൧-൧൦. ചക്ഖുസുത്താദിവണ്ണനാ

൩൦൨-൩൧൧. സദ്ധാധിമോക്ഖന്തി സദ്ദഹനവസേന പവത്തം അധിമോക്ഖം, ന സന്നിട്ഠാനമത്തവസേന പവത്തം അധിമോക്ഖം. ദസ്സനമ്പി സമ്മത്തം, തംസിജ്ഝാനവസേന പവത്തനിയാമോ സമ്മത്തനിയാമോ, അരിയമഗ്ഗോ. അനന്തരായതം ദീപേതി കപ്പവിനാസപടിഭാഗേന പവത്തത്താ. തഥാ ചാഹ ‘‘തേനേവാഹാ’’തിആദി. കപ്പസീസേന ഭാജനലോകം വദതി. സോ ഹി ഉഡ്ഡയ്ഹതി, ന കപ്പോ, ഉഡ്ഡയ്ഹനവേലാതി ഝായനവേലാ. ഠിതോ കപ്പോ ഠിതകപ്പോ, സോ അസ്സ അത്ഥീതി ഠിതകപ്പീ, കപ്പം ഠപേതും സമത്ഥോതി അത്ഥോ. ഓലോകനന്തി സച്ചാഭിസമയസങ്ഖാതം ദസ്സനം. ഖമന്തി സഹന്തി, ഞായന്തീതി അത്ഥോ.

ചക്ഖുസുത്താദിവണ്ണനാ നിട്ഠിതാ.

ഓക്കന്തസംയുത്തവണ്ണനാ നിട്ഠിതാ.