(൪) പച്ചുപ്പന്നാതീതവാരോ

(ക) അനുലോമപുഗ്ഗലോ

൧൩൩. (ക) യസ്സ കുസലാ ധമ്മാ നിരുജ്ഝന്തി തസ്സ അകുസലാ ധമ്മാ നിരുജ്ഝിത്ഥാതി? ആമന്താ.

(ഖ) യസ്സ വാ പന അകുസലാ ധമ്മാ നിരുജ്ഝിത്ഥ തസ്സ കുസലാ ധമ്മാ നിരുജ്ഝന്തീതി?

സബ്ബേസം ചിത്തസ്സ ഉപ്പാദക്ഖണേ കുസലവിപ്പയുത്തചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം അകുസലാ ധമ്മാ നിരുജ്ഝിത്ഥ, നോ ച തേസം കുസലാ ധമ്മാ നിരുജ്ഝന്തി. കുസലാനം ഭങ്ഗക്ഖണേ തേസം അകുസലാ ച ധമ്മാ നിരുജ്ഝിത്ഥ കുസലാ ച ധമ്മാ നിരുജ്ഝന്തി.

(ക) യസ്സ കുസലാ ധമ്മാ നിരുജ്ഝന്തി തസ്സ അബ്യാകതാ ധമ്മാ നിരുജ്ഝിത്ഥാതി? ആമന്താ.

(ഖ) യസ്സ വാ പന അബ്യാകതാ ധമ്മാ നിരുജ്ഝിത്ഥ തസ്സ കുസലാ ധമ്മാ നിരുജ്ഝന്തീതി?

സബ്ബേസം ചിത്തസ്സ ഉപ്പാദക്ഖണേ കുസലവിപ്പയുത്തചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം അബ്യാകതാ ധമ്മാ നിരുജ്ഝിത്ഥ, നോ ച തേസം കുസലാ ധമ്മാ നിരുജ്ഝന്തി. കുസലാനം ഭങ്ഗക്ഖണേ തേസം അബ്യാകതാ ച ധമ്മാ നിരുജ്ഝിത്ഥ കുസലാ ച ധമ്മാ നിരുജ്ഝന്തി.

൧൩൪. (ക) യസ്സ അകുസലാ ധമ്മാ നിരുജ്ഝന്തി തസ്സ അബ്യാകതാ ധമ്മാ നിരുജ്ഝിത്ഥാതി? ആമന്താ.

(ഖ) യസ്സ വാ പന അബ്യാകതാ ധമ്മാ നിരുജ്ഝിത്ഥ തസ്സ അകുസലാ ധമ്മാ നിരുജ്ഝന്തീതി?

സബ്ബേസം ചിത്തസ്സ ഉപ്പാദക്ഖണേ അകുസലവിപ്പയുത്തചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം അബ്യാകതാ ധമ്മാ നിരുജ്ഝിത്ഥ, നോ ച തേസം അകുസലാ ധമ്മാ നിരുജ്ഝന്തി. അകുസലാനം ഭങ്ഗക്ഖണേ തേസം അബ്യാകതാ ച ധമ്മാ നിരുജ്ഝിത്ഥ അകുസലാ ച ധമ്മാ നിരുജ്ഝന്തി.

(ഖ) അനുലോമഓകാസോ

൧൩൫. യത്ഥ കുസലാ ധമ്മാ നിരുജ്ഝന്തി തത്ഥ അകുസലാ ധമ്മാ നിരുജ്ഝിത്ഥാതി?…പേ….

(ഗ) അനുലോമപുഗ്ഗലോകാസാ

൧൩൬. (ക) യസ്സ യത്ഥ കുസലാ ധമ്മാ നിരുജ്ഝന്തി തസ്സ തത്ഥ അകുസലാ ധമ്മാ നിരുജ്ഝിത്ഥാതി? ആമന്താ.

(ഖ) യസ്സ വാ പന യത്ഥ അകുസലാ ധമ്മാ നിരുജ്ഝിത്ഥ തസ്സ തത്ഥ കുസലാ ധമ്മാ നിരുജ്ഝന്തീതി?

സബ്ബേസം ചിത്തസ്സ ഉപ്പാദക്ഖണേ കുസലവിപ്പയുത്തചിത്തസ്സ ഭങ്ഗക്ഖണേ തേസം തത്ഥ അകുസലാ ധമ്മാ നിരുജ്ഝിത്ഥ, നോ ച തേസം തത്ഥ കുസലാ ധമ്മാ നിരുജ്ഝന്തി. കുസലാനം ഭങ്ഗക്ഖണേ തേസം തത്ഥ അകുസലാ ച ധമ്മാ നിരുജ്ഝിത്ഥ കുസലാ ച ധമ്മാ നിരുജ്ഝന്തി.

(ക) യസ്സ യത്ഥ കുസലാ ധമ്മാ നിരുജ്ഝന്തി തസ്സ തത്ഥ അബ്യാകതാ ധമ്മാ നിരുജ്ഝിത്ഥാതി? ആമന്താ.

(ഖ) യസ്സ വാ പന യത്ഥ അബ്യാകതാ ധമ്മാ നിരുജ്ഝിത്ഥ തസ്സ തത്ഥ കുസലാ ധമ്മാ നിരുജ്ഝന്തീതി?

സബ്ബേസം ചിത്തസ്സ ഉപ്പാദക്ഖണേ കുസലവിപ്പയുത്തചിത്തസ്സ ഭങ്ഗക്ഖണേ അസഞ്ഞസത്താനം തേസം തത്ഥ അബ്യാകതാ ധമ്മാ നിരുജ്ഝിത്ഥ, നോ ച തേസം തത്ഥ കുസലാ ധമ്മാ നിരുജ്ഝന്തി. കുസലാനം ഭങ്ഗക്ഖണേ തേസം തത്ഥ അബ്യാകതാ ച ധമ്മാ നിരുജ്ഝിത്ഥ കുസലാ ച ധമ്മാ നിരുജ്ഝന്തി.

൧൩൭. (ക) യസ്സ യത്ഥ അകുസലാ ധമ്മാ നിരുജ്ഝന്തി തസ്സ തത്ഥ അബ്യാകതാ ധമ്മാ നിരുജ്ഝിത്ഥാതി? ആമന്താ.

(ഖ) യസ്സ വാ പന യത്ഥ അബ്യാകതാ ധമ്മാ നിരുജ്ഝിത്ഥ തസ്സ തത്ഥ അകുസലാ ധമ്മാ നിരുജ്ഝന്തീതി?

സബ്ബേസം ചിത്തസ്സ ഉപ്പാദക്ഖണേ അകുസലവിപ്പയുത്തചിത്തസ്സ ഭങ്ഗക്ഖണേ അസഞ്ഞസത്താനം തേസം തത്ഥ അബ്യാകതാ ധമ്മാ നിരുജ്ഝിത്ഥ, നോ ച തേസം തത്ഥ അകുസലാ ധമ്മാ നിരുജ്ഝന്തി. അകുസലാനം ഭങ്ഗക്ഖണേ തേസം തത്ഥ അബ്യാകതാ ച ധമ്മാ നിരുജ്ഝിത്ഥ അകുസലാ ച ധമ്മാ നിരുജ്ഝന്തി.

(ഘ) പച്ചനീകപുഗ്ഗലോ

൧൩൮. (ക) യസ്സ കുസലാ ധമ്മാ ന നിരുജ്ഝന്തി തസ്സ അകുസലാ ധമ്മാ ന നിരുജ്ഝിത്ഥാതി? നിരുജ്ഝിത്ഥ.

(ഖ) യസ്സ വാ പന അകുസലാ ധമ്മാ ന നിരുജ്ഝിത്ഥ തസ്സ കുസലാ ധമ്മാ ന നിരുജ്ഝന്തീതി? നത്ഥി.

(ക) യസ്സ കുസലാ ധമ്മാ ന നിരുജ്ഝന്തി തസ്സ അബ്യാകതാ ധമ്മാ ന നിരുജ്ഝിത്ഥാതി? നിരുജ്ഝിത്ഥ.

(ഖ) യസ്സ വാ പന അബ്യാകതാ ധമ്മാ ന നിരുജ്ഝിത്ഥ തസ്സ കുസലാ ധമ്മാ ന നിരുജ്ഝന്തീതി? നത്ഥി.

൧൩൯. (ക) യസ്സ അകുസലാ ധമ്മാ ന നിരുജ്ഝന്തി തസ്സ അബ്യാകതാ ധമ്മാ ന നിരുജ്ഝിത്ഥാതി? നിരുജ്ഝിത്ഥ.

(ഖ) യസ്സ വാ പന അബ്യാകതാ ധമ്മാ ന നിരുജ്ഝിത്ഥ തസ്സ അകുസലാ ധമ്മാ ന നിരുജ്ഝന്തീതി? നത്ഥി.

(ങ) പച്ചനീകഓകാസോ

൧൪൦. യത്ഥ കുസലാ ധമ്മാ ന നിരുജ്ഝന്തി തത്ഥ അകുസലാ ധമ്മാ ന നിരുജ്ഝിത്ഥാതി?…പേ….

(ച) പച്ചനീകപുഗ്ഗലോകാസാ

൧൪൧. (ക) യസ്സ യത്ഥ കുസലാ ധമ്മാ ന നിരുജ്ഝന്തി തസ്സ തത്ഥ അകുസലാ ധമ്മാ ന നിരുജ്ഝിത്ഥാതി?

സബ്ബേസം ചിത്തസ്സ ഉപ്പാദക്ഖണേ കുസലവിപ്പയുത്തചിത്തസ്സ ഭങ്ഗക്ഖണേ തേസം തത്ഥ കുസലാ ധമ്മാ ന നിരുജ്ഝന്തി, നോ ച തേസം തത്ഥ അകുസലാ ധമ്മാ ന നിരുജ്ഝിത്ഥ. സുദ്ധാവാസാനം ദുതിയേ ചിത്തേ വത്തമാനേ അസഞ്ഞസത്താനം തേസം തത്ഥ കുസലാ ച ധമ്മാ ന നിരുജ്ഝന്തി അകുസലാ ച ധമ്മാ ന നിരുജ്ഝിത്ഥ.

(ഖ) യസ്സ വാ പന യത്ഥ അകുസലാ ധമ്മാ ന നിരുജ്ഝിത്ഥ തസ്സ തത്ഥ കുസലാ ധമ്മാ ന നിരുജ്ഝന്തീതി? ആമന്താ.

(ക) യസ്സ യത്ഥ കുസലാ ധമ്മാ ന നിരുജ്ഝന്തി തസ്സ തത്ഥ അബ്യാകതാ ധമ്മാ ന നിരുജ്ഝിത്ഥാതി?

സബ്ബേസം ചിത്തസ്സ ഉപ്പാദക്ഖണേ കുസലവിപ്പയുത്തചിത്തസ്സ ഭങ്ഗക്ഖണേ അസഞ്ഞസത്താനം തേസം തത്ഥ കുസലാ ധമ്മാ ന നിരുജ്ഝന്തി, നോ ച തേസം തത്ഥ അബ്യാകതാ ധമ്മാ ന നിരുജ്ഝിത്ഥ. സുദ്ധാവാസം ഉപപജ്ജന്താനം തേസം തത്ഥ കുസലാ ച ധമ്മാ ന നിരുജ്ഝന്തി അബ്യാകതാ ച ധമ്മാ ന നിരുജ്ഝിത്ഥ.

(ഖ) യസ്സ വാ പന യത്ഥ അബ്യാകതാ ധമ്മാ ന നിരുജ്ഝിത്ഥ തസ്സ തത്ഥ കുസലാ ധമ്മാ ന നിരുജ്ഝന്തീതി? ആമന്താ.

൧൪൨. (ക) യസ്സ യത്ഥ അകുസലാ ധമ്മാ ന നിരുജ്ഝന്തി തസ്സ തത്ഥ അബ്യാകതാ ധമ്മാ ന നിരുജ്ഝിത്ഥാതി?

സബ്ബേസം ചിത്തസ്സ ഉപ്പാദക്ഖണേ അകുസലവിപ്പയുത്തചിത്തസ്സ ഭങ്ഗക്ഖണേ അസഞ്ഞസത്താനം തേസം തത്ഥ അകുസലാ ധമ്മാ ന നിരുജ്ഝന്തി, നോ ച തേസം തത്ഥ അബ്യാകതാ ധമ്മാ ന നിരുജ്ഝിത്ഥ. സുദ്ധാവാസം ഉപപജ്ജന്താനം തേസം തത്ഥ അകുസലാ ച ധമ്മാ ന നിരുജ്ഝന്തി അബ്യാകതാ ച ധമ്മാ ന നിരുജ്ഝിത്ഥ.

(ഖ) യസ്സ വാ പന യത്ഥ അബ്യാകതാ ധമ്മാ ന നിരുജ്ഝിത്ഥ തസ്സ തത്ഥ അകുസലാ ധമ്മാ ന നിരുജ്ഝന്തീതി? ആമന്താ.