၆. ပုနကူဋသုတ္တံ

၁၆. ‘‘ပဉ္စိမာနိ၊ ဘိက္ခဝေ၊ ဗလာနိ. ကတမာနိ ပဉ္စ? သဒ္ဓါဗလံ၊ ဝီရိယဗလံ၊ သတိဗလံ၊ သမာဓိဗလံ၊ ပညာဗလံ – ဣမာနိ ခေါ၊ ဘိက္ခဝေ၊ ပဉ္စ ဗလာနိ. ဣမေသံ ခေါ၊ ဘိက္ခဝေ၊ ပဉ္စန္နံ ဗလာနံ ဧတံ အဂ္ဂံ ဧတံ သင်္ဂါဟိကံ ဧတံ သင်္ဃာတနိယံ၊ ယဒိဒံ ပညာဗလံ. သေယျထာပိ၊ ဘိက္ခဝေ၊ ကူဋာဂါရဿ ဧတံ အဂ္ဂံ ဧတံ သင်္ဂါဟိကံ ဧတံ သင်္ဃာတနိယံ၊ ယဒိဒံ ကူဋံ. ဧဝမေဝံ ခေါ၊ ဘိက္ခဝေ၊ ဣမေသံ ပဉ္စန္နံ ဗလာနံ ဧတံ အဂ္ဂံ ဧတံ သင်္ဂါဟိကံ ဧတံ သင်္ဃာတနိယံ၊ ယဒိဒံ ပညာဗလ’’န္တိ. ဆဋ္ဌံ.