၁၀. ဥဒ္ဓစ္စသုတ္တံ

၁၁၆. ‘‘တယောမေ၊ ဘိက္ခဝေ၊ ဓမ္မာ. ကတမေ တယော? ဥဒ္ဓစ္စံ၊ အသံဝရော၊ ပမာဒေါ. ဣမေ ခေါ၊ ဘိက္ခဝေ၊ တယော ဓမ္မာ. ဣမေသံ ခေါ၊ ဘိက္ခဝေ၊ တိဏ္ဏံ ဓမ္မာနံ ပဟာနာယ တယော ဓမ္မာ ဘာဝေတဗ္ဗာ. ကတမေ တယော? ဥဒ္ဓစ္စဿ ပဟာနာယ သမထော ဘာဝေတဗ္ဗော၊ အသံဝရဿ ပဟာနာယ သံဝရော ဘာဝေတဗ္ဗော၊ ပမာဒဿ ပဟာနာယ အပ္ပမာဒေါ ဘာဝေတဗ္ဗော. ဣမေသံ ခေါ၊ ဘိက္ခဝေ၊ တိဏ္ဏံ ဓမ္မာနံ ပဟာနာယ ဣမေ တယော ဓမ္မာ ဘာဝေတဗ္ဗာ’’တိ. ဒသမံ.

တိကဝဂ္ဂေါ ဧကာဒသမော. [ပဌမော (သျာ.)]