၁. သမ္မုခီဘာဝသုတ္တံ

၄၁. ‘‘တိဏ္ဏံ၊ ဘိက္ခဝေ၊ သမ္မုခီဘာဝါ သဒ္ဓေါ ကုလပုတ္တော ဗဟုံ ပုညံ ပသဝတိ. ကတမေသံ တိဏ္ဏံ? သဒ္ဓါယ၊ ဘိက္ခဝေ၊ သမ္မုခီဘာဝါ သဒ္ဓေါ ကုလပုတ္တော ဗဟုံ ပုညံ ပသဝတိ. ဒေယျဓမ္မဿ၊ ဘိက္ခဝေ၊ သမ္မုခီဘာဝါ သဒ္ဓေါ ကုလပုတ္တော ဗဟုံ ပုညံ ပသဝတိ. ဒက္ခိဏေယျာနံ၊ ဘိက္ခဝေ၊ သမ္မုခီဘာဝါ သဒ္ဓေါ ကုလပုတ္တော ဗဟုံ ပုညံ ပသဝတိ. ဣမေသံ ခေါ၊ ဘိက္ခဝေ၊ တိဏ္ဏံ သမ္မုခီဘာဝါ သဒ္ဓေါ ကုလပုတ္တော ဗဟုံ ပုညံ ပသဝတီ’’တိ. ပဌမံ.