പുഗ്ഗലവാരോ

൧. ഉപ്പാദനിരോധകാലസമ്ഭേദവാരോ

യസ്സ ചിത്തം ഉപ്പജ്ജതി ന നിരുജ്ഝതി (യമ. ൨.ചിത്തയമക.൧ ആദയോ), തസ്സ ചിത്തം നിരുജ്ഝിസ്സതി ന ഉപ്പജ്ജിസ്സതി. യസ്സ വാ പന ചിത്തം നിരുജ്ഝിസ്സതി ന ഉപ്പജ്ജിസ്സതി, തസ്സ ചിത്തം ഉപ്പജ്ജതി ന നിരുജ്ഝതി.

യസ്സ ചിത്തം ന ഉപ്പജ്ജതി നിരുജ്ഝതി, തസ്സ ചിത്തം ന നിരുജ്ഝിസ്സതി ഉപ്പജ്ജിസ്സതി. യസ്സ വാ പന ചിത്തം ന നിരുജ്ഝിസ്സതി ഉപ്പജ്ജിസ്സതി, തസ്സ ചിത്തം ന ഉപ്പജ്ജതി നിരുജ്ഝതി.

൨. ഉപ്പാദുപ്പന്നവാരോ

യസ്സ ചിത്തം ഉപ്പജ്ജതി, തസ്സ ചിത്തം ഉപ്പന്നം. യസ്സ വാ പന ചിത്തം ഉപ്പന്നം, തസ്സ ചിത്തം ഉപ്പജ്ജതി.

യസ്സ ചിത്തം ന ഉപ്പജ്ജതി, തസ്സ ചിത്തം ന ഉപ്പന്നം. യസ്സ വാ പന ചിത്തം ന ഉപ്പന്നം, തസ്സ ചിത്തം ന ഉപ്പജ്ജതി.

൩. നിരോധുപ്പന്നവാരോ

യസ്സ ചിത്തം നിരുജ്ഝതി, തസ്സ ചിത്തം ഉപ്പന്നം. യസ്സ വാ പന ചിത്തം ഉപ്പന്നം, തസ്സ ചിത്തം നിരുജ്ഝതി.

യസ്സ ചിത്തം ന നിരുജ്ഝതി, തസ്സ ചിത്തം ന ഉപ്പന്നം. യസ്സ വാ പന ചിത്തം ന ഉപ്പന്നം, തസ്സ ചിത്തം ന നിരുജ്ഝതി.

൪. ഉപ്പാദവാരോ

യസ്സ ചിത്തം ഉപ്പജ്ജതി, തസ്സ ചിത്തം ഉപ്പജ്ജിത്ഥ. യസ്സ വാ പന ചിത്തം ഉപ്പജ്ജിത്ഥ, തസ്സ ചിത്തം ഉപ്പജ്ജതി.

യസ്സ ചിത്തം ന ഉപ്പജ്ജതി, തസ്സ ചിത്തം ന ഉപ്പജ്ജിത്ഥ. യസ്സ വാ പന ചിത്തം ന ഉപ്പജ്ജിത്ഥ, തസ്സ ചിത്തം ന ഉപ്പജ്ജതി.

യസ്സ ചിത്തം ഉപ്പജ്ജതി, തസ്സ ചിത്തം ഉപ്പജ്ജിസ്സതി. യസ്സ വാ പന ചിത്തം ഉപ്പജ്ജിസ്സതി, തസ്സ ചിത്തം ഉപ്പജ്ജതി.

യസ്സ ചിത്തം ന ഉപ്പജ്ജതി, തസ്സ ചിത്തം ന ഉപ്പജ്ജിസ്സതി. യസ്സ വാ പന ചിത്തം ന ഉപ്പജ്ജിസ്സതി, തസ്സ ചിത്തം ന ഉപ്പജ്ജതി.

യസ്സ ചിത്തം ഉപ്പജ്ജിത്ഥ, തസ്സ ചിത്തം ഉപ്പജ്ജിസ്സതി. യസ്സ വാ പന ചിത്തം ഉപ്പജ്ജിസ്സതി, തസ്സ ചിത്തം ഉപ്പജ്ജിത്ഥ.

യസ്സ ചിത്തം ന ഉപ്പജ്ജിത്ഥ, തസ്സ ചിത്തം ന ഉപ്പജ്ജിസ്സതി. യസ്സ വാ പന ചിത്തം ന ഉപ്പജ്ജിസ്സതി, തസ്സ ചിത്തം ന ഉപ്പജ്ജിത്ഥ.

൫. നിരോധവാരോ

യസ്സ ചിത്തം നിരുജ്ഝതി, തസ്സ ചിത്തം നിരുജ്ഝിത്ഥ. യസ്സ വാ പന ചിത്തം നിരുജ്ഝിത്ഥ, തസ്സ ചിത്തം നിരുജ്ഝതി.

യസ്സ ചിത്തം ന നിരുജ്ഝതി, തസ്സ ചിത്തം ന നിരുജ്ഝിത്ഥ. യസ്സ വാ പന ചിത്തം ന നിരുജ്ഝിത്ഥ, തസ്സ ചിത്തം ന നിരുജ്ഝതി.

യസ്സ ചിത്തം നിരുജ്ഝതി, തസ്സ ചിത്തം നിരുജ്ഝിസ്സതി. യസ്സ വാ പന ചിത്തം നിരുജ്ഝിസ്സതി, തസ്സ ചിത്തം നിരുജ്ഝതി.

യസ്സ ചിത്തം ന നിരുജ്ഝതി, തസ്സ ചിത്തം ന നിരുജ്ഝിസ്സതി. യസ്സ വാ പന ചിത്തം ന നിരുജ്ഝിസ്സതി, തസ്സ ചിത്തം ന നിരുജ്ഝതി.

യസ്സ ചിത്തം നിരുജ്ഝിത്ഥ, തസ്സ ചിത്തം നിരുജ്ഝിസ്സതി. യസ്സ വാ പന ചിത്തം നിരുജ്ഝിസ്സതി, തസ്സ ചിത്തം നിരുജ്ഝിത്ഥ.

യസ്സ ചിത്തം ന നിരുജ്ഝിത്ഥ, തസ്സ ചിത്തം ന നിരുജ്ഝിസ്സതി. യസ്സ വാ പന ചിത്തം ന നിരുജ്ഝിസ്സതി, തസ്സ ചിത്തം ന നിരുജ്ഝിത്ഥ.

൬. ഉപ്പാദനിരോധവാരോ

യസ്സ ചിത്തം ഉപ്പജ്ജതി, തസ്സ ചിത്തം നിരുജ്ഝിത്ഥ. യസ്സ വാ പന ചിത്തം നിരുജ്ഝിത്ഥ, തസ്സ ചിത്തം ഉപ്പജ്ജതി.

യസ്സ ചിത്തം ന ഉപ്പജ്ജതി, തസ്സ ചിത്തം ന നിരുജ്ഝിത്ഥ. യസ്സ വാ പന ചിത്തം ന നിരുജ്ഝിത്ഥ, തസ്സ ചിത്തം ന ഉപ്പജ്ജതി.

യസ്സ ചിത്തം ഉപ്പജ്ജതി, തസ്സ ചിത്തം നിരുജ്ഝിസ്സതി. യസ്സ വാ പന ചിത്തം നിരുജ്ഝിസ്സതി, തസ്സ ചിത്തം ഉപ്പജ്ജതി.

യസ്സ ചിത്തം ന ഉപ്പജ്ജതി, തസ്സ ചിത്തം ന നിരുജ്ഝിസ്സതി. യസ്സ വാ പന ചിത്തം ന നിരുജ്ഝിസ്സതി, തസ്സ ചിത്തം ന ഉപ്പജ്ജതി.

യസ്സ ചിത്തം ഉപ്പജ്ജിത്ഥ, തസ്സ ചിത്തം നിരുജ്ഝിസ്സതി. യസ്സ വാ പന ചിത്തം നിരുജ്ഝിസ്സതി, തസ്സ ചിത്തം ഉപ്പജ്ജിത്ഥ.

യസ്സ ചിത്തം ന ഉപ്പജ്ജിത്ഥ, തസ്സ ചിത്തം ന നിരുജ്ഝിസ്സതി. യസ്സ വാ പന ചിത്തം ന നിരുജ്ഝിസ്സതി, തസ്സ ചിത്തം ന ഉപ്പജ്ജിത്ഥ.

൭. ഉപ്പജ്ജമാനനനിരോധവാരോ

യസ്സ ചിത്തം ഉപ്പജ്ജതി, തസ്സ ചിത്തം ന നിരുജ്ഝതി. യസ്സ വാ പന ചിത്തം ന നിരുജ്ഝതി, തസ്സ ചിത്തം ഉപ്പജ്ജതി.

യസ്സ ചിത്തം ന ഉപ്പജ്ജതി, തസ്സ ചിത്തം നിരുജ്ഝതി. യസ്സ വാ പന ചിത്തം നിരുജ്ഝതി, തസ്സ ചിത്തം ന ഉപ്പജ്ജതി.

൮. ഉപ്പജ്ജമാനുപ്പന്നവാരോ

യസ്സ ചിത്തം ഉപ്പജ്ജമാനം, തസ്സ ചിത്തം ഉപ്പന്നം. യസ്സ വാ പന ചിത്തം ഉപ്പന്നം, തസ്സ ചിത്തം ഉപ്പജ്ജമാനം.

യസ്സ ചിത്തം ന ഉപ്പജ്ജമാനം, തസ്സ ചിത്തം ന ഉപ്പന്നം. യസ്സ വാ പന ചിത്തം ന ഉപ്പന്നം, തസ്സ ചിത്തം ന ഉപ്പജ്ജമാനം.

൯. നിരുജ്ഝമാനുപ്പന്നവാരോ

യസ്സ ചിത്തം നിരുജ്ഝമാനം, തസ്സ ചിത്തം ഉപ്പന്നം. യസ്സ വാ പന ചിത്തം ഉപ്പന്നം, തസ്സ ചിത്തം നിരുജ്ഝമാനം.

യസ്സ ചിത്തം ന നിരുജ്ഝമാനം, തസ്സ ചിത്തം ന ഉപ്പന്നം. യസ്സ വാ പന ചിത്തം ന ഉപ്പന്നം, തസ്സ ചിത്തം ന നിരുജ്ഝമാനം.

൧൦. ഉപ്പന്നുപ്പാദവാരോ

യസ്സ ചിത്തം ഉപ്പന്നം, തസ്സ ചിത്തം ഉപ്പജ്ജിത്ഥ. യസ്സ വാ പന ചിത്തം ഉപ്പജ്ജിത്ഥ, തസ്സ ചിത്തം ഉപ്പന്നം.

യസ്സ ചിത്തം ന ഉപ്പന്നം, തസ്സ ചിത്തം ന ഉപ്പജ്ജിത്ഥ. യസ്സ വാ പന ചിത്തം ന ഉപ്പജ്ജിത്ഥ, തസ്സ ചിത്തം ന ഉപ്പന്നം.

യസ്സ ചിത്തം ഉപ്പന്നം, തസ്സ ചിത്തം ഉപ്പജ്ജിസ്സതി. യസ്സ വാ പന ചിത്തം ഉപ്പജ്ജിസ്സതി, തസ്സ ചിത്തം ഉപ്പന്നം.

യസ്സ ചിത്തം ന ഉപ്പന്നം, തസ്സ ചിത്തം ന ഉപ്പജ്ജിസ്സതി. യസ്സ വാ പന ചിത്തം ന ഉപ്പജ്ജിസ്സതി, തസ്സ ചിത്തം ന ഉപ്പന്നം.

൧൧. അതീതാനാഗതവാരോ

യസ്സ ചിത്തം ഉപ്പജ്ജിത്ഥ, നോ ച തസ്സ ചിത്തം ഉപ്പന്നം, തസ്സ ചിത്തം ഉപ്പജ്ജിസ്സതി. യസ്സ വാ പന ചിത്തം ഉപ്പജ്ജിസ്സതി, നോ ച തസ്സ ചിത്തം ഉപ്പന്നം, തസ്സ ചിത്തം ഉപ്പജ്ജിത്ഥ.

യസ്സ ചിത്തം ന ഉപ്പജ്ജിത്ഥ, നോ ച തസ്സ ചിത്തം ന ഉപ്പന്നം, തസ്സ ചിത്തം ന ഉപ്പജ്ജിസ്സതി. യസ്സ വാ പന ചിത്തം ന ഉപ്പജ്ജിസ്സതി, നോ ച തസ്സ ചിത്തം ന ഉപ്പന്നം, തസ്സ ചിത്തം ന ഉപ്പജ്ജിത്ഥ.

൧൨. ഉപ്പന്നുപ്പജ്ജമാനവാരോ

ഉപ്പന്നം ഉപ്പജ്ജമാനം, ഉപ്പജ്ജമാനം ഉപ്പന്നം.

ന ഉപ്പന്നം ന ഉപ്പജ്ജമാനം, ന ഉപ്പജ്ജമാനം ന ഉപ്പന്നം.

൧൩. നിരുദ്ധനിരുജ്ഝമാനവാരോ

നിരുദ്ധം നിരുജ്ഝമാനം, നിരുജ്ഝമാനം നിരുദ്ധം.

ന നിരുദ്ധം ന നിരുജ്ഝമാനം, ന നിരുജ്ഝമാനം ന നിരുദ്ധം.

൧൪. അതിക്കന്തകാലവാരോ

യസ്സ ചിത്തം ഉപ്പജ്ജമാനം ഖണം ഖണം വീതിക്കന്തം അതിക്കന്തകാലം, നിരുജ്ഝമാനം ഖണം ഖണം വീതിക്കന്തം അതിക്കന്തകാലം തസ്സ ചിത്തം. യസ്സ വാ പന ചിത്തം നിരുജ്ഝമാനം ഖണം ഖണം വീതിക്കന്തം അതിക്കന്തകാലം, ഉപ്പജ്ജമാനം ഖണം ഖണം വീതിക്കന്തം അതിക്കന്തകാലം തസ്സ ചിത്തം.

യസ്സ ചിത്തം ന ഉപ്പജ്ജമാനം ഖണം ഖണം വീതിക്കന്തം അതിക്കന്തകാലം, ന നിരുജ്ഝമാനം ഖണം ഖണം വീതിക്കന്തം അതിക്കന്തകാലം തസ്സ ചിത്തം. യസ്സ വാ പന ചിത്തം ന നിരുജ്ഝമാനം ഖണം ഖണം വീതിക്കന്തം അതിക്കന്തകാലം, ന ഉപ്പജ്ജമാനം ഖണം ഖണം വീതിക്കന്തം അതിക്കന്തകാലം തസ്സ ചിത്തം.