(൧) പച്ചുപ്പന്നവാരോ

(ക) അനുലോമപുഗ്ഗലോ

൧൬൩. (ക) യസ്സ കുസലാ ധമ്മാ ഉപ്പജ്ജന്തി തസ്സ അകുസലാ ധമ്മാ നിരുജ്ഝന്തീതി? നോ.

(ഖ) യസ്സ വാ പന അകുസലാ ധമ്മാ നിരുജ്ഝന്തി തസ്സ കുസലാ ധമ്മാ ഉപ്പജ്ജന്തീതി? നോ.

(ക) യസ്സ കുസലാ ധമ്മാ ഉപ്പജ്ജന്തി തസ്സ അബ്യാകതാ ധമ്മാ നിരുജ്ഝന്തീതി? നോ.

(ഖ) യസ്സ വാ പന അബ്യാകതാ ധമ്മാ നിരുജ്ഝന്തി തസ്സ കുസലാ ധമ്മാ ഉപ്പജ്ജന്തീതി? നോ.

൧൬൪. (ക) യസ്സ അകുസലാ ധമ്മാ ഉപ്പജ്ജന്തി തസ്സ അബ്യാകതാ ധമ്മാ നിരുജ്ഝന്തീതി? നോ.

(ഖ) യസ്സ വാ പന അബ്യാകതാ ധമ്മാ നിരുജ്ഝന്തി തസ്സ അകുസലാ ധമ്മാ ഉപ്പജ്ജന്തീതി? നോ.

(ഖ) അനുലോമഓകാസോ

൧൬൫. (ക) യത്ഥ കുസലാ ധമ്മാ ഉപ്പജ്ജന്തി തത്ഥ അകുസലാ ധമ്മാ നിരുജ്ഝന്തീതി? ആമന്താ.

(ഖ) യത്ഥ വാ പന അകുസലാ ധമ്മാ നിരുജ്ഝന്തി തത്ഥ കുസലാ ധമ്മാ ഉപ്പജ്ജന്തീതി? ആമന്താ.

(ക) യത്ഥ കുസലാ ധമ്മാ ഉപ്പജ്ജന്തി തത്ഥ അബ്യാകതാ ധമ്മാ നിരുജ്ഝന്തീതി? ആമന്താ.

(ഖ) യത്ഥ വാ പന അബ്യാകതാ ധമ്മാ നിരുജ്ഝന്തി തത്ഥ കുസലാ ധമ്മാ ഉപ്പജ്ജന്തീതി?

അസഞ്ഞസത്തേ തത്ഥ അബ്യാകതാ ധമ്മാ നിരുജ്ഝന്തി, നോ ച തത്ഥ കുസലാ ധമ്മാ ഉപ്പജ്ജന്തി. ചതുവോകാരേ പഞ്ചവോകാരേ തത്ഥ അബ്യാകതാ ച ധമ്മാ നിരുജ്ഝന്തി കുസലാ ച ധമ്മാ ഉപ്പജ്ജന്തി.

൧൬൬. (ക) യത്ഥ അകുസലാ ധമ്മാ ഉപ്പജ്ജന്തി തത്ഥ അബ്യാകതാ ധമ്മാ നിരുജ്ഝന്തീതി? ആമന്താ.

(ഖ) യത്ഥ വാ പന അബ്യാകതാ ധമ്മാ നിരുജ്ഝന്തി തത്ഥ അകുസലാ ധമ്മാ ഉപ്പജ്ജന്തീതി?

അസഞ്ഞസത്തേ തത്ഥ അബ്യാകതാ ധമ്മാ നിരുജ്ഝന്തി, നോ ച തത്ഥ അകുസലാ ധമ്മാ ഉപ്പജ്ജന്തി. ചതുവോകാരേ പഞ്ചവോകാരേ തത്ഥ അബ്യാകതാ ച ധമ്മാ നിരുജ്ഝന്തി അകുസലാ ച ധമ്മാ ഉപ്പജ്ജന്തി.

(ഗ) അനുലോമപുഗ്ഗലോകാസാ

൧൬൭. (ക) യസ്സ യത്ഥ കുസലാ ധമ്മാ ഉപ്പജ്ജന്തി തസ്സ തത്ഥ അകുസലാ ധമ്മാ നിരുജ്ഝന്തീതി? നോ.

(ഖ) യസ്സ വാ പന യത്ഥ അകുസലാ ധമ്മാ നിരുജ്ഝന്തി തസ്സ തത്ഥ കുസലാ ധമ്മാ ഉപ്പജ്ജന്തീതി? നോ.

(ക) യസ്സ യത്ഥ കുസലാ ധമ്മാ ഉപ്പജ്ജന്തി തസ്സ തത്ഥ അബ്യാകതാ ധമ്മാ നിരുജ്ഝന്തീതി? നോ.

(ഖ) യസ്സ വാ പന യത്ഥ അബ്യാകതാ ധമ്മാ നിരുജ്ഝന്തി തസ്സ തത്ഥ കുസലാ ധമ്മാ ഉപ്പജ്ജന്തീതി? നോ.

൧൬൮. (ക) യസ്സ യത്ഥ അകുസലാ ധമ്മാ ഉപ്പജ്ജന്തി തസ്സ തത്ഥ അബ്യാകതാ ധമ്മാ നിരുജ്ഝന്തീതി? നോ.

(ഖ) യസ്സ വാ പന യത്ഥ അബ്യാകതാ ധമ്മാ നിരുജ്ഝന്തി തസ്സ തത്ഥ അകുസലാ ധമ്മാ ഉപ്പജ്ജന്തീതി? നോ.

(ഘ) പച്ചനീകപുഗ്ഗലോ

൧൬൯. (ക) യസ്സ കുസലാ ധമ്മാ ന ഉപ്പജ്ജന്തി തസ്സ അകുസലാ ധമ്മാ ന നിരുജ്ഝന്തീതി?

അകുസലാനം ഭങ്ഗക്ഖണേ തേസം കുസലാ ധമ്മാ ന ഉപ്പജ്ജന്തി, നോ ച തേസം അകുസലാ ധമ്മാ ന നിരുജ്ഝന്തി. കുസലവിപ്പയുത്തചിത്തസ്സ ഉപ്പാദക്ഖണേ അകുസലവിപ്പയുത്തചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം കുസലാ ച ധമ്മാ ന ഉപ്പജ്ജന്തി അകുസലാ ച ധമ്മാ ന നിരുജ്ഝന്തി.

(ഖ) യസ്സ വാ പന അകുസലാ ധമ്മാ ന നിരുജ്ഝന്തി തസ്സ കുസലാ ധമ്മാ ന ഉപ്പജ്ജന്തീതി?

കുസലാനം ഉപ്പാദക്ഖണേ തേസം അകുസലാ ധമ്മാ ന നിരുജ്ഝന്തി, നോ ച തേസം കുസലാ ധമ്മാ ന ഉപ്പജ്ജന്തി. അകുസലവിപ്പയുത്തചിത്തസ്സ ഭങ്ഗക്ഖണേ കുസലവിപ്പയുത്തചിത്തസ്സ ഉപ്പാദക്ഖണേ നിരോധസമാപന്നാനം അസഞ്ഞസത്താനം തേസം അകുസലാ ച ധമ്മാ ന നിരുജ്ഝന്തി കുസലാ ച ധമ്മാ ന ഉപ്പജ്ജന്തി.

(ക) യസ്സ കുസലാ ധമ്മാ ന ഉപ്പജ്ജന്തി തസ്സ അബ്യാകതാ ധമ്മാ ന നിരുജ്ഝന്തീതി?

സബ്ബേസം ചവന്താനം പവത്തേ ചിത്തസ്സ ഭങ്ഗക്ഖണേ തേസം കുസലാ ധമ്മാ ന ഉപ്പജ്ജന്തി, നോ ച തേസം അബ്യാകതാ ധമ്മാ ന നിരുജ്ഝന്തി. സബ്ബേസം ഉപപജ്ജന്താനം പവത്തേ കുസലവിപ്പയുത്തചിത്തസ്സ ഉപ്പാദക്ഖണേ അരൂപേ കുസലാകുസലാനം ഭങ്ഗക്ഖണേ തേസം കുസലാ ച ധമ്മാ ന ഉപ്പജ്ജന്തി അബ്യാകതാ ച ധമ്മാ ന നിരുജ്ഝന്തി.

(ഖ) യസ്സ വാ പന അബ്യാകതാ ധമ്മാ ന നിരുജ്ഝന്തി തസ്സ കുസലാ ധമ്മാ ന ഉപ്പജ്ജന്തീതി?

കുസലാനം ഉപ്പാദക്ഖണേ തേസം അബ്യാകതാ ധമ്മാ ന നിരുജ്ഝന്തി, നോ ച തേസം കുസലാ ധമ്മാ ന ഉപ്പജ്ജന്തി. സബ്ബേസം ഉപപജ്ജന്താനം പവത്തേ കുസലവിപ്പയുത്തചിത്തസ്സ ഉപ്പാദക്ഖണേ അരൂപേ കുസലാകുസലാനം ഭങ്ഗക്ഖണേ തേസം അബ്യാകതാ ച ധമ്മാ ന നിരുജ്ഝന്തി കുസലാ ച ധമ്മാ ന ഉപ്പജ്ജന്തി.

൧൭൦. (ക) യസ്സ അകുസലാ ധമ്മാ ന ഉപ്പജ്ജന്തി തസ്സ അബ്യാകതാ ധമ്മാ ന നിരുജ്ഝന്തീതി?

സബ്ബേസം ചവന്താനം പവത്തേ ചിത്തസ്സ ഭങ്ഗക്ഖണേ തേസം അകുസലാ ധമ്മാ ന ഉപ്പജ്ജന്തി, നോ ച തേസം അബ്യാകതാ ധമ്മാ ന നിരുജ്ഝന്തി. സബ്ബേസം ഉപപജ്ജന്താനം പവത്തേ അകുസലവിപ്പയുത്തചിത്തസ്സ ഉപ്പാദക്ഖണേ അരൂപേ കുസലാകുസലാനം ഭങ്ഗക്ഖണേ തേസം അകുസലാ ച ധമ്മാ ന ഉപ്പജ്ജന്തി അബ്യാകതാ ച ധമ്മാ ന നിരുജ്ഝന്തി.

(ഖ) യസ്സ വാ പന അബ്യാകതാ ധമ്മാ ന നിരുജ്ഝന്തി തസ്സ അകുസലാ ധമ്മാ ന ഉപ്പജ്ജന്തീതി?

അകുസലാനം ഉപ്പാദക്ഖണേ തേസം അബ്യാകതാ ധമ്മാ ന നിരുജ്ഝന്തി, നോ ച തേസം അകുസലാ ധമ്മാ ന ഉപ്പജ്ജന്തി. സബ്ബേസം ഉപപജ്ജന്താനം പവത്തേ അകുസലവിപ്പയുത്തചിത്തസ്സ ഉപ്പാദക്ഖണേ അരൂപേ കുസലാകുസലാനം ഭങ്ഗക്ഖണേ തേസം അബ്യാകതാ ച ധമ്മാ ന നിരുജ്ഝന്തി അകുസലാ ച ധമ്മാ ന ഉപ്പജ്ജന്തി.

(ങ) പച്ചനീകഓകാസോ

൧൭൧. (ക) യത്ഥ കുസലാ ധമ്മാ ന ഉപ്പജ്ജന്തി തത്ഥ അകുസലാ ധമ്മാ ന നിരുജ്ഝന്തീതി? ആമന്താ.

(ഖ) യത്ഥ വാ പന അകുസലാ ധമ്മാ ന നിരുജ്ഝന്തി തത്ഥ കുസലാ ധമ്മാ ന ഉപ്പജ്ജന്തീതി? ആമന്താ.

(ക) യത്ഥ കുസലാ ധമ്മാ ന ഉപ്പജ്ജന്തി തത്ഥ അബ്യാകതാ ധമ്മാ ന നിരുജ്ഝന്തീതി? നിരുജ്ഝന്തി.

(ഖ) യത്ഥ വാ പന അബ്യാകതാ ധമ്മാ ന നിരുജ്ഝന്തി തത്ഥ കുസലാ ധമ്മാ ന ഉപ്പജ്ജന്തീതി? നത്ഥി.

൧൭൨. (ക) യത്ഥ അകുസലാ ധമ്മാ ന ഉപ്പജ്ജന്തി തത്ഥ അബ്യാകതാ ധമ്മാ ന നിരുജ്ഝന്തീതി? നിരുജ്ഝന്തി.

(ഖ) യത്ഥ വാ പന അബ്യാകതാ ധമ്മാ ന നിരുജ്ഝന്തി തത്ഥ അകുസലാ ധമ്മാ ന ഉപ്പജ്ജന്തീതി? നത്ഥി.

(ച) പച്ചനീകപുഗ്ഗലോകാസാ

൧൭൩. (ക) യസ്സ യത്ഥ കുസലാ ധമ്മാ ന ഉപ്പജ്ജന്തി തസ്സ തത്ഥ അകുസലാ ധമ്മാ ന നിരുജ്ഝന്തീതി?

അകുസലാനം ഭങ്ഗക്ഖണേ തേസം തത്ഥ കുസലാ ധമ്മാ ന ഉപ്പജ്ജന്തി, നോ ച തേസം തത്ഥ അകുസലാ ധമ്മാ ന നിരുജ്ഝന്തി. കുസലവിപ്പയുത്തചിത്തസ്സ ഉപ്പാദക്ഖണേ അകുസലവിപ്പയുത്തചിത്തസ്സ ഭങ്ഗക്ഖണേ അസഞ്ഞസത്താനം തേസം തത്ഥ കുസലാ ച ധമ്മാ ന ഉപ്പജ്ജന്തി അകുസലാ ച ധമ്മാ ന നിരുജ്ഝന്തി.

(ഖ) യസ്സ വാ പന യത്ഥ അകുസലാ ധമ്മാ ന നിരുജ്ഝന്തി തസ്സ തത്ഥ കുസലാ ധമ്മാ ന ഉപ്പജ്ജന്തീതി?

കുസലാനം ഉപ്പാദക്ഖണേ തേസം തത്ഥ അകുസലാ ധമ്മാ ന നിരുജ്ഝന്തി, നോ ച തേസം തത്ഥ കുസലാ ധമ്മാ ന ഉപ്പജ്ജന്തി. അകുസലവിപ്പയുത്തചിത്തസ്സ ഭങ്ഗക്ഖണേ കുസലവിപ്പയുത്തചിത്തസ്സ ഉപ്പാദക്ഖണേ അസഞ്ഞസത്താനം തേസം തത്ഥ അകുസലാ ച ധമ്മാ ന നിരുജ്ഝന്തി കുസലാ ച ധമ്മാ ന ഉപ്പജ്ജന്തി.

(ക) യസ്സ യത്ഥ കുസലാ ധമ്മാ ന ഉപ്പജ്ജന്തി തസ്സ തത്ഥ അബ്യാകതാ ധമ്മാ ന നിരുജ്ഝന്തീതി?

സബ്ബേസം ചവന്താനം പവത്തേ ചിത്തസ്സ ഭങ്ഗക്ഖണേ തേസം തത്ഥ കുസലാ ധമ്മാ ന ഉപ്പജ്ജന്തി, നോ ച തേസം തത്ഥ അബ്യാകതാ ധമ്മാ ന നിരുജ്ഝന്തി. സബ്ബേസം ഉപപജ്ജന്താനം പവത്തേ കുസലവിപ്പയുത്തചിത്തസ്സ ഉപ്പാദക്ഖണേ അരൂപേ കുസലാകുസലാനം ഭങ്ഗക്ഖണേ തേസം തത്ഥ കുസലാ ച ധമ്മാ ന ഉപ്പജ്ജന്തി അബ്യാകതാ ച ധമ്മാ ന നിരുജ്ഝന്തി.

(ഖ) യസ്സ വാ പന യത്ഥ അബ്യാകതാ ധമ്മാ ന നിരുജ്ഝന്തി തസ്സ തത്ഥ കുസലാ ധമ്മാ ന ഉപ്പജ്ജന്തീതി?

കുസലാനം ഉപ്പാദക്ഖണേ തേസം തത്ഥ അബ്യാകതാ ധമ്മാ ന നിരുജ്ഝന്തി, നോ ച തേസം തത്ഥ കുസലാ ധമ്മാ ന ഉപ്പജ്ജന്തി. സബ്ബേസം ഉപപജ്ജന്താനം പവത്തേ കുസലവിപ്പയുത്തചിത്തസ്സ ഉപ്പാദക്ഖണേ അരൂപേ കുസലാകുസലാനം ഭങ്ഗക്ഖണേ തേസം തത്ഥ അബ്യാകതാ ച ധമ്മാ ന നിരുജ്ഝന്തി കുസലാ ച ധമ്മാ ന ഉപ്പജ്ജന്തി.

൧൭൪. (ക) യസ്സ യത്ഥ അകുസലാ ധമ്മാ ന ഉപ്പജ്ജന്തി തസ്സ തത്ഥ അബ്യാകതാ ധമ്മാ ന നിരുജ്ഝന്തീതി?

സബ്ബേസം ചവന്താനം പവത്തേ ചിത്തസ്സ ഭങ്ഗക്ഖണേ തേസം തത്ഥ അകുസലാ ധമ്മാ ന ഉപ്പജ്ജന്തി, നോ ച തേസം തത്ഥ അബ്യാകതാ ധമ്മാ ന നിരുജ്ഝന്തി. സബ്ബേസം ഉപപജ്ജന്താനം പവത്തേ അകുസലവിപ്പയുത്തചിത്തസ്സ ഉപ്പാദക്ഖണേ അരൂപേ കുസലാകുസലാനം ഭങ്ഗക്ഖണേ തേസം തത്ഥ അകുസലാ ച ധമ്മാ ന ഉപ്പജ്ജന്തി അബ്യാകതാ ച ധമ്മാ ന നിരുജ്ഝന്തി.

(ഖ) യസ്സ വാ പന യത്ഥ അബ്യാകതാ ധമ്മാ ന നിരുജ്ഝന്തി തസ്സ തത്ഥ അകുസലാ ധമ്മാ ന ഉപ്പജ്ജന്തീതി?

അകുസലാനം ഉപ്പാദക്ഖണേ തേസം തത്ഥ അബ്യാകതാ ധമ്മാ ന നിരുജ്ഝന്തി, നോ ച തേസം തത്ഥ അകുസലാ ധമ്മാ ന ഉപ്പജ്ജന്തി. സബ്ബേസം ഉപപജ്ജന്താനം പവത്തേ അകുസലവിപ്പയുത്തചിത്തസ്സ ഉപ്പാദക്ഖണേ അരൂപേ കുസലാകുസലാനം ഭങ്ഗക്ഖണേ തേസം തത്ഥ അബ്യാകതാ ച ധമ്മാ ന നിരുജ്ഝന്തി അകുസലാ ച ധമ്മാ ന ഉപ്പജ്ജന്തി.