൩. ഖമ്ഭകതവഗ്ഗോ

൧൫൨. അനാദരിയം പടിച്ച ഖമ്ഭകതേന അന്തരഘരേ ഗച്ഛന്തസ്സ ദുക്കടം…പേ… ഏകാ പഞ്ഞത്തി. ഏകേന സമുട്ഠാനേന സമുട്ഠാതി. കായതോ ച ചിത്തതോ ച സമുട്ഠാതി, ന വാചതോ…പേ….

അനാദരിയം പടിച്ച ഖമ്ഭകതേന അന്തരഘരേ നിസീദന്തസ്സ ദുക്കടം…പേ… ഏകാ പഞ്ഞത്തി. ഏകേന സമുട്ഠാനേന സമുട്ഠാതി – കായതോ ച ചിത്തതോ ച സമുട്ഠാതി, ന വാചതോ…പേ….

അനാദരിയം പടിച്ച ഓഗുണ്ഠിതേന അന്തരഘരേ ഗച്ഛന്തസ്സ ദുക്കടം കത്ഥ പഞ്ഞത്തന്തി? സാവത്ഥിയം പഞ്ഞത്തം. കം ആരബ്ഭാതി? ഛബ്ബഗ്ഗിയേ ഭിക്ഖൂ ആരബ്ഭ. കിസ്മിം വത്ഥുസ്മിന്തി? ഛബ്ബഗ്ഗിയാ ഭിക്ഖൂ സസീസം പാരുപിത്വാ അന്തരഘരേ ഗച്ഛിംസു, തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം ഏകേന സമുട്ഠാനേന സമുട്ഠാതി – കായതോ ച ചിത്തതോ ച സമുട്ഠാതി, ന വാചതോ…പേ….

അനാദരിയം പടിച്ച ഓഗുണ്ഠിതേന അന്തരഘരേ നിസീദന്തസ്സ ദുക്കടം കത്ഥ പഞ്ഞത്തന്തി? സാവത്ഥിയം പഞ്ഞത്തം. കം ആരബ്ഭാതി? ഛബ്ബഗ്ഗിയേ ഭിക്ഖൂ ആരബ്ഭ. കിസ്മിം വത്ഥുസ്മിന്തി? ഛബ്ബഗ്ഗിയാ ഭിക്ഖൂ സസീസം പാരുപിത്വാ അന്തരഘരേ നിസീദിംസു, തസ്മിം വത്ഥുസ്മിം. ഏകാ പഞ്ഞത്തി. ഛന്നം ആപത്തിസമുട്ഠാനാനം ഏകേന സമുട്ഠാനേന സമുട്ഠാതി – കായതോ ച ചിത്തതോ ച സമുട്ഠാതി, ന വാചതോ…പേ….

അനാദരിയം പടിച്ച ഉക്കുടികായ അന്തരഘരേ ഗച്ഛന്തസ്സ ദുക്കടം…പേ… ഏകാ പഞ്ഞത്തി. ഏകേന സമുട്ഠാനേന സമുട്ഠാതി – കായതോ ച ചിത്തതോ ച സമുട്ഠാതി, ന വാചതോ…പേ….

അനാദരിയം പടിച്ച പല്ലത്ഥികായ [പല്ലത്തികായ (ക.)] അന്തരഘരേ നിസീദന്തസ്സ ദുക്കടം…പേ… ഏകാ പഞ്ഞത്തി. ഏകേന സമുട്ഠാനേന സമുട്ഠാതി – കായതോ ച ചിത്തതോ ച സമുട്ഠാതി, ന വാചതോ…പേ….

അനാദരിയം പടിച്ച അസക്കച്ചം പിണ്ഡപാതം പടിഗ്ഗണ്ഹന്തസ്സ ദുക്കടം…പേ… ഏകാ പഞ്ഞത്തി. ഏകേന സമുട്ഠാനേന സമുട്ഠാതി – കായതോ ച ചിത്തതോ ച സമുട്ഠാതി, ന വാചതോ…പേ….

അനാദരിയം പടിച്ച തഹം തഹം ഓലോകേന്തേന പിണ്ഡപാതം പടിഗ്ഗണ്ഹന്തസ്സ ദുക്കടം…പേ… ഏകാ പഞ്ഞത്തി. ഏകേന സമുട്ഠാനേന സമുട്ഠാതി – കായതോ ച ചിത്തതോ ച സമുട്ഠാതി, ന വാചതോ…പേ….

അനാദരിയം പടിച്ച സൂപഞ്ഞേവ ബഹും പടിഗ്ഗണ്ഹന്തസ്സ ദുക്കടം…പേ… ഏകാ പഞ്ഞത്തി. ഏകേന സമുട്ഠാനേന സമുട്ഠാതി – കായതോ ച ചിത്തതോ ച സമുട്ഠാതി, ന വാചതോ…പേ….

അനാദരിയം പടിച്ച ഥൂപീകതം പിണ്ഡപാതം പടിഗ്ഗണ്ഹന്തസ്സ ദുക്കടം…പേ… ഏകാ പഞ്ഞത്തി. ഏകേന സമുട്ഠാനേന സമുട്ഠാതി – കായതോ ച ചിത്തതോ ച സമുട്ഠാതി, ന വാചതോ…പേ….

ഖമ്ഭകതവഗ്ഗോ തതിയോ.