၁၅-၂၁. အပရဒုတိယဈာနသုတ္တာဒိသတ္တကံ

၂၆၅-၂၇၁. ‘‘ပဉ္စိမေ၊ ဘိက္ခဝေ၊ ဓမ္မေ အပ္ပဟာယ အဘဗ္ဗော ဒုတိယံ ဈာနံ။ပေ။ တတိယံ ဈာနံ။ စတုတ္ထံ ဈာနံ။ သောတာပတ္တိဖလံ။ သကဒါဂါမိဖလံ။ အနာဂါမိဖလံ။ အရဟတ္တံ သစ္ဆိကာတုံ. ကတမေ ပဉ္စ? အာဝါသမစ္ဆရိယံ၊ ကုလမစ္ဆရိယံ၊ လာဘမစ္ဆရိယံ၊ ဝဏ္ဏမစ္ဆရိယံ၊ အကတညုတံ အကတဝေဒိတံ – ဣမေ ခေါ၊ ဘိက္ခဝေ၊ ပဉ္စ ဓမ္မေ အပ္ပဟာယ အဘဗ္ဗော အရဟတ္တံ သစ္ဆိကာတုံ.

‘‘ပဉ္စိမေ၊ ဘိက္ခဝေ၊ ဓမ္မေ ပဟာယ ဘဗ္ဗော ဒုတိယံ ဈာနံ။ပေ။ တတိယံ ဈာနံ။ စတုတ္ထံ ဈာနံ။ သောတာပတ္တိဖလံ။ သကဒါဂါမိဖလံ။ အနာဂါမိဖလံ။ အရဟတ္တံ သစ္ဆိကာတုံ. ကတမေ ပဉ္စ? အာဝါသမစ္ဆရိယံ၊ ကုလမစ္ဆရိယံ၊ လာဘမစ္ဆရိယံ၊ ဝဏ္ဏမစ္ဆရိယံ၊ အကတညုတံ အကတဝေဒိတံ – ဣမေ ခေါ၊ ဘိက္ခဝေ၊ ပဉ္စ ဓမ္မေ ပဟာယ ဘဗ္ဗော အရဟတ္တံ သစ္ဆိကာတု’’န္တိ. ဧကဝီသတိမံ.

ဥပသမ္ပဒါဝဂ္ဂေါ ဆဋ္ဌော.