പുഗ്ഗലധമ്മവാരോ

൧. ഉപ്പാദനിരോധകാലസമ്ഭേദവാരോ

യസ്സ യം ചിത്തം ഉപ്പജ്ജതി ന നിരുജ്ഝതി, തസ്സ തം ചിത്തം നിരുജ്ഝിസ്സതി ന ഉപ്പജ്ജിസ്സതി. യസ്സ വാ പന യം ചിത്തം നിരുജ്ഝിസ്സതി ന ഉപ്പജ്ജിസ്സതി, തസ്സ തം ചിത്തം ഉപ്പജ്ജതി ന നിരുജ്ഝതി.

യസ്സ യം ചിത്തം ന ഉപ്പജ്ജതി നിരുജ്ഝതി, തസ്സ തം ചിത്തം ന നിരുജ്ഝിസ്സതി ഉപ്പജ്ജിസ്സതി. യസ്സ വാ പന യം ചിത്തം ന നിരുജ്ഝിസ്സതി ഉപ്പജ്ജിസ്സതി, തസ്സ തം ചിത്തം ന ഉപ്പജ്ജതി നിരുജ്ഝതി.

൨. ഉപ്പാദുപ്പന്നവാരോ

യസ്സ യം ചിത്തം ഉപ്പജ്ജതി, തസ്സ തം ചിത്തം ഉപ്പന്നം. യസ്സ വാ പന യം ചിത്തം ഉപ്പന്നം, തസ്സ തം ചിത്തം ഉപ്പജ്ജതി.

യസ്സ യം ചിത്തം ന ഉപ്പജ്ജതി, തസ്സ തം ചിത്തം ന ഉപ്പന്നം. യസ്സ വാ പന യം ചിത്തം ന ഉപ്പന്നം, തസ്സ തം ചിത്തം ന ഉപ്പജ്ജതി.

൩. നിരോധുപ്പന്നവാരോ

യസ്സ യം ചിത്തം നിരുജ്ഝതി, തസ്സ തം ചിത്തം ഉപ്പന്നം. യസ്സ വാ പന യം ചിത്തം ഉപ്പന്നം, തസ്സ തം ചിത്തം നിരുജ്ഝതി.

യസ്സ യം ചിത്തം ന നിരുജ്ഝതി, തസ്സ തം ചിത്തം ന ഉപ്പന്നം. യസ്സ വാ പന യം ചിത്തം ന ഉപ്പന്നം, തസ്സ തം ചിത്തം ന നിരുജ്ഝതി.

൪. ഉപ്പാദവാരോ

യസ്സ യം ചിത്തം ഉപ്പജ്ജതി, തസ്സ തം ചിത്തം ഉപ്പജ്ജിത്ഥ. യസ്സ വാ പന യം ചിത്തം ഉപ്പജ്ജിത്ഥ, തസ്സ തം ചിത്തം ഉപ്പജ്ജതി.

യസ്സ യം ചിത്തം ന ഉപ്പജ്ജതി, തസ്സ തം ചിത്തം ന ഉപ്പജ്ജിത്ഥ. യസ്സ വാ പന യം ചിത്തം ന ഉപ്പജ്ജിത്ഥ, തസ്സ തം ചിത്തം ന ഉപ്പജ്ജതി.

യസ്സ യം ചിത്തം ഉപ്പജ്ജതി, തസ്സ തം ചിത്തം ഉപ്പജ്ജിസ്സതി. യസ്സ വാ പന യം ചിത്തം ഉപ്പജ്ജിസ്സതി, തസ്സ തം ചിത്തം ഉപ്പജ്ജതി.

യസ്സ യം ചിത്തം ന ഉപ്പജ്ജതി, തസ്സ തം ചിത്തം ന ഉപ്പജ്ജിസ്സതി. യസ്സ വാ പന യം ചിത്തം ന ഉപ്പജ്ജിസ്സതി, തസ്സ തം ചിത്തം ന ഉപ്പജ്ജതി.

യസ്സ യം ചിത്തം ഉപ്പജ്ജിത്ഥ, തസ്സ തം ചിത്തം ഉപ്പജ്ജിസ്സതി. യസ്സ വാ പന യം ചിത്തം ഉപ്പജ്ജിസ്സതി, തസ്സ തം ചിത്തം ഉപ്പജ്ജിത്ഥ.

യസ്സ യം ചിത്തം ന ഉപ്പജ്ജിത്ഥ, തസ്സ തം ചിത്തം ന ഉപ്പജ്ജിസ്സതി. യസ്സ വാ പന യം ചിത്തം ന ഉപ്പജ്ജിസ്സതി, തസ്സ തം ചിത്തം ന ഉപ്പജ്ജിത്ഥ.

