတ္တိံ သဒါသုဒ္ဓေါ၊ မဟာလောကဂ္ဂနာယကော၊
သမတ္တဝိဿဝိဿုတော၊ ဗုဒ္ဓံ တံ ပဏမာမျဟံ.၆၃.
မဟာအဝိဇ္ဇာဥစ္ဆိန္နော၊ မဟာအာသတ္တိရိဉ္စကော၊
မဟာဇဋာ ဝိဇဋေသိ၊ ဗုဒ္ဓံ တံ ပဏမာမျဟံ.၆၄.
မဟာသူလဝိဝတ္တကော၊ မဟာသလ္လဝိနောဒနော၊
မဟာသဝံ ဗျန္တိကရော၊ ဗုဒ္ဓံ တံ ပဏမာမျဟံ.၆၅.
မဟာပရက္ကမီ သူရော၊ သဗ္ဗထာ အပရာဇယော၊
အစ္စန္တအဘယော ဝီရော၊ ဗုဒ္ဓံ တံ ပဏမာမျဟံ.၆၆.
မဟာတဏှာဝီတိဝတ္တော၊ မဟာသောကပနူဒနော၊
မဟာဒုက္ခမတိက္ကန္တော၊ ဗုဒ္ဓံ တံ ပဏမာမျဟံ.၆၇.
မဟာမာနမတိက္ကမော၊ မာရသေနနိမ္မဒ္ဒနော၊
ကမ္မက္လေသံ နိဇ္ဇရေသိ၊ ဗုဒ္ဓံ တံ ပဏမာမျဟံ.၆၈.
မဟာဘဝေါဒဓိတ္တိဏ္ဏော၊ ပါပဏ္ဏဝပါရင်္ဂတော၊
မဟာသံသရဏာတိဂေါ၊ ဗုဒ္ဓံ တံ ပဏမာမျဟံ.၆၉.
မဟာသံယောဇနာတီတော၊ မဟာဝဋ္ဋဝိနာသကော၊
မဟာသံသာရောဃတိဏ္ဏော၊ ဗုဒ္ဓံ တံ ပဏမာမျဟံ.၇၀.
မဟာရာဂဝိရဉ္ဇကော၊ မဟာဒေါသနိမ္မဒ္ဒကော၊
မဟာသောတံ ဝိသောသေသိ၊ ဗုဒ္ဓံ တံ ပဏမာမျဟံ.၇၁.
မဟာမေတ္တာဝိဟာရီ ယော၊ မဟာပုညော မဟာရဟော၊
မဟာကရုဏာသာဂရော၊ ဗုဒ္ဓံ တံ ပဏမာမျဟံ.၇၂.
မဟာဘဝသိန္ဓုလင်္ဃီ၊ ဘဝမုတ္တော ဘဝန္တဂူ၊
သောကသူလသမုစ္ဆိန္နော၊ ဗုဒ္ဓံ တံ ပဏမာမျဟံ.၇၃.