၄. ဒုတိယဝဍ္ဎိသုတ္တံ

၆၄. ‘‘ပဉ္စဟိ၊ ဘိက္ခဝေ၊ ဝဍ္ဎီဟိ ဝဍ္ဎမာနာ အရိယသာဝိကာ အရိယာယ ဝဍ္ဎိယာ ဝဍ္ဎတိ၊ သာရာဒါယိနီ စ ဟောတိ ဝရာဒါယိနီ စ ကာယဿ. ကတမာဟိ ပဉ္စဟိ? သဒ္ဓါယ ဝဍ္ဎတိ၊ သီလေန ဝဍ္ဎတိ၊ သုတေန ဝဍ္ဎတိ၊ စာဂေန ဝဍ္ဎတိ၊ ပညာယ ဝဍ္ဎတိ – ဣမာဟိ ခေါ၊ ဘိက္ခဝေ၊ ပဉ္စဟိ ဝဍ္ဎီဟိ ဝဍ္ဎမာနာ အရိယသာဝိကာ အရိယာယ ဝဍ္ဎိယာ ဝဍ္ဎတိ၊ သာရာဒါယိနီ စ ဟောတိ ဝရာဒါယိနီ စ ကာယဿာ’’တိ.

‘‘သဒ္ဓါယ သီလေန စ ယာ ပဝဍ္ဎတိ [ယာဓ ဝဍ္ဎတိ (သီ.)]၊

ပညာယ စာဂေန သုတေန စူဘယံ၊

သာ တာဒိသီ သီလဝတီ ဥပါသိကာ၊

အာဒီယတီ သာရမိဓေဝ အတ္တနော’’တိ. စတုတ္ထံ၊