വിനയവിനിച്ഛയോ

ഗന്ഥാരമ്ഭകഥാ

൧. വന്ദിത്വാ സിരസാ സേട്ഠം, ബുദ്ധമപ്പടിപുഗ്ഗലം;

ഭവാഭാവകരം ധമ്മം, ഗണഞ്ചേവ നിരങ്ഗണം.

൨. ഭിക്ഖൂനം ഭിക്ഖുനീനഞ്ച, ഹിതത്ഥായ സമാഹിതോ;

പവക്ഖാമി സമാസേന, വിനയസ്സവിനിച്ഛയം.

൩. അനാകുലമസംകിണ്ണം, മധുരത്ഥപദക്കമം;

പടുഭാവകരം ഏതം, പരമം വിനയക്കമേ.

൪. അപാരം ഓതരന്താനം, സാരം വിനയസാഗരം;

ഭിക്ഖൂനം ഭിക്ഖുനീനഞ്ച, നാവാഭൂതം മനോരമം.

൫. തസ്മാ വിനയനൂപായം, വിനയസ്സവിനിച്ഛയം;

അവിക്ഖിത്തേന ചിത്തേന, വദതോ മേ നിബോധഥ.