൫. നിരോധവാരോ

യസ്സ യം ചിത്തം നിരുജ്ഝതി, തസ്സ തം ചിത്തം നിരുജ്ഝിത്ഥ. യസ്സ വാ പന യം ചിത്തം നിരുജ്ഝിത്ഥ, തസ്സ തം ചിത്തം നിരുജ്ഝതി.

യസ്സ യം ചിത്തം ന നിരുജ്ഝതി, തസ്സ തം ചിത്തം ന നിരുജ്ഝിത്ഥ. യസ്സ വാ പന യം ചിത്തം ന നിരുജ്ഝിത്ഥ, തസ്സ തം ചിത്തം ന നിരുജ്ഝതി.

യസ്സ യം ചിത്തം നിരുജ്ഝതി, തസ്സ തം ചിത്തം നിരുജ്ഝിസ്സതി. യസ്സ വാ പന യം ചിത്തം നിരുജ്ഝിസ്സതി, തസ്സ തം ചിത്തം നിരുജ്ഝതി.

യസ്സ യം ചിത്തം ന നിരുജ്ഝതി, തസ്സ തം ചിത്തം ന നിരുജ്ഝിസ്സതി. യസ്സ വാ പന യം ചിത്തം ന നിരുജ്ഝിസ്സതി, തസ്സ തം ചിത്തം ന നിരുജ്ഝതി.

യസ്സ യം ചിത്തം നിരുജ്ഝിത്ഥ, തസ്സ തം ചിത്തം നിരുജ്ഝിസ്സതി. യസ്സ വാ പന യം ചിത്തം നിരുജ്ഝിസ്സതി, തസ്സ തം ചിത്തം നിരുജ്ഝിത്ഥ.

യസ്സ യം ചിത്തം ന നിരുജ്ഝിത്ഥ, തസ്സ തം ചിത്തം ന നിരുജ്ഝിസ്സതി. യസ്സ വാ പന യം ചിത്തം ന നിരുജ്ഝിസ്സതി, തസ്സ തം ചിത്തം ന നിരുജ്ഝിത്ഥ.

൬. ഉപ്പാദനിരോധവാരോ

യസ്സ യം ചിത്തം ഉപ്പജ്ജതി, തസ്സ തം ചിത്തം നിരുജ്ഝിത്ഥ. യസ്സ വാ പന യം ചിത്തം നിരുജ്ഝിത്ഥ, തസ്സ തം ചിത്തം ഉപ്പജ്ജതി.

യസ്സ യം ചിത്തം ന ഉപ്പജ്ജതി, തസ്സ തം ചിത്തം ന നിരുജ്ഝിത്ഥ. യസ്സ വാ പന യം ചിത്തം ന നിരുജ്ഝിത്ഥ, തസ്സ തം ചിത്തം ന ഉപ്പജ്ജതി.

യസ്സ യം ചിത്തം ഉപ്പജ്ജതി, തസ്സ തം ചിത്തം നിരുജ്ഝിസ്സതി. യസ്സ വാ പന യം ചിത്തം നിരുജ്ഝിസ്സതി, തസ്സ തം ചിത്തം ഉപ്പജ്ജതി.

യസ്സ യം ചിത്തം ന ഉപ്പജ്ജതി, തസ്സ തം ചിത്തം ന നിരുജ്ഝിസ്സതി. യസ്സ വാ പന യം ചിത്തം ന നിരുജ്ഝിസ്സതി, തസ്സ തം ചിത്തം ന ഉപ്പജ്ജതി.

യസ്സ യം ചിത്തം ഉപ്പജ്ജിത്ഥ, തസ്സ തം ചിത്തം നിരുജ്ഝിസ്സതി. യസ്സ വാ പന യം ചിത്തം നിരുജ്ഝിസ്സതി, തസ്സ തം ചിത്തം ഉപ്പജ്ജിത്ഥ.

യസ്സ യം ചിത്തം ന ഉപ്പജ്ജിത്ഥ, തസ്സ തം ചിത്തം ന നിരുജ്ഝിസ്സതി. യസ്സ വാ പന യം ചിത്തം ന നിരുജ്ഝിസ്സതി, തസ്സ തം ചിത്തം ന ഉപ്പജ്ജിത്ഥ.

൭. ഉപ്പജ്ജമാനനനിരോധവാരോ

യസ്സ യം ചിത്തം ഉപ്പജ്ജതി, തസ്സ തം ചിത്തം ന നിരുജ്ഝതി. യസ്സ വാ പന യം ചിത്തം ന നിരുജ്ഝതി, തസ്സ തം ചിത്തം ഉപ്പജ്ജതി.

യസ്സ യം ചിത്തം ന ഉപ്പജ്ജതി, തസ്സ തം ചിത്തം നിരുജ്ഝതി. യസ്സ വാ പന യം ചിത്തം നിരുജ്ഝതി, തസ്സ തം ചിത്തം ന ഉപ്പജ്ജതി.

൮. ഉപ്പജ്ജമാനുപ്പന്നവാരോ

യസ്സ യം ചിത്തം ഉപ്പജ്ജമാനം, തസ്സ തം ചിത്തം ഉപ്പന്നം. യസ്സ വാ പന യം ചിത്തം ഉപ്പന്നം, തസ്സ തം ചിത്തം ഉപ്പജ്ജമാനം.

യസ്സ യം ചിത്തം ന ഉപ്പജ്ജമാനം, തസ്സ തം ചിത്തം ന ഉപ്പന്നം. യസ്സ വാ പന യം ചിത്തം ന ഉപ്പന്നം, തസ്സ തം ചിത്തം ന ഉപ്പജ്ജമാനം.

൯. നിരുജ്ഝമാനുപ്പന്നവാരോ

യസ്സ യം ചിത്തം നിരുജ്ഝമാനം, തസ്സ തം ചിത്തം ഉപ്പന്നം. യസ്സ വാ പന യം ചിത്തം ഉപ്പന്നം, തസ്സ തം ചിത്തം നിരുജ്ഝമാനം.

യസ്സ യം ചിത്തം ന നിരുജ്ഝമാനം, തസ്സ തം ചിത്തം ന ഉപ്പന്നം. യസ്സ വാ പന യം ചിത്തം ന ഉപ്പന്നം, തസ്സ തം ചിത്തം ന നിരുജ്ഝമാനം.

൧൦. ഉപ്പന്നുപ്പാദവാരോ

യസ്സ യം ചിത്തം ഉപ്പന്നം, തസ്സ തം ചിത്തം ഉപ്പജ്ജിത്ഥ. യസ്സ വാ പന യം ചിത്തം ഉപ്പജ്ജിത്ഥ, തസ്സ തം ചിത്തം ഉപ്പന്നം.

യസ്സ യം ചിത്തം ന ഉപ്പന്നം, തസ്സ തം ചിത്തം ന ഉപ്പജ്ജിത്ഥ. യസ്സ വാ പന യം ചിത്തം ന ഉപ്പജ്ജിത്ഥ, തസ്സ തം ചിത്തം ന ഉപ്പന്നം.

യസ്സ യം ചിത്തം ഉപ്പന്നം, തസ്സ തം ചിത്തം ഉപ്പജ്ജിസ്സതി. യസ്സ വാ പന യം ചിത്തം ഉപ്പജ്ജിസ്സതി, തസ്സ തം ചിത്തം ഉപ്പന്നം.

യസ്സ യം ചിത്തം ന ഉപ്പന്നം, തസ്സ തം ചിത്തം ന ഉപ്പജ്ജിസ്സതി, യസ്സ വാ പന യം ചിത്തം ന ഉപ്പജ്ജിസ്സതി, തസ്സ തം ചിത്തം ന ഉപ്പന്നം.

൧൧. അതീതാനാഗതവാരോ

യസ്സ യം ചിത്തം ഉപ്പജ്ജിത്ഥ, നോ ച തസ്സ തം ചിത്തം ഉപ്പന്നം, തസ്സ തം ചിത്തം ഉപ്പജ്ജിസ്സതി. യസ്സ വാ പന യം ചിത്തം ഉപ്പജ്ജിസ്സതി, നോ ച തസ്സ തം ചിത്തം ഉപ്പന്നം, തസ്സ തം ചിത്തം ഉപ്പജ്ജിത്ഥ.

യസ്സ യം ചിത്തം ന ഉപ്പജ്ജിത്ഥ, നോ ച തസ്സ തം ചിത്തം ന ഉപ്പന്നം, തസ്സ തം ചിത്തം ന ഉപ്പജ്ജിസ്സതി. യസ്സ വാ പന യം ചിത്തം ന ഉപ്പജ്ജിസ്സതി, നോ ച തസ്സ തം ചിത്തം ന ഉപ്പന്നം, തസ്സ തം ചിത്തം ന ഉപ്പജ്ജിത്ഥ.

൧൨. ഉപ്പന്നുപ്പജ്ജമാനവാരോ

ഉപ്പന്നം ഉപ്പജ്ജമാനം, ഉപ്പജ്ജമാനം ഉപ്പന്നം.

ന ഉപ്പന്നം ന ഉപ്പജ്ജമാനം, ന ഉപ്പജ്ജമാനം ന ഉപ്പന്നം.

൧൩. നിരുദ്ധനിരുജ്ഝമാനവാരോ

നിരുദ്ധം നിരുജ്ഝമാനം, നിരുജ്ഝമാനം നിരുദ്ധം.

ന നിരുദ്ധം ന നിരുജ്ഝമാനം, ന നിരുജ്ഝമാനം ന നിരുദ്ധം.

൧൪. അതിക്കന്തകാലവാരോ

യസ്സ യം ചിത്തം ഉപ്പജ്ജമാനം ഖണം ഖണം വീതിക്കന്തം അതിക്കന്തകാലം, നിരുജ്ഝമാനം ഖണം ഖണം വീതിക്കന്തം അതിക്കന്തകാലം തസ്സ തം ചിത്തം. യസ്സ വാ പന യം ചിത്തം നിരുജ്ഝമാനം ഖണം ഖണം വീതിക്കന്തം അതിക്കന്തകാലം, ഉപ്പജ്ജമാനം ഖണം ഖണം വീതിക്കന്തം അതിക്കന്തകാലം തസ്സ തം ചിത്തം.

യസ്സ യം ചിത്തം ന ഉപ്പജ്ജമാനം ഖണം ഖണം വീതിക്കന്തം അതിക്കന്തകാലം, ന നിരുജ്ഝമാനം ഖണം ഖണം വീതിക്കന്തം അതിക്കന്തകാലം തസ്സ തം ചിത്തം. യസ്സ വാ പന യം ചിത്തം ന നിരുജ്ഝമാനം ഖണം ഖണം വീതിക്കന്തം അതിക്കന്തകാലം, ന ഉപ്പജ്ജമാനം ഖണം ഖണം വീതിക്കന്തം അതിക്കന്തകാലം തസ്സ തം ചിത്തം.

സുത്തന്തചിത്തമിസ്സകവിസേസോ

യസ്സ സരാഗം ചിത്തം ഉപ്പജ്ജതി…പേ… യസ്സ വീതരാഗം ചിത്തം ഉപ്പജ്ജതി. യസ്സ സദോസം ചിത്തം ഉപ്പജ്ജതി. യസ്സ വീതദോസം ചിത്തം ഉപ്പജ്ജതി. യസ്സ സമോഹം ചിത്തം ഉപ്പജ്ജതി. യസ്സ വീതമോഹം ചിത്തം ഉപ്പജ്ജതി. യസ്സ സംഖിത്തം ചിത്തം ഉപ്പജ്ജതി. യസ്സ വിക്ഖിത്തം ചിത്തം ഉപ്പജ്ജതി. യസ്സ മഹഗ്ഗതം ചിത്തം ഉപ്പജ്ജതി. യസ്സ അമഹഗ്ഗതം ചിത്തം ഉപ്പജ്ജതി. യസ്സ സഉത്തരം ചിത്തം ഉപ്പജ്ജതി. യസ്സ അനുത്തരം ചിത്തം ഉപ്പജ്ജതി. യസ്സ സമാഹിതം ചിത്തം ഉപ്പജ്ജതി. യസ്സ അസമാഹിതം ചിത്തം ഉപ്പജ്ജതി. യസ്സ വിമുത്തം ചിത്തം ഉപ്പജ്ജതി. യസ്സ അവിമുത്തം ചിത്തം ഉപ്പജ്ജതി.

അഭിധമ്മചിത്തമിസ്സകവിസേസോ

യസ്സ കുസലം ചിത്തം ഉപ്പജ്ജതി…പേ… യസ്സ അകുസലം ചിത്തം ഉപ്പജ്ജതി. യസ്സ അബ്യാകതം ചിത്തം ഉപ്പജ്ജതി. യസ്സ സുഖായ വേദനായ സമ്പയുത്തം ചിത്തം ഉപ്പജ്ജതി.

(ഏതേന ഉപായേന യാവ സരണഅരണാ ഉദ്ധരിതബ്ബാ.)

യസ്സ അരണം ചിത്തം ഉപ്പജ്ജതി ന നിരുജ്ഝതി, തസ്സ അരണം ചിത്തം നിരുജ്ഝിസ്സതി ന ഉപ്പജ്ജിസ്സതി. യസ്സ വാ പന അരണം ചിത്തം നിരുജ്ഝിസ്സതി ന ഉപ്പജ്ജിസ്സതി, തസ്സ അരണം ചിത്തം ഉപ്പജ്ജതി ന നിരുജ്ഝതി.

ചിത്തയമകമാതികാ നിട്ഠിതാ.