൨. അതീതവാരോ

(ക) അനുലോമം

൪൪൩. (ക) യോ ചക്ഖുന്ദ്രിയം പരിജാനിത്ഥ സോ ദോമനസ്സിന്ദ്രിയം പജഹിത്ഥാതി? ആമന്താ.

(ഖ) യോ വാ പന ദോമനസ്സിന്ദ്രിയം പജഹിത്ഥ സോ ചക്ഖുന്ദ്രിയം പരിജാനിത്ഥാതി?

ദ്വേ പുഗ്ഗലാ ദോമനസ്സിന്ദ്രിയം പജഹിത്ഥ, നോ ച ചക്ഖുന്ദ്രിയം പരിജാനിത്ഥ. അരഹാ ദോമനസ്സിന്ദ്രിയഞ്ച പജഹിത്ഥ ചക്ഖുന്ദ്രിയഞ്ച പരിജാനിത്ഥ.

(ക) യോ ചക്ഖുന്ദ്രിയം പരിജാനിത്ഥ സോ അനഞ്ഞാതഞ്ഞസ്സാമീതിന്ദ്രിയം ഭാവിത്ഥാതി? ആമന്താ.

(ഖ) യോ വാ പന അനഞ്ഞാതഞ്ഞസ്സാമീതിന്ദ്രിയം ഭാവിത്ഥ സോ ചക്ഖുന്ദ്രിയം പരിജാനിത്ഥാതി?

ഛ പുഗ്ഗലാ അനഞ്ഞാതഞ്ഞസ്സാമീതിന്ദ്രിയം ഭാവിത്ഥ, നോ ച ചക്ഖുന്ദ്രിയം പരിജാനിത്ഥ. അരഹാ അനഞ്ഞാതഞ്ഞസ്സാമീതിന്ദ്രിയഞ്ച ഭാവിത്ഥ ചക്ഖുന്ദ്രിയഞ്ച പരിജാനിത്ഥ.

(ക) യോ ചക്ഖുന്ദ്രിയം പരിജാനിത്ഥ സോ അഞ്ഞിന്ദ്രിയം ഭാവിത്ഥാതി? ആമന്താ.

(ഖ) യോ വാ പന അഞ്ഞിന്ദ്രിയം ഭാവിത്ഥ സോ ചക്ഖുന്ദ്രിയം പരിജാനിത്ഥാതി? ആമന്താ.

(ക) യോ ചക്ഖുന്ദ്രിയം പരിജാനിത്ഥ സോ അഞ്ഞാതാവിന്ദ്രിയം സച്ഛികരിത്ഥാതി?

യോ അഗ്ഗഫലം സച്ഛികരോതി സോ ചക്ഖുന്ദ്രിയം പരിജാനിത്ഥ, നോ ച അഞ്ഞാതാവിന്ദ്രിയം സച്ഛികരിത്ഥ. യോ അഗ്ഗഫലം സച്ഛാകാസി സോ ചക്ഖുന്ദ്രിയഞ്ച പരിജാനിത്ഥ അഞ്ഞാതാവിന്ദ്രിയഞ്ച സച്ഛികരിത്ഥ.

(ഖ) യോ വാ പന അഞ്ഞാതാവിന്ദ്രിയം സച്ഛികരിത്ഥ സോ ചക്ഖുന്ദ്രിയം പരിജാനിത്ഥാതി? ആമന്താ. (ചക്ഖുന്ദ്രിയമൂലകം)

൪൪൪. (ക) യോ ദോമനസ്സിന്ദ്രിയം പജഹിത്ഥ സോ അനഞ്ഞാതഞ്ഞസ്സാമീതിന്ദ്രിയം ഭാവിത്ഥാതി? ആമന്താ.

(ഖ) യോ വാ പന അനഞ്ഞാതഞ്ഞസ്സാമീതിന്ദ്രിയം ഭാവിത്ഥ സോ ദോമനസ്സിന്ദ്രിയം പജഹിത്ഥാതി?

ചത്താരോ പുഗ്ഗലാ അനഞ്ഞാതഞ്ഞസ്സാമീതിന്ദ്രിയം ഭാവിത്ഥ, നോ ച ദോമനസ്സിന്ദ്രിയം പജഹിത്ഥ. തയോ പുഗ്ഗലാ അനഞ്ഞാതഞ്ഞസ്സാമീതിന്ദ്രിയഞ്ച ഭാവിത്ഥ ദോമനസ്സിന്ദ്രിയഞ്ച പജഹിത്ഥ.

(ക) യോ ദോമനസ്സിന്ദ്രിയം പജഹിത്ഥ സോ അഞ്ഞിന്ദ്രിയം ഭാവിത്ഥാതി?

ദ്വേ പുഗ്ഗലാ ദോമനസ്സിന്ദ്രിയം പജഹിത്ഥ, നോ ച അഞ്ഞിന്ദ്രിയം ഭാവിത്ഥ. അരഹാ ദോമനസ്സിന്ദ്രിയഞ്ച പജഹിത്ഥ അഞ്ഞിന്ദ്രിയഞ്ച ഭാവിത്ഥ.

(ഖ) യോ വാ പന അഞ്ഞിന്ദ്രിയം ഭാവിത്ഥ സോ ദോമനസ്സിന്ദ്രിയം പജഹിത്ഥാതി? ആമന്താ.

(ക) യോ ദോമനസ്സിന്ദ്രിയം പജഹിത്ഥ സോ അഞ്ഞാതാവിന്ദ്രിയം സച്ഛികരിത്ഥാതി?

തയോ പുഗ്ഗലാ ദോമനസ്സിന്ദ്രിയം പജഹിത്ഥ, നോ ച അഞ്ഞാതാവിന്ദ്രിയം സച്ഛികരിത്ഥ. അരഹാ ദോമനസ്സിന്ദ്രിയഞ്ച പജഹിത്ഥ അഞ്ഞാതാവിന്ദ്രിയഞ്ച സച്ഛികരിത്ഥ.

(ഖ) യോ വാ പന അഞ്ഞാതാവിന്ദ്രിയം സച്ഛികരിത്ഥ സോ ദോമനസ്സിന്ദ്രിയം പജഹിത്ഥാതി? ആമന്താ. (ദോമനസ്സിന്ദ്രിയമൂലകം)

൪൪൫. (ക) യോ അനഞ്ഞാതഞ്ഞസ്സാമീതിന്ദ്രിയം ഭാവിത്ഥ സോ അഞ്ഞിന്ദ്രിയം ഭാവിത്ഥാതി?

ഛ പുഗ്ഗലാ അനഞ്ഞാതഞ്ഞസ്സാമീതിന്ദ്രിയം ഭാവിത്ഥ, നോ ച അഞ്ഞിന്ദ്രിയം ഭാവിത്ഥ. അരഹാ അനഞ്ഞാതഞ്ഞസ്സാമീതിന്ദ്രിയഞ്ച ഭാവിത്ഥ അഞ്ഞിന്ദ്രിയഞ്ച ഭാവിത്ഥ.

(ഖ) യോ വാ പന അഞ്ഞിന്ദ്രിയം ഭാവിത്ഥ സോ അനഞ്ഞാതഞ്ഞസ്സാമീതിന്ദ്രിയം ഭാവിത്ഥാതി? ആമന്താ.

(ക) യോ അനഞ്ഞാതഞ്ഞസ്സാമീതിന്ദ്രിയം ഭാവിത്ഥ സോ അഞ്ഞാതാവിന്ദ്രിയം സച്ഛികരിത്ഥാതി?

സത്ത പുഗ്ഗലാ അനഞ്ഞാതഞ്ഞസ്സാമീതിന്ദ്രിയം ഭാവിത്ഥ, നോ ച അഞ്ഞാതാവിന്ദ്രിയം സച്ഛികരിത്ഥ. അരഹാ അനഞ്ഞാതഞ്ഞസ്സാമീതിന്ദ്രിയഞ്ച ഭാവിത്ഥ അഞ്ഞാതാവിന്ദ്രിയഞ്ച സച്ഛികരിത്ഥ.

(ഖ) യോ വാ പന അഞ്ഞാതാവിന്ദ്രിയം സച്ഛികരിത്ഥ സോ അനഞ്ഞാതഞ്ഞസ്സാമീതിന്ദ്രിയം ഭാവിത്ഥാതി? ആമന്താ. (അനഞ്ഞാതഞ്ഞസ്സാമീതിന്ദ്രിയമൂലകം)

൪൪൬. (ക) യോ അഞ്ഞിന്ദ്രിയം ഭാവിത്ഥ സോ അഞ്ഞാതാവിന്ദ്രിയം സച്ഛികരിത്ഥാതി?

യോ അഗ്ഗഫലം സച്ഛികരോതി സോ അഞ്ഞിന്ദ്രിയം ഭാവിത്ഥ, നോ ച അഞ്ഞാതാവിന്ദ്രിയം സച്ഛികരിത്ഥ. യോ അഗ്ഗഫലം സച്ഛാകാസി സോ അഞ്ഞിന്ദ്രിയഞ്ച ഭാവിത്ഥ അഞ്ഞാതാവിന്ദ്രിയഞ്ച സച്ഛികരിത്ഥ.

(ഖ) യോ വാ പന അഞ്ഞാതാവിന്ദ്രിയം സച്ഛികരിത്ഥ സോ അഞ്ഞിന്ദ്രിയം ഭാവിത്ഥാതി? ആമന്താ. (അഞ്ഞിന്ദ്രിയമൂലകം)

(ഖ) പച്ചനീകം

൪൪൭. (ക) യോ ചക്ഖുന്ദ്രിയം ന പരിജാനിത്ഥ സോ ദോമനസ്സിന്ദ്രിയം നപ്പജഹിത്ഥാതി?

ദ്വേ പുഗ്ഗലാ ചക്ഖുന്ദ്രിയം ന പരിജാനിത്ഥ, നോ ച ദോമനസ്സിന്ദ്രിയം നപ്പജഹിത്ഥ. ഛ പുഗ്ഗലാ ചക്ഖുന്ദ്രിയഞ്ച ന പരിജാനിത്ഥ ദോമനസ്സിന്ദ്രിയഞ്ച നപ്പജഹിത്ഥ.

(ഖ) യോ വാ പന ദോമനസ്സിന്ദ്രിയം നപ്പജഹിത്ഥ സോ ചക്ഖുന്ദ്രിയം ന പരിജാനിത്ഥാതി? ആമന്താ.

(ക) യോ ചക്ഖുന്ദ്രിയം ന പരിജാനിത്ഥ സോ അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥാതി?

ഛ പുഗ്ഗലാ ചക്ഖുന്ദ്രിയം ന പരിജാനിത്ഥ, നോ ച അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥ. ദ്വേ പുഗ്ഗലാ ചക്ഖുന്ദ്രിയഞ്ച ന പരിജാനിത്ഥ അനഞ്ഞാതഞ്ഞസ്സാമീതിന്ദ്രിയഞ്ച ന ഭാവിത്ഥ.

(ഖ) യോ വാ പന അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥ സോ ചക്ഖുന്ദ്രിയം ന പരിജാനിത്ഥാതി? ആമന്താ.

(ക) യോ ചക്ഖുന്ദ്രിയം ന പരിജാനിത്ഥ സോ അഞ്ഞിന്ദ്രിയം ന ഭാവിത്ഥാതി? ആമന്താ.

(ഖ) യോ വാ പന അഞ്ഞിന്ദ്രിയം ന ഭാവിത്ഥ സോ ചക്ഖുന്ദ്രിയം ന പരിജാനിത്ഥാതി? ആമന്താ.

(ക) യോ ചക്ഖുന്ദ്രിയം ന പരിജാനിത്ഥ സോ അഞ്ഞാതാവിന്ദ്രിയം ന സച്ഛികരിത്ഥാതി? ആമന്താ.

(ഖ) യോ വാ പന അഞ്ഞാതാവിന്ദ്രിയം ന സച്ഛികരിത്ഥ സോ ചക്ഖുന്ദ്രിയം ന പരിജാനിത്ഥാതി?

യോ അഗ്ഗഫലം സച്ഛികരോതി സോ അഞ്ഞാതാവിന്ദ്രിയം ന സച്ഛികരിത്ഥ, നോ ച ചക്ഖുന്ദ്രിയം ന പരിജാനിത്ഥ. അട്ഠ പുഗ്ഗലാ അഞ്ഞാതാവിന്ദ്രിയഞ്ച ന സച്ഛികരിത്ഥ ചക്ഖുന്ദ്രിയഞ്ച ന പരിജാനിത്ഥ. (ചക്ഖുന്ദ്രിയമൂലകം)

൪൪൮. (ക) യോ ദോമനസ്സിന്ദ്രിയം നപ്പജഹിത്ഥ സോ അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥാതി?

ചത്താരോ പുഗ്ഗലാ ദോമനസ്സിന്ദ്രിയം നപ്പജഹിത്ഥ, നോ ച അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥ. ദ്വേ പുഗ്ഗലാ ദോമനസ്സിന്ദ്രിയഞ്ച നപ്പജഹിത്ഥ അനഞ്ഞാതഞ്ഞസ്സാമീതിന്ദ്രിയഞ്ച ന ഭാവിത്ഥ.

(ഖ) യോ വാ പന അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥ സോ ദോമനസ്സിന്ദ്രിയം നപ്പജഹിത്ഥാതി? ആമന്താ.

(ക) യോ ദോമനസ്സിന്ദ്രിയം നപ്പജഹിത്ഥ സോ അഞ്ഞിന്ദ്രിയം ന ഭാവിത്ഥാതി? ആമന്താ.

(ഖ) യോ വാ പന അഞ്ഞിന്ദ്രിയം ന ഭാവിത്ഥ സോ ദോമനസ്സിന്ദ്രിയം നപ്പജഹിത്ഥാതി?

ദ്വേ പുഗ്ഗലാ അഞ്ഞിന്ദ്രിയം ന ഭാവിത്ഥ, നോ ച ദോമനസ്സിന്ദ്രിയം നപ്പജഹിത്ഥ. ഛ പുഗ്ഗലാ അഞ്ഞിന്ദ്രിയഞ്ച ന ഭാവിത്ഥ ദോമനസ്സിന്ദ്രിയഞ്ച നപ്പജഹിത്ഥ.

(ക) യോ ദോമനസ്സിന്ദ്രിയം നപ്പജഹിത്ഥ സോ അഞ്ഞാതാവിന്ദ്രിയം ന സച്ഛികരിത്ഥാതി? ആമന്താ.

(ഖ) യോ വാ പന അഞ്ഞാതാവിന്ദ്രിയം ന സച്ഛികരിത്ഥ സോ ദോമനസ്സിന്ദ്രിയം നപ്പജഹിത്ഥാതി?

തയോ പുഗ്ഗലാ അഞ്ഞാതാവിന്ദ്രിയം ന സച്ഛികരിത്ഥ, നോ ച ദോമനസ്സിന്ദ്രിയം നപ്പജഹിത്ഥ. ഛ പുഗ്ഗലാ അഞ്ഞാതാവിന്ദ്രിയഞ്ച ന സച്ഛികരിത്ഥ ദോമനസ്സിന്ദ്രിയഞ്ച നപ്പജഹിത്ഥ. (ദോമനസ്സിന്ദ്രിയമൂലകം)

൪൪൯. (ക) യോ അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥ സോ അഞ്ഞിന്ദ്രിയം ന ഭാവിത്ഥാതി? ആമന്താ.

(ഖ) യോ വാ പന അഞ്ഞിന്ദ്രിയം ന ഭാവിത്ഥ സോ അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥാതി?

ഛ പുഗ്ഗലാ അഞ്ഞിന്ദ്രിയം ന ഭാവിത്ഥ, നോ ച അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥ. ദ്വേ പുഗ്ഗലാ അഞ്ഞിന്ദ്രിയഞ്ച ന ഭാവിത്ഥ അനഞ്ഞാതഞ്ഞസ്സാമീതിന്ദ്രിയഞ്ച ന ഭാവിത്ഥ.

(ക) യോ അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥ സോ അഞ്ഞാതാവിന്ദ്രിയം ന സച്ഛികരിത്ഥാതി? ആമന്താ.

(ഖ) യോ വാ പന അഞ്ഞാതാവിന്ദ്രിയം ന സച്ഛികരിത്ഥ സോ അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥാതി?

സത്ത പുഗ്ഗലാ അഞ്ഞാതാവിന്ദ്രിയം ന സച്ഛികരിത്ഥ, നോ ച അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥ. ദ്വേ പുഗ്ഗലാ അഞ്ഞാതാവിന്ദ്രിയഞ്ച ന സച്ഛികരിത്ഥ അനഞ്ഞാതഞ്ഞസ്സാമീതിന്ദ്രിയഞ്ച ന ഭാവിത്ഥ. (അനഞ്ഞാതഞ്ഞസ്സാമീതിന്ദ്രിയമൂലകം)

൪൫൦. (ക) യോ അഞ്ഞിന്ദ്രിയം ന ഭാവിത്ഥ സോ അഞ്ഞാതാവിന്ദ്രിയം ന സച്ഛികരിത്ഥാതി? ആമന്താ.

(ഖ) യോ വാ പന അഞ്ഞാതാവിന്ദ്രിയം ന സച്ഛികരിത്ഥ സോ അഞ്ഞിന്ദ്രിയം ന ഭാവിത്ഥാതി?

യോ അഗ്ഗഫലം സച്ഛികരോതി സോ അഞ്ഞാതാവിന്ദ്രിയം ന സച്ഛികരിത്ഥ, നോ ച അഞ്ഞിന്ദ്രിയം ന ഭാവിത്ഥ. അട്ഠ പുഗ്ഗലാ അഞ്ഞാതാവിന്ദ്രിയഞ്ച ന സച്ഛികരിത്ഥ അഞ്ഞിന്ദ്രിയഞ്ച ന ഭാവിത്ഥ. (അഞ്ഞിന്ദ്രിയമൂലകം)