൨൦. അമതവഗ്ഗവണ്ണനാ

൬൦൦-൬൧൧. നത്ഥി ഏത്ഥ മതം മരണം വിനാസോതി അമതം, നിബ്ബാനന്തി ആഹ – ‘‘മരണവിരഹിതം നിബ്ബാനം പരിഭുഞ്ജന്തീ’’തി. അമതസ്സ വാ നിബ്ബാനസ്സ അധിഗമഹേതുതായ അമതസദിസഅതപ്പകസുഖപതിതതായ ച കായഗതാസതി ‘‘അമത’’ന്തി വുത്താ. പരിഭുഞ്ജന്തീതി ഝാനസമാപജ്ജനേന വളഞ്ജന്തി. വിരദ്ധന്തി അനധിഗമേന വിരജ്ഝിതം. തേനാഹ – ‘‘വിരാധിതം നാധിഗത’’ന്തി. ആരദ്ധന്തി സാധിതം നിപ്ഫാദിതം. തഞ്ച പരിപുണ്ണം നാമ ഹോതീതി ആഹ – ‘‘ആരദ്ധന്തി പരിപുണ്ണ’’ന്തി. പമാദിംസൂതി കാലബ്യത്തയേനേദം വുത്തന്തി ആഹ – ‘‘പമജ്ജന്തീ’’തി.

അമതവഗ്ഗവണ്ണനാ നിട്ഠിതാ.

ഇതി മനോരഥപൂരണിയാ അങ്ഗുത്തരനികായ-അട്ഠകഥായ

ഏകകനിപാതവണ്ണനായ അനുത്താനത്ഥദീപനാ സമത്താ.

പഠമോ ഭാഗോ നിട്ഠിതോ